<div>
<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានសម្រេចផ្តល់ទឹកប្រាក់ ៣៦.០០០ដុល្លារ ជារង្វាន់លើកទឹកចិត្តដល់ថ្នាក់ដឹកនាំ និង កីឡាកររបស់ក្រុម Cambodian All Stars ចំនួន ៣៦រូប ដែលបានខិតខំអស់កម្លាំងកាយកម្លាំងចិត្ត នៅលើ សមរភូមិវាលស្មៅដ៏ខៀវស្រងាត់យកឈ្នះលើក្រុមខ្លាំងរបស់ថៃ Buriram United ដោយគ្រាប់បាល់បេណាំងទី ៦-៥នៅយប់ថ្ងៃទី២៣ ខែមករា ឆ្នាំ២០១៦នេះ។</span></p>
<p><span style="color: #000000;">លោក ខៀវ សាមេត អនុប្រធានសហព័ន្ធបាល់ទាត់កម្ពូជា បានថ្លែងប្រាប់ Fresh News នៅក្រោយជ័យជម្នះរបស់ Cambodian All Stars តែប៉ុន្មាននាទីថា សម្តេចតេជោ ហ៊ុន សែន បានសម្រេចផ្តល់ប្រាក់រង្វាន់លើកទឹកចិត្ត ដល់ថ្នាក់ដឹកនាំ និងកីឡាករម្នាក់ ៗ ១.០០០ដុល្លារ។ លោក ខៀវ សាមេត បានឲ្យដឹងថា នៅក្នុងក្រុម Cambodian All Stars ទាំងថ្នាក់ដឹកនាំ និង ក្រុមកីឡាករ សរុប ៣៦រូប ដូច្នេះទឹកប្រាក់ ដែលផ្តល់ជូនសរុបស្មើប្រមាណ ៣៦.០០០ដុល្លារ។</span></p>
<p><span style="color: #000000;">ក្រៅពីការផ្តល់រង្វាន់លើកទឹកចិត្តហើយនោះ សម្តេចតេជោ ហ៊ុន សែន ដែលតែងតែលើកសរសើរដល់កីឡាករកម្ពុជា ដើម្បីជំរុញទឹកចិត្តពួកគេឲ្យខិតខំប្រយុទ្ធលើវាលស្មៅនោះ ក៏បានបង្ហោះសារនៅលើទំព័រ Facebook របស់សម្តេចភ្លាមៗផងដែរ ចូលរួមអបអរសាទរនូវជ័យជម្នះ ដ៏សែនខ្លៀវក្លានេះ។ សម្តេចតេជោ ហ៊ុន សែន ក៏បានកើតសរសើរដល់ថ្នាក់ដឹកនាំ និងក្រុមកីឡាករ Cam bodian All Stars ដែលប្រឹងប្រែងរហូតយកឈ្នះលើក្រុម Buriram United ដែលជាក្រុមខ្លាំងមួយរបស់ថៃ។</span></p>
<p><span style="color: #000000;">សូមបញ្ជាក់ថា ជាមួយជ័យជម្នះជាលើកទីពីររបស់ Cambodian All Stars លើក្រុមកីឡាករបាល់ទាត់មកពីប្រទេសថៃ នៅយប់ថ្ងៃនេះ បានធ្វើឲ្យប្រជាពលរដ្ឋកម្ពុជា ជាអ្នកគាំទ្រវិស័យកីឡា បាននាំស្រែកហ៊ោកញ្ជ្រៀវយ៉ាងកងរំពងពេញពហុកីឡដ្ឋានជាតិអូរឡាំពិក។ ជាមួយក្តីរំភើបរីករាយ ក្រុមអ្នកគាំទ្រហាក់មិនមាននរណាចង់ចាកចេញពីកន្លែងអង្គុយឡើយ ពួកគេនៅតែបន្តស្រែកថា «ជយោកម្ពុជា! ឬ មោទនភាពជាតិខ្មែរ!» និង ពេលខ្លះទៀត ពួកគេបានស្រែកហៅឈ្មោះកីឡាករក្នុងដួងចិត្តរបស់ពួកគេ ដូចជា ច័ន្ទ វឌ្ឍនាការ និង ប្រាក់ មុនីឧត្តម ជាដើម៕</span></p>
<p> </p>
<p><object width="487" height="417" data="http://www.youtube.com/v/whSKLYk8HRE&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/whSKLYk8HRE&rel=1" /></object><span style="color: #000000;"><br /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfl1/v/t1.0-9/12507212_927860227269832_1495926752553910547_n.jpg?oh=0c274fab2e2b32b55427911741918ff3&oe=573EEBEA" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpa1/v/t1.0-9/11215735_1549203782060654_8748324336631175287_n.jpg?oh=edafe15d8018870cf7091efb8267ded4&oe=573D58DB" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/12540577_1549198488727850_8818488568257918063_n.jpg?oh=53576f990d7d37f951aa66d0ae4dcd95&oe=573F3097" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12552872_1549198492061183_4735429656214973870_n.jpg?oh=a8aaa91c7b47c6c440e9e4ed9fd623fd&oe=572F453E" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12541078_943104529071378_4142106040424754150_n.jpg?oh=6189ebcd72fdfcd4a87ffe62a9f005f4&oe=5735011D" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/v/t1.0-9/12523000_943104532404711_5828094352758320426_n.jpg?oh=cb8d90ff389d3af157081bb94d21e8c0&oe=57462F96" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>