<p><span style="color: #000000;"><strong>(អង់គ្លេស)៖</strong> ស្ទើរតែមិនគួរឲ្យជឿទេថា ស្ត្រីជនជាតិអង់គ្លេសម្នាក់ អាចរកប្រាក់ចំណូលបានដល់ទៅ ជិត $100,000 ពីការលក់ទឹកភក់ ច្រកក្នុងដបផ្លាស្ទិក នៅលើគេហទំព័រ Ebay។ ស្ត្រីជាអ្នកលក់ដ៏វ័យឆ្លាតនេះ រស់នៅក្នុងទីក្រុង Newcastle ដោយនាងដាក់ឈ្មោះលើ Ebay ថា polkadotqueen07 ក្នុងការប្រកាសលក់ ទឹកភក់ដែលកើតចេញ ពីទិដ្ឋភាពគ្រោះធម្មជាតិមួយ កាលពីពេលកន្លងទៅ។</span></p>
<p><span style="color: #000000;">ក្នុងការរៀបរាប់ពីការលក់ ដបទឹកភក់នេះ គឺអ្នកលក់ប្រកាសថា ទឹកនេះមានចំណុះប្រមាណ 600 មីលីលីត្រ ជាទឹកភក់ Drummond Puddle ឥតក្លែងក្លាយ ដែលនាងយកមកពី Jeasmond, Newcastle ហើយទឹកនេះមិនសម្រាប់ផឹកទេ គ្រាន់តែជាវត្ថុលំអ ដើម្បីសោភ័ណភាពប៉ុណ្ណោះ។</span></p>
<p><span style="color: #000000;">វាពិតជាគួរឲ្យភ្ញាក់ផ្អើលណាស់ ព្រោះតាំងពីនាងប្រកាសលក់ ផលិតផលទឹកភក់ដ៏ល្បីល្បាញនេះមក ក៏មានមនុស្សមកទិញជាច្រើននាក់ ហើយស្ត្រីរូបនេះអាចរកចំណូលបានចំនួន $95,000 ពីទឹកភក់ ដែលកើតឡើងកាលពីមានព្យុះ ដ៏ធំមួយបោកបក់លើប្រទេស នៅដើមសប្តាហ៍នេះ ទើបបង្កើតបានជាភក់យ៉ាងខ្លាំង នៅចុងស្ពានមួយ នៃទីក្រុង Newcastle ដែលក្នុងរូបភាព អ៊ីនធឺណេតបានបង្ហាញថា មានមនុស្សជាច្រើននាំគ្នាលោតចូល អាងទឹកដ៏ធំនៅថ្ងៃកើតមានព្យុះបោកបក់ខ្លាំងនោះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/14/18e-14-01-2016--11-11-45.jpg"><img src="/FileManager/Articles/mce/2016/1/14/18e-14-01-2016--11-11-45.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p> </p>