<p><span style="color: #000000;">កំពូលផលិតផល Android ឆ្នាំ២០១៧ ដែលធ្លាប់ត្រូវបានគេឲ្យដឹងថា នឹងបង្ហាញខ្លួននៅជិតចុងខែកុម្ភៈ ឆ្នាំក្រោយ។ ប៉ុន្តែតាមព័ត៌មានថ្មីបំផុត បានឲ្យដឹងថា ម៉ូដែលនេះនឹងបង្ហាញខ្លួននៅក្នុងព្រឹត្តិការណ៍នៅទីក្រុងញូយ៉ក ក្នុងខែមេសា ឆ្នាំ២០១៧។</span></p>
<p><span style="color: #000000;">តាមប្រភពពី Naver គំរូស្មាតហ្វូនស៊េរីខ្ពស់ Galaxy S8 នឹងពន្យារពេលបង្ហាញខ្លួនដល់ខែមេសា ឆ្នាំ២០១៧។ ម៉ូដែលនេះនឹងត្រូវបានបំពាក់នូវបច្ចេកវិទ្យាទំនើបៗនាពេលបច្ចុប្បន្ន ដូចជា អេក្រង់កោងគែមសងខាង កាមេរ៉ាភ្លោះ និងសេនស័រស្គែនប្រស្រីភ្នែក ជាដើម។</span></p>
<p style="text-align: center;"><span style="color: #000000;"><a class="thickbox" title="" href="http://camnews.com.kh/FileManager/Commons/2016/12/22/samsunggalaxy9-22-12-2016--09-51-14.jpg"><img src="http://camnews.com.kh/FileManager/Articles/mce/2016/12/22/samsunggalaxy9-22-12-2016--09-51-14.jpg" alt="" /></a></span></p>
<p style="text-align: center;"><em>Galaxy S8 នឹងបង្ហាញខ្លួនយូរជាងរាល់ឆ្នាំ ដោយសារការមានបញ្ហារបស់ Galaxy Note 7</em><br /><em> (រូបភាព៖ Trusted Review</em><span style="color: #000000;"><em>)</em><br /></span></p>
<p><span style="color: #000000;">ហេតុផលនៃការពន្យារពេលនេះ ត្រូវបានគេឲ្យដឹងថា វាបណ្តាលមកពីរឿងហេតុ Galaxy Note 7 ដែលជួបបញ្ហាផ្ទុះឆេះ។ ដើម្បីការកើតឡើងនូវបញ្ហាច្រំដែល Samsung ចង់ធ្វើឲ្យមានការប្រាកដប្រជា ជាមួយGalaxy S8 របស់ពួកគេ ជាមួយនឹងការរចនាម៉ូតដ៏អស្ចារ្យគ្រប់ផ្នែកទាំងអស់ និងដាច់ខាតត្រូវតែមានសុវត្ថិភាព មុននឹងធ្វើការបង្ហាញណែនាំដល់អ្នកប្រើប្រាស់។ ទាល់តែដូច្នេះ ទើបពួកគេអាចយកបានមកវិញនូវការទុកចិត្តជឿជាក់ ពីសំណាក់អ្នកប្រើប្រាស់។</span></p>
<p><span style="color: #000000;">ទន្ទឹមនឹងនោះ Galaxy S8 ត្រូវបានគេរំពឹងថា នឹងមានតម្លៃខ្ពស់ជាង Galaxy S7 ពី១៥% ដល់ ២០% ដោយសារតែ ថ្លៃចំណាយលើវត្ថុធាតុដើមមានការកើនឡើង។ នេះបើយោងតាមការវិភាគពីសារព័ត៌មានកូរ៉េខាងត្បូង ChoiceNews៕</span></p>
<p><span style="color: #000000;"><br /></span></p>
<p style="text-align: right;"><em>ប្រែសម្រួល៖ មង្គល</em><br /><em> ប្រភព៖ Naver, ChoiceNews, Zing</em></p>