<p><span style="color: #000000;"><strong>ភ្នំពេញ៖</strong> តារាសម្ដែងល្បីឈ្មោះ ប៉ុន្តែមកធ្លាក់កូដ ពេលវិវត្តន៍ខ្លួនមកជាតារាចម្រៀងកញ្ញា គៀត សុវណ្ណាឡាង ដែលតែកំពុងតែសម្ងំ ក្នុងភាពស្ងប់ស្ងាត់ ហាក់គ្មានបទចម្រៀងណាមួយលេចធ្លោ និងកាន់តែកប់បាត់ទៅ ធ្វើឲ្យទស្សនិកជន ស្ទើរតែភ្លេចនាងទៅហើយ ។ គៀត សុវណ្ណាឡាង ត្រូវបានគេដឹងថា បានទៅសម្ងំក្នុងផលិតកម្ម ហង្សមាស តាំងពីចុង ឆ្នាំ២០១១ តែដោយសារសមត្ថភាព មានកម្រិតទើបនាងត្រូវ ទើរនៅត្រឹមផលិតកម្ម ភ្លេងរីខល ដែលជារួមទ្រនំជាមួយនាង វ៉ានីឡា ប្អូនស្រីលោក សុខ ជំនោរ ។</span></p>
<p><span style="color: #000000;">ថ្មីៗនេះដោយមើលឃើញពីសន្ទុះកេរ្តិ៍ឈ្មោះរបស់ គៀត សុវណ្ណាឡាង កាន់តែឆ្ងាយសន្លឹមទៅៗ អាចធ្វើឲ្យទស្សនិកជន លែងស្គាល់នាងក្នុងរយៈពេលដ៏ខ្លីខាងមុខនេះ អ្នកគាំទ្រ គៀត សុវណ្ណាឡាង បាននិយាយពួកគេចង់ឲ្យនាង បោះម៉ៃក្រូហ្វូនចោល ហើយត្រឡប់មកមុខកាមេរ៉ាសម្ដែងវិញ ព្រោះបើនៅទៀតក៏មិនបានរីកចម្រើនឡើយមានតែចុះ ហើយអាចបន្តចុះ ជាងនេះបន្ថែមទៀត ទោះផលិតកម្ម ព្យាយាមលើកយ៉ាងណាក៏មិនរួចដែរ ។</span></p>
<p><span style="color: #000000;">អ្នកគាំទ្រភាគច្រើនលើកឡើងថា បើសិន គៀត សុវណ្ណាឡាង បន្តប្រឡូកក្នុងអាជីពសម្ដែង នាងនឹងបានតំណែងជាតួឯក ព្រោះវិស័យភាពយន្ត ហាក់ងើបឡើងវិញ ធ្វើឲ្យតារាសម្ដែងជាច្រើនកំពុងតែកាក់កប មានទឹកមាត់លេបគ្រប់ៗគ្នា ។ ម្យ៉ាងទៀត គៀត សុវណ្ណាឡាង ក៏មានទេពកោសល្យក្នុងការសម្ដែងនេះ ពីធម្មជាតិស្រាប់ គ្មានអ្វីក្នុងការលំបាក ដើម្បីស្រោចស្រង់កេរ្តិ៍ឈ្មោះឡើងវិញ ប្រជែងជាមួយតារារួមជំនាន់នោះឡើយ ។</span></p>
<p><span style="color: #000000;">តារាចម្រៀង គៀត សុវណ្ណឡាង បាននិយាយថា នៅពេលនេះ ខាងផលិតកម្មមិនបានចងជើង ឬហាមឃាត់នាង មិនឲ្យសម្ដែងឡើយ តែកាលមុនពិតជាហាក់តឹងរឹងបន្តិចមែន សូម្បីតែសម្ដែងឈុតសិចស៊ីពេក ឬឈុតមិនសមរម្យណាមួយក៏មិនអនុញ្ញាតដែរ ប៉ុន្តែនៅពេលផលិតកម្មបើកសិទ្ធិទូលាយ ក៏ដូចជាគ្មានផលិតករណា ទាក់ទងមកនាងដើម្បីហៅសម្ដែងរឿង ព្រោះតែលក្ខខណ្ឌច្រើនហួសហេតុពេក ។</span></p>
<p><span style="color: #000000;">គៀត សុវណ្ណាឡាង បន្តថា ធ្លាប់បដិសេធន៍ឱកាសជាតួឯកជាច្រើនរឿង ព្រោះកិច្ចសន្យាជាមួយផលិតកម្ម ត្រូវបន្តរហូតដល់ឆ្នាំ ២០១៧ ទើបផុត ។ ថ្វីដ្បិតត្រឹមតែ១ឆ្នាំកន្លះទៀត នាងផុតកិច្ចសន្យាមែន តែវ័យរបស់នាងមិនក្មេងដូចមុនទេ ប្រជាប្រិយភាព ក៏មិនអាចដូចពីដំបូងៗដែរ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/25/80-25-05-2015--15-47-12.jpg"><img src="/FileManager/Articles/mce/2015/5/25/80-25-05-2015--15-47-12.jpg" alt="" /></a></span></p>
<p><a class="thickbox" title="" href="/FileManager/Commons/2015/5/25/81-25-05-2015--15-47-20.jpg"><img src="/FileManager/Articles/mce/2015/5/25/81-25-05-2015--15-47-20.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/5/25/80-25-05-2015--15-47-12.jpg"></a></span></p>
<p><a class="thickbox" title="" href="/FileManager/Commons/2015/5/25/82-25-05-2015--15-47-27.jpg"><img src="/FileManager/Articles/mce/2015/5/25/82-25-05-2015--15-47-27.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>