<p><span style="font-size: 12px; color: #000000;">មុនពេលចូលគេង អ្នកគួរតែប្រើផលិតផលលាងសម្អាតម្សៅផាត់ចេញពីមុខ លាងសម្អាតមុខដោយទឹក ហើយទើបលាបក្រែមរក្សាសំណើមតាមក្រោយ។ វាជារឿងធម្មតាទៅហើយ ដែលយើងតែងតែគិតពីចំណុចត្រូវ ឬខុស ដែលយើងធ្វើក្នុងជីវិតប្រចាំថ្ងៃ។ ប៉ុន្ដែទោះយ៉ាងនេះក្ដី ក៏នៅមានទម្លាប់ប្រចាំថ្ងៃមួយចំនួន ដែលធ្វើឱ្យខូចលក្ខណៈខាងក្រៅ ឬសុខភាពរបស់អ្នក ដែលអ្នកអាចមើលរំលង។ </span></p>
<p><span style="color: #000000;">ដូច្នេះថ្ងៃនេះ យើងសូមលើកយកទម្លាប់មួយចំនួនមកបង្ហាញមិត្ដស្រ្ដីឱ្យបានជ្រាប ពីព្រោះយើងតែងតែធ្វើទម្លាប់ទាំងនេះ ទាំងមិនបានដឹងថា វាធ្វើឱ្យប៉ះពាល់ដល់ខ្លួនយើង។</span></p>
<p><span style="color: #000000;"><a class="thickbox" title="" href="/FileManager/Commons/2018/9/1/6-01-09-2018--12-08-17.PNG"><img src="/FileManager/Articles/mce/2018/9/1/6-01-09-2018--12-08-17.PNG" alt="" /></a><br /></span></p>
<p><span style="color: #000000;"><strong>១. អង្គុយគងអន្ទាក់ខ្លា៖ </strong>ការអង្គុយគងអន្ទាក់ខ្លា គឺជាទម្លាប់ ដែលស្រ្ដីភាគច្រើន តែងតែធ្វើ។ តាមពិត ស្រ្ដីភាគច្រើនអង្គុយបែបនេះ យ៉ាងឡូយឆាយ។</span></p>
<p><span style="color: #000000;">-ប៉ុន្ដែកុំភ្លេចថា ការអង្គុយគងអន្ទាក់ខ្លា ពិតជាបង្កផលប៉ះពាល់ និងធ្វើឱ្យរំហូរឈាមធ្លាក់ចុះ ដែលបណ្ដាលកើតបញ្ហាផ្សេងៗដូចជា ប៉ោងសរសៃឈាមជាដើម។</span></p>
<p><span style="color: #000000;"><a class="thickbox" title="" href="/FileManager/Commons/2018/9/1/1-01-09-2018--12-06-36.PNG"><img src="/FileManager/Articles/mce/2018/9/1/1-01-09-2018--12-06-36.PNG" alt="" /></a><br /></span></p>
<p><span style="color: #000000;">-លើសពីនេះទៅទៀត វាគឺជាកាយវិការមួយ ដែលបណ្ដាលឱ្យឈឺខ្នង និងបង្កបញ្ហាដល់សរីរាង្គបន្ដពូជ។ បញ្ហាទាំងនេះ បណ្ដាលមកពីសម្ពាធ ដែលសង្កត់ទៅលើជើង ក្នុងរយៈពេលយូរ។</span></p>
<p><span style="color: #000000;"><strong>២. ងូតទឹកក្ដៅ៖ </strong>មនុស្សភាគច្រើន ងូតទឹកក្ដៅដើម្បីឱ្យមានអារម្មណ៍ស្រួលក្នុងខ្លួន និងសម្រាកសម្រាន្ដ ព្រមទាំងជាទម្លាប់មួយជាទីពេញចិត្ដរបស់ពួកគេ។ ប៉ុន្ដែយើងពុំបានចាប់អារម្មណ៍នោះទេដែលថា សីតុណ្ហភាពក្ដៅ ធ្វើឱ្យប៉ះពាល់ដល់ស្បែករបស់យើង ប្រៀបបាននឹងកម្ដៅថ្ងៃអីចឹងដែរ ដោយធ្វើការផ្លាស់ប្ដូរតុល្យភាពធម្មជាតិរបស់ស្បែក។ ទឹកក្ដៅអាចជាមូលហេតុ ដែលធ្វើឱ្យអ្នកក្រហាយស្បែក រមាស់ ឬស្បែកស្ងួត។</span></p>
<p><span style="color: #000000;">-អ្នកឯកទេសជំងឺសើស្បែក ណែនាំឱ្យបន្ថយសីតុណ្ហភាពទឹក ជំនួសឱ្យការកាត់បន្ថយចំនួនដងនៃការងូតទឹក។</span></p>
<p><span style="color: #000000;">-ម្យ៉ាងទៀត កុំភ្លេចប្រើផលិតផលរក្សាសំណើមស្បែក ដែលមិនធ្វើឱ្យក្រហាយស្បែករបស់អ្នក។ ប្រសិនបើអាច អ្នកគួរជៀសវាងប្រើក្រែមផ្ដល់សំណើមណា ដែលមានក្លិនក្រអូបខ្លាំង ព្រមទាំងប្រភេទផលិតផលមានជាតិគគ្រើម ដែលអាចធ្វើឱ្យខូចស្បែករបស់អ្នក។</span></p>
<p><span style="color: #000000;"><a class="thickbox" title="" href="/FileManager/Commons/2018/9/1/3-01-09-2018--12-06-51.PNG"><img src="/FileManager/Articles/mce/2018/9/1/3-01-09-2018--12-06-51.PNG" alt="" /></a><br /></span></p>
<p><span style="color: #000000;"><strong>៣. ចងសក់ ក្រោយពីងូតទឹករួចភ្លាមៗ៖ </strong>វាជាទម្លាប់ដ៏សាមញ្ញមួយ ហើយវាជាប្រតិកម្មស្វ័យប្រវត្ដិមួយសម្រាប់ស្រ្ដីភាគច្រើន ប៉ុន្ដែទម្លាប់នេះ បង្កផលប៉ះពាល់ដល់សក់គួរឱ្យភ្ញាក់ផ្អើល ពីព្រោះនៅពេលសក់របស់អ្នកសើម វាមានសភាពផុយ និងខ្សោយ។ ដូច្នេះ ប្រសិនបើអ្នកសិតសក់របស់អ្នកទាំងសើម វាមានឱកាសខ្ពស់ ដែលធ្វើឱ្យសក់ដាច់ និងជ្រុះ។</span></p>
<p><span style="color: #000000;">-ប្រសិនបើអ្នកចង់រក្សាសរសៃសក់របស់អ្នកឱ្យមានសុខភាពល្អ យើងសូមណែនាំឱ្យអ្នកជូតសម្ងួតសក់ថ្នមៗ ដោយប្រើកន្សែងពោះគោ។</span></p>
<p><span style="color: #000000;">-បន្ទាប់មក ទុកឱ្យសក់របស់អ្នកស្ងួតដោយកម្លាំងខ្យល់បក់ មុនពេលសិតវា។</span></p>
<p><span style="color: #000000;">-មុនថាសក់របស់អ្នកវែងយ៉ាងណានោះទេ សូមចាប់ផ្ដើមសិតពីចុងសក់ទៅមុន រួចរះទៅគល់សក់។</span></p>
<p><span style="color: #000000;"><a class="thickbox" title="" href="/FileManager/Commons/2018/9/1/5-01-09-2018--12-07-08.PNG"><img src="/FileManager/Articles/mce/2018/9/1/5-01-09-2018--12-07-08.PNG" alt="" /></a><br /></span></p>
<p><span style="color: #000000;"><strong>៤. ប៉ះមុខជាញឹកញាប់៖ </strong>ជាធម្មតាយើងតែងប៉ះមុខរបស់យើង ជាច្រើនដងក្នុងមួយថ្ងៃ ទាំងភ្លេចខ្លួន។ យើងធ្វើវាដោយស្វ័យប្រវត្ដិ ប៉ុន្ដែជួនកាលដៃរបស់យើងកខ្វក់ ក៏យើងនៅតែប៉ះមុខ។ ការប៉ះមុខរបស់អ្នកអាចបង្កបញ្ហាដល់ស្បែកជាច្រើន។</span></p>
<p><span style="color: #000000;">-អាការៈក្រហាយស្បែក និងកើតមុន តែងតែកើតមានជាធម្មតា ដោយសារតែធូលី និងបាក់តេរីកពូន នៅលើដៃរបស់អ្នក ដែលឆ្លងទៅមុខរបស់អ្នក នៅពេលដែលអ្នកប៉ះមុខ ៕</span></p>
<p><span style="color: #000000;"><a class="thickbox" title="" href="/FileManager/Commons/2018/9/1/2-01-09-2018--12-08-00.PNG"><img src="/FileManager/Articles/mce/2018/9/1/2-01-09-2018--12-08-00.PNG" alt="" /></a></span></p>
<p><span style="color: #000000;"><a class="c_tab" href="http://facelinecambodia.com/" target="_blank"><img src="/FileManager/Articles/mce/2018/9/1/faceline-01-09-2018--12-08-45.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ សារ៉ាត</span></p>