<div class="article-content">
<p><strong>ភ្នំពេញ ៖</strong> បុរសម្នាក់បានស្លាប់យ៉ាងអាណោចអាធ័ម ក្នុងថ្លុកឈាម ខណៈដែលរូបគេ អង្គុយ<br />លើរថយន្ត ហើយរថយន្តឡាគួឡើងស្ពាន ព្រះមុនីវង្សចាស់ បណ្តាលឲ្យធ្លាក់ខ្ទាតចូលក្រោម<br />រថយន្ត និងកិនបែកក្បាល នៅគល់ស្ពាន សង្កាត់ច្បារអំពៅទី២ ខណ្ឌមានជ័យ កាលពីវេលា<br />ម៉ោង៦ និង ១៥ នាទី ថ្ងៃទី២៦ ខែកុម្ភ: ឆ្នាំ ២០១៣ ។</p>
<p id=":101">យោងតាមសេចក្តីរាយការណ៍ នៅកន្លែងកើតហេតុ បានឲ្យដឹងថា បុរសដែលស្លាប់ ក្នុងហេតុ<br />ការណ៍គ្រោះថ្នាក់ចរាចរខាងលើនេះ មានឈ្មោះ រ៉េត ភេទប្រុស អាយុ៣២ ឆ្នាំជាអ្នកកម្មករលី<br />សែងអំបិល មានស្រុកកំណើតនៅភូមិ តាមូង ឃុំព្រៃគាំ ស្រុកអង្គរបុរី ខេត្តតាកែវ។</p>
<p>សាក្សីបន្តថា មុនកើតហេតុ ជនរងគ្រោះបានជិះលើ រថយន្តដឹកអំបិល ក្នុងទិសដៅ ពីតាខ្មៅ ឆ្ពោះ<br />ទៅកាន់ខេត្ត កំពង់ស្ពឺ ខណ:មកដល់គល់ ស្ពានព្រះមុនីវង្សថ្មី រថយន្តបានបន្ថែមល្បឿន ប្រឹងឡើង<br />ស្ពានមុនីវង្សចាស់នោះ ដោយស្ថានភាពផ្លូវកោង និងដោយរថយន្ត ដឹកបាវអំបិល ដែលចង មិន<br />ជាប់នោះ បណ្តាលឲ្យបាវអំបិល និង ជនរងគ្រោះរអិលធ្លាក់តាមបាវអំបិល ខ្ទាតចូលកង់រថយន្ត<br /> កិនបែកក្បាល ស្លាប់ភ្លាមៗនៅនឹងកន្លែងតែម្តង។</p>
<p>សមត្ថកិច្ចនគរបាលចរាចរ ខណ្ឌមានជ័យ លោកទិត ចំរើន បានឲ្យដឹងថា រថយន្តបង្កម៉ាកហ៊ីយ៉ាន់<br />ដាយ ពណ៌ស ពាក់ស្លាកលេខ 3B-5560 បើកបរ ដោយឈ្មោះ បៀម ដា ភេទប្រុស អាយុ ៣០ឆ្នាំ<br /> ស្នាក់នៅភូមិព្រែកកាំភ្លើង ឃុំវិហារសួគ៌ ស្រុកខ្សាច់កណ្តាល ខេត្តកណ្តាល ដឹកអំបិលពី កន្លែង <br />ផលិតនៅតាខ្មៅ ទៅឲ្យម៉ូយនៅខេត្តកំពង់ស្ពឺ ដែលថៅកែឈ្មោះ អ៊ី ស្រីមុំ អាយុ ២៨ឆ្នាំ មានទីលំ<br />នៅភូមិ ឃុំ ព្រែកសំរោង ក្រុងតាខ្មៅ។</p>
<p>បច្ចុប្បន្នក្រោយពីកើតហេតុសមត្ថកិច្ចមូលដ្ឋាន និងនគរបាលចរាចរណ៍ ខណ្ឌមានជ័យ បានសហ<br />ការជាមួយនគរបាលជំនាញ វាស់វែងនាំយករថយន្តបង្កហេតុ និងអ្នកបើកបរ ទៅរក្សាទុក នៅការិ<br />យាល័យចរាចរណ៍ជើងគោក រាជធានីភ្នំពេញ ដើម្បីដោះស្រាយ តាមនីតិវិធីច្បាប់៕</p>
<p style="text-align: center;"><img src="http://111.92.240.170:81/dap-news/dap-images/2013/February/id-014/that-0319.jpg" alt="www.dap-news.com" width="400" /></p>
<p style="text-align: center;"><strong>ជនរងគ្រោះជាកម្មករលីអំបិលធ្លាក់ពីរថយន្តចូលក្រោមកង់រថយន្តកិនបែកក្បាលស្លាប់</strong></p>
<p style="text-align: center;"><img src="http://111.92.240.170:81/dap-news/dap-images/2013/February/id-014/that-0320.jpg" alt="www.dap-news.com" width="400" /></p>
<p style="text-align: center;"><strong>ជនរងគ្រោះធ្លាក់ពីលើរថយន្តជាមួយនឹងបាវអំបិលត្រូវរថយន្តកិនបែកក្បាលស្លាប់</strong></p>
<p style="text-align: center;"><img src="http://111.92.240.170:81/dap-news/dap-images/2013/February/id-014/that-0321.jpg" alt="www.dap-news.com" width="400" /></p>
<p style="text-align: center;"><strong>រថយន្តដឹកអំបិលដែលកិនកម្មករលីអំបិលស្លាប់</strong></p>
<p style="text-align: right;">ផ្តល់សិទ្ធិដោយ៖ ដើមអំពិល<strong><br /></strong></p>
</div>