<p><span style="color: #000000;"><strong>(បាត់ដំបង)៖</strong> លោក ម៉ី ឆេងលី នាយប៉ុស្តិ៍ភ្នំសំពៅ បានប្រាប់ភ្នាក់ងារ Fresh News ថា នៅ៩៖៣០នាទី ព្រឹកថ្ងៃទី២៣ ខែមិថុនានេះ ជនរងគ្រោះឈ្មោះ ឆាន់ ចាំង ភេទប្រុស អាយុ៤៣ឆ្នាំនៅលីវ ជាសមាជិកក្រុមប្រឹក្សាស្រុកកែវសីមា ខេ្តមណ្ឌលគីរី មានទីលំនៅភូមិហៃសាន ឃុំជ្រៃ ស្រុកថ្មគោល ត្រូវបានគេប្រទះឃើញដេកស្លាប់ នៅចំនុចលើភ្នំសំពៅ ផ្លូវចូលអាស្រមគីរីរម្យ ក្នុងភូមិភ្នំសំពៅកើត ឃុំភ្នំសំពៅ ស្រុកបាណន់ ខេត្តបាត់ដំបង ដោយសន្និដ្ឋានជាជំហ៊ានដំបូងថា ជាការបាញ់សម្លាប់ខ្លួនឯង ដោយកាំភ្លើង AK។</span></p>
<p><span style="color: #000000;">នាយប៉ុស្តិ៍ភ្នំសំពៅ បានឲ្យដឹងថា តាមប្រភពពីអ្នកជិតខាង នៅយប់ថ្ងៃទី២២ ម៉ោងប្រហែល៩៖០០នាទី ពួកគាត់បានឮស្នូរគ្រាប់កាំភ្លើង ចេញពីលើភ្នំ ទើបព្រឹកឡើងនាំគ្នាដើររក ក៏ប្រទះឃើញតែម្តង។</span></p>
<p><span style="color: #000000;">ក្រោមការពិនិត្យ និងការសន្និដ្ឋានបឋម របស់សមត្ថកិច្ចបានបញ្ជាក់ថា ជនរងគ្រោះបានបាញ់ខ្លួនឯង ចំនួន៤គ្រាប់ ត្រូវត្រង់ដើមទ្រូង ហើយនៅជាប់នឹងខ្លួន សមត្ថកិច្ចរកឃើញកាំភ្លើង AK មួយដើម គ្រាប់ក្នុងបង់ចំនួន២៦គ្រាប់ និងរកឃើញសំបកគ្រាប់ចំនួនពីរ និងកូនលិខិតតូចមួយមានខ្លឹមសារថា <strong>«សុំទោសបងប្រុស បងស្រីនិងប្អូនស្រី ប្អូនសូមលាអ្នកទាំងអស់គ្នាហើយ សុំជាតិក្រោយ កុំឲ្យខ្ញុំឈឺច្រើនដូចជាតិនេះទៀត។ ចំពោះសពខ្ញុំធ្វើបុណ្យ នៅក្នុងវត្តបានហើយ មិនចាំបាច់យកទៅផ្ទះទេ»</strong>។</span></p>
<p><span style="color: #000000;">សមត្ថកិច្ចបន្តរថា សពដែលប្រជាពលរដ្ឋប្រទះឃើញនេះ មានឈ្មោះ ឆាន់ ចាំង ភេទប្រុស អាយុ៤៣ឆ្នាំ ជាសមាជិកក្រុមប្រឹក្សាស្រុកកែវសីមា ខេត្តមណ្ឌលគីរី និងរថយន្ត១គ្រឿងផងដែរ ជនរងគ្រោះបានជិះមកថតទុកចោល លើខ្នងភ្នំមុខច្រកចូលផ្លូវអាស្រមគូរីរម្យ ភ្នំសំពៅ។ រថយន្តម៉ាក Camry ស្វិត ពណ៌ស ពាក់ស្លាកលេខ ភ្នំពេញ២-០៩២៨។</span></p>
<p><span style="color: #000000;">បច្ចុប្បន្នសពជនរងគ្រោះ ក្រោយពីសមត្ថកិច្ចបានធ្វើកោសល្យវិច្ឆ័យរួចរាល់ ក៍បានប្រគល់ទៅឲ្យសាច់ញាតិ យកទៅធ្វើបុណ្យតាមប្រពៃណី៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/23/1-23-06-2016--15-25-36.png"><img src="/FileManager/Articles/mce/2016/6/23/1-23-06-2016--15-25-36.png" alt="" /></a><br /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13529212_1619185458395819_5882510957030088295_n.jpg?oh=7875caec55d93c6317c01cd974f94bc3&oe=580EB761" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13458564_1619185451729153_361649807863526547_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13498108_1619185455062486_9120791775662657778_o.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>