<p><span style="color: #000000;"><strong>(សៀមរាប)៖</strong> ស្រ្តីទេសចរណ៍ជនជាតិអាមេរិកកាំងម្នាក់ បានរងរបួសធ្ងន់ធ្ងរ ដោយសារស្រវឹងស្រា ហើយធ្លាក់ពីលើសណ្ឋាគារជាន់ទី២ យីហោ FUNKYFLASH PACKER និងកំពុងសង្គ្រោះបន្ទាន់នៅមន្ទីរពេទ្យអន្ដរជាតិ Royal Angkor ខេត្ដសៀមរាប។</span></p>
<p><span style="color: #000000;">ហេតុការណ៍បង្កឱ្យមានការភ្ញាក់ផ្អើលខាងលើនេះ បានកើតឡើងនៅព្រឹកថ្ងៃទី២៣ ខែឧសភា ឆ្នាំ២០១៦ នៅចំណុចសណ្ឋាគារ FUNKYFLASH PACKER ក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប។</span></p>
<p><span style="color: #000000;">សាក្សីបានឲ្យដឹងថា ស្ដ្រីបរទេសរូបនេះ បានផឹកស្រវឹងតាំងពីយប់ រួចហើយនៅម៉ោងកើតហេតុខាងលើ ស្រាប់តែអង្គុយក្បែរមាត់បង្អួច នៃសណ្ឋាគារនោះ មិនបានប្រុងប្រយ័ត្នស្របពេលដែលខ្លួន មានអាការៈស្រវឹងស្រាផងនោះ ទើបធ្លាក់មកដីបណ្ដាលឲ្យរបួសធ្ងន់តែម្ដង។</span></p>
<p><span style="color: #000000;">មន្ដ្រីកងរាជអាវុធហត្ថក្រុងសៀមរាប បានឲ្យដឹងថា ជនរងគ្រោះមានឈ្មោះ Worthy Rachel Marie អាយុ៣១ឆ្នាំ ជនជាតិអាមេរិក ជាភ្ញៀវទេសចរណ៍។</span></p>
<p><span style="color: #000000;">មន្រ្តីអាវុធហត្ថបានបន្តថា មូលហេតុដែលនាំឲ្យស្ត្រីជនជាតិអាមេរិកម្នាក់នេះ បានធ្លាក់ពីលើសណ្ឋាគារនៅជាន់ទី២ ដោយសារស្ត្រីរូបនេះបានផឹកស្រា ស្រវឹង។</span></p>
<p><span style="color: #000000;">បច្ចុប្បន្នជនរងគ្រោះ កំពុងសង្គ្រោះនៅមន្ទីរពេទ្យ Royal Angkor International ហើយមកដល់ល្ងាចថ្ងៃទី២៣ ខែឧសភា ឆ្នាំ២០១៦នេះ ជនរងគ្រោះនៅមិនទាន់ដឹងខ្លួននៅឡើយ។</span></p>
<p><span style="color: #000000;">បើតាមសម្តីរបស់គ្រូពេទ្យ ប្រហែលសង្ឃឹមរស់តិចណាស់ ដោយសាររងរបួសធ្ងន់៕</span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/13256149_1606151173032581_8704822956578417110_n.jpg?oh=f48140a62d5f4a4cda4445b5d5f95844&oe=57C900FE" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/13233120_1606151166365915_5131795191427765117_n.jpg?oh=9e71d52de7102db64c5e17258da27a82&oe=57D79EED" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/13254042_1606151169699248_2421000148858929240_n.jpg?oh=bedae82a5884e36893ff8def2081503d&oe=57DFDDE7" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/13221679_1606151203032578_481485248272364364_n.jpg?oh=d68ea135e7d799b698a439556e24a1db&oe=57E29008" alt="" width="730" /></span></p>
<p><br /><span style="color: #000000;"><a class="thickbox" title="" href="/FileManager/Commons/2016/5/24/1-24-05-2016--08-36-11.png"><span style="color: #000000;"><img src="/FileManager/Articles/mce/2016/5/24/1-24-05-2016--08-36-11.png" alt="" /></span></a></span></p>
<p style="text-align: right;"><br /><span style="color: #000000;"><a class="thickbox" title="" href="/FileManager/Commons/2016/5/24/1-24-05-2016--08-36-11.png"></a>ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>