<p><span style="color: #000000;"><strong>(ភ្នំពេញ)៖</strong> រដ្ឋមន្រ្តីក្រសួងសុខាភិបាល លោក ម៉ម ប៊ុនហេង បានព្រមានបិទរាល់ឱសថស្ថាន ជាពិសេសឱសថស្ថានឈ្មោះ «ផ្សារតាប៉ាង» បើនៅបន្តលក់ឱសថ MAZETA Slim និងឱសថដែលគ្មានចុះលេខបញ្ជិកា ឱសថហាមឃាត់ ឬ ឱសថដែលគ្មានប្រភព ច្បាស់លាស់។</span></p>
<p><span style="color: #000000;">លោក ម៉ម ប៊ុនហេង នៅថ្ងៃទី២១ ខែធ្នូ ឆ្នាំ២០១៥ បានចេញលិខិតជូនដំណឹង ប្រាប់ម្ចាស់ឱសថស្ថានថា ឱសថឈ្មោះ MAZE TA Slim ដែលមានរចនាបទបង្ហាញ និង ការវេចខ្ចប់ជាឱសថបញ្ចុះទម្ងន់ផលិតដោយរោងចក្រ Greatwallbuy International Trading Co., Ltd Cali fornia ជាឱសថនាំចូលគ្មានការអនុញ្ញាតពីក្រសួងសុខាភិបាល ហើយលក់ចែកចាយតាមឱសថស្ថាន- ឱសថស្ថានរង ដោយពុំបានចុះបញ្ជិកា និង ត្រួតពិនិត្យគុណភាព ប្រសិទ្ធភាព សុវត្ថិភាពពីក្រសួងសុខាភិបាលនោះឡើយ។</span></p>
<p><span style="color: #000000;">នៅក្នុងលិខិតជូនដំណឹង ដែល Fresh News ទទួលបាននៅព្រឹកថ្ងៃទី២៣ ខែធ្នូ ឆ្នាំ២០១៥នេះ លោក ម៉ម ប៊ុនហេង បានបញ្ជា ឲ្យគ្រឹះស្ថានលក់ឱសថទាំងអស់ ត្រូវបញ្ឈប់ការតាំងលក់ឱសថខាងលើចាប់ពីថ្ងៃចេញសេចក្តីជូនដំណឹងតទៅ បើរកឃើញមាន ការតាំងលក់ឱសថនេះតទៅទៀត និង អនុវត្តទៅតាមច្បាប់ជាធរមាន។</span></p>
<p><span style="color: #000000;">លោករដ្ឋមន្រ្តីបានបញ្ជាទៅគ្រប់មន្ទីរសុខារាជធានី-ខេត្ត ត្រូវមានវិធានការណែនាំ ដល់គ្រប់សាខាគ្រឹះស្ថាននាំចូលឱសថ ឱសថ ស្ថាន ឱសថស្ថានរង ជាបន្ទាន់។</span></p>
<p><span style="color: #000000;">លោក ម៉ម ប៊ុនហេង បានសង្កត់ធ្ងន់ថា ក្រសួងនឹងមានវិធានការតឹងរឹងតាមផ្លូវច្បាប់ និងឈានទៅបិទឱសថស្ថានតែម្តង ចំពោះឱ សថស្ថាន ឱសថស្ថានរងទាំងឡាយណា ដែលនៅតែបន្តលក់ឱសថខាងលើ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/1414_1536657979981901_63528714254210648_n.jpg?oh=4a5e621f338ac3776619f13e4639a50e&oe=5719E3B8" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xft1/v/t1.0-9/12369142_1536657983315234_6630427469042113254_n.jpg?oh=cc4ed82a86202e2cdc18368c08a41e2b&oe=571D7599&__gda__=1457083896_da4a895525df413ad721c90bfe94e851" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>