<p><span style="color: #000000;"><strong>(មណ្ឌលគិរី)៖</strong> បុរសម្នាក់ពេលកំពុងដេកលង់លក់ នៅក្នុងអង្រឹងលើផ្ទះ ត្រូវជនមិនស្គាល់មុខ លបបាញ់សម្លាប់ចោល ដោយមិនទាន់ដឹង មូលហេតុ នៅឡើយ ខណ:ដែលកម្លាំងសមត្ថកិច្ច បាននិងកំពុងធ្វើការស្រាវជ្រាវយ៉ាងយកចិត្តទុកដាក់ លើករណីឃាតកម្មមួយនេះ ។</span></p>
<p><span style="color: #000000;">ករណីបាញ់សម្លាប់មនុស្សខាងលើនេះ បានកើតឡើងនៅវេលាម៉ោង ប្រមាណ៩៖២៦នាទី យប់ថ្ងៃទី១៧ ខែកុម្ភៈ ឆ្នាំ២០១៦នេះ ស្ថិតនៅចំណុចក្រុមគែរពៅ ភូមិក្លងឡែ ឃុំសុខសាន្ត ស្រុកកោះញែក ខេត្តមណ្ឌលគិរី ។</span></p>
<p><span style="color: #000000;">ស្នងការនគរបាលខេត្តមណ្ឌលគិរី លោកឧត្តមសេនីយ៍ត្រី តូច យ៉ុន បានប្រាប់ Fresh News នៅព្រឹកថ្ងៃទី១៨ ខែកុម្ភៈ ឆ្នាំ២០១៦នេះថា «ករណីនេះ យើងមិនទាន់ហានសន្និដ្ឋាននៅឡើយទេ ថាបណ្តាលមកពីមូលហេតុអ្វី ដែលយើងកំពុងធ្វើការស្រាវជ្រាវ យ៉ាងយកចិត្តទុកដាក់ ដើម្បីតាមចាប់ជនល្មើស»។ បើតាមលោកស្នងការ ជនល្មើសបានលបបាញ់ជនរងគ្រោះ ពីក្រោមផ្ទះ ខណ:ដែលជនរងគ្រោះកំពុងដេកលក់ នៅក្នុងអង្រឹងលើផ្ទះ។</span></p>
<p><span style="color: #000000;">លោក កាន់ ពេញ អធិការនគរបាលស្រុកកោះញែក បានឲ្យដឹងថា ជនរងគ្រោះឈ្មោះផ្លាល ព្យុ អាយុ២៧ឆ្នាំ ជនជាតិភ្នង ទីលំនៅភូមិ ឃុំកើតហេតុដោយឡែក ជនល្មើសបានប្រើកាំភ្លើង (មិនទាន់ដឹងប្រភេទព្រោះមិនទាន់រកឃើញសំបកគ្រាប់) ដោយបាញ់១គ្រាប់ចំក្បាល ពីខាងក្រោយធ្លាយមកចំកណ្តាលថ្ងាស ។</span></p>
<p><span style="color: #000000;">ក្រោយមានករណីនេះកើតឡើង កម្លាំងសមត្ថកិច្ច បានចុះទៅជួយអន្តរាគមន៍ និងធ្វើកោសល្យវិច័យសពមុនពេលប្រគល់ជូន ជនរងគ្រោះ យកទៅធ្វើបុណ្យតាមប្រពៃណី៕</span></p>
<p style="text-align: center;"><span style="color: #000000;"><img src="https://fbcdn-photos-g-a.akamaihd.net/hphotos-ak-xft1/v/t1.0-0/s480x480/12717362_231035733895603_6820813950744985709_n.jpg?oh=c521b02e802b4adc538a4af74d5faca6&oe=575D724C&__gda__=1466612062_912517e692827d24912979b3f38c3cb0" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/12717793_231035740562269_1753333925896036435_n.jpg?oh=e1664f032e1a2a6cf31ec3c072333418&oe=576FFB02" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xlt1/v/t1.0-9/12717541_231035737228936_7809454126272132724_n.jpg?oh=eb24140bcf55dc31670750314592a808&oe=575E97CC&__gda__=1462481117_6d2f7388f399e8e20615bad517485a22" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>