<p><span style="color: #000000;"><strong>(ភ្នំពេញ)៖</strong> យុវជនវ័យជំទង់ម្នាក់ បានបើករថយន្តមួយគ្រឿង ម៉ាក TUNDRA ពណ៌ស គ្មានស្លាកលេខ ក្នុងល្បឿនយ៉ាងលឿន តាមបណ្តោយផ្លូវលេខ៣៧១ ទិសដៅពីកើតទៅលិច រួចហើយជ្រុលទៅបុកចូលទៅក្នុងផ្ទះ របស់ប្រជាពលរដ្ឋ ដែលប្រកបរបររកស៊ីធ្វើទ្វារបង្អួច និងលក់ដូរដែលបណ្តាលឲ្យ ខូចខាតសម្ភារជាច្រើនដែលមាននៅក្នុងផ្ទះ តែមិនបណ្តាលឲ្យម្ចាស់ផ្ទះ ដែលកំពុងសំរាកមានរងរបួស ឬប៉ះពាល់ដល់ជីវិតឡើយ។</span></p>
<p><span style="color: #000000;">ហេតុការណ៍នេះ បានកើតឡើងនៅម៉ោង១០៖៥០នាទីថ្ងៃទី១៣ ខែធ្នូ ឆ្នាំ២០១៥ ស្ថិតនៅតាមផ្លូវលេខ៣៧១ ស្ថិតក្នងភូមិត្នោតជ្រុំទី២ សង្កាត់បឹងទំពុន ខណ្ឌមានជ័យ។</span></p>
<p><span style="color: #000000;">សាក្សីបានប្រាប់ភ្នាក់ងារ Fresh News ថា មុនកើតហេតុគេបានឃើញ យុវជនម្នាក់បើករថយន្ត TUNDRA តាមបណ្តោផ្លួវ៣៧១ ក្នុងល្បឿនយ៉ាងលឿន លុះបើកមកដល់ផ្ទះ ដែលមានធ្វើទ្វារបង្អួចនិងលក់ដូរ រថយន្តបានបោលទៅបុកទ្វារ នៅខាងមុខពេញទំហឹង ហើយទម្លុះចូលដល់ក្នុងផ្ទះតែម្តង បន្ទាប់ពីបុកភ្លាមគេឃើញយុវជន ដែលបើករថយន្តបង្ករូបនោះ បើកទ្វាររថយន្តចុះទាំងខ្លួន មានរបួសរួចហើយត្រូវបានប្រជាពលរដ្ឋ ដែលនៅក្បែរនោះជួយហៅរថយន្តសង្គ្រោះដឹក ទៅសង្គ្រោះភ្លាមផងដែរ។</span></p>
<p><span style="color: #000000;"> ជាចុងក្រោយខាងរថយន្ត ក៏មានតំណាងចុះមកដោះស្រាយ ជាមួយម្ចាស់ផ្ទះ ដើម្បីសងសំណងនៃការខូចខាតនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/14/12-14-2015-8-31-59-am-14-12-2015--08-39-11.png"><span style="color: #000000;"><img src="/FileManager/Articles/mce/2015/12/14/12-14-2015-8-31-59-am-14-12-2015--08-39-11.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/12/14/12-14-2015-8-31-47-am-14-12-2015--08-39-19.png"><span style="color: #000000;"><img src="/FileManager/Articles/mce/2015/12/14/12-14-2015-8-31-47-am-14-12-2015--08-39-19.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/12/14/12-14-2015-8-31-25-am-14-12-2015--08-39-29.png"><span style="color: #000000;"><img src="/FileManager/Articles/mce/2015/12/14/12-14-2015-8-31-25-am-14-12-2015--08-39-29.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វេ្រសញ៉ូវអាស៊ី</span><br /><br /></p>