<p><span style="color: #000000;"><strong>(ម៉ានីល)៖</strong> នៅបន្ទាប់ពីបានស្បថជាមួយព្រះជាម្ចាស់ ថាខ្លួនឈប់ប្រើពាក្យជេរប្រមាថមិនទាន់ទំាងបានមួយខែផង ប្រធានាធិបតីហ្វីលីពីន លោក រ៉ូឌ្រីហ្គោ ឌូធើតេ បានជេរសហរដ្ឋអាមេរិកសារជាថ្មីម្ដងទៀតដោយចាត់ទុកថា អ្នកដែលនៅពីក្រោយការសម្រេចចិត្តបញ្ឈប់ការលក់កំាភ្លើង២៦,០០០ដើម ដល់ហ្វីលីពីនគឺជា «មនុស្សល្ងីល្ងើ» និង «សត្វស្វា» ហើយលោកថា នឹងទិញអាវុធពីចិន និងរុស្ស៊ីវិញ នេះបើយោងតាមការចុះផ្សាយ របស់សារព័ត៌មាន Reuters នៅយប់ថ្ងៃ ពុធ ទី០២ ខែវិច្ឆិកា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/11/3/17a-03-11-2016--16-12-07.jpg"><img src="/FileManager/Articles/mce/2016/11/3/17a-03-11-2016--16-12-07.jpg" alt="" /></a><br /></span></p>
<p><span style="color: #000000;">ថ្លែងនៅក្នុងសុន្ទរកថាតាមកញ្ចក់ទូរទស្សន៍ លោក ឌូធើតេ បានលើកឡើងដូច្នេះថា «មើលស្វាទំាងនេះចុះ! កាំភ្លើង២៦,០០០ដើម ដែលយើងចង់ទិញ ពួកគេបែរជាមិនចង់លក់ឱ្យយើងទៅវិញ។ កូនមីសំផឹង! យើងមានកាំភ្លើងជាច្រើន នៅទីនេះ អាឆ្កួតអាមេរិក ហើយយើងអាចទិញកាំភ្លើងពីរុស្ស៊ីនិងចិនក៏បានដែរ»។</span></p>
<p><span style="color: #000000;">ការផ្ទុះកំហឹងឡើងវិញរបស់លោកឌូធើតេ កើតឡើងតែមួយថ្ងៃប៉ុណ្ណោះ នៅបន្ទាប់ពីក្រសួងការបរទេសអាមេរិកកាលពីថ្ងៃអង្គារ សម្រេចផ្អាកគំរោងលក់កាំភ្លើងប្រមាណជា ២៦,០០០ដើម ទៅឲ្យប៉ូលិសជាតិហ្វីលីពីនដោយសារតែការរំលោភសិទ្ធិមនុស្ស ខណៈមនុស្សច្រើនជាង២៣០០នាក់ បានស្លាប់បាត់បង់ជីវិត នៅក្នុងសង្រ្គាមប្រឆាំងគ្រឿងញៀនរបស់ប្រធានាធិបតីហ្វលីពីនរូបនេះ៕</span></p>
<p><a class="thickbox" title="" href="/FileManager/Commons/2016/11/3/17b-03-11-2016--16-12-17.jpg"><img src="/FileManager/Articles/mce/2016/11/3/17b-03-11-2016--16-12-17.jpg" alt="" /></a><br /><br /></p>
<p style="text-align: right;"><span style="color: #000000;">ប្រភព ៖ រ៉យទ័រ</span></p>