<p><span style="color: #000000;"><strong>(នេប៉ាល់)៖</strong> យ៉ាងហោចណាស់មនុស្ស ២០នាក់បានស្លាប់ និង ១៧នាក់ទៀតរងរបួស បន្ទាប់ពីរថយន្តក្រុងដែល ពួកគេជិះ បានជ្រុលចង្កូតធ្លាក់ចូលទៅក្នុងទន្លេ Trishuli ក្នុងស្រុក Chitwan ប្រទេសនេប៉ាល់។ នេះបើតាមការចេញ ផ្សាយរបស់សារព័ត៌មានរដ្ឋនេប៉ាល់ នាព្រឹកថ្ងៃសុក្រ ទី២៦ ខែសីហា ឆ្នាំ២០១៦។</span></p>
<p><span style="color: #000000;">យោងតាមសម្តីរបស់អធិការប៉ូលិសស្រុក Chitwan លោក Basanta Kunwar បានឲ្យដឹងថា រថយន្តក្រុងខាងលើនេះ បានដឹកមនុស្ស ៣៩នាក់ (តៃកុងម្នាក់ និងព្រូម្នាក់) ធ្វើដំណើរនៅតាមដងផ្លូវដ៏មមាញឹកបំផុតមួយក្នុងខេត្ត ហើយទំនង ជាបានជ្រុលបង្កូត ទើបធ្លាក់ចូលទៅក្នុងទន្លេតែម្តងនៅវេលាម៉ោង ៤៖៤៥នាទីព្រឹកថ្ងៃសុក្រនេះ ម៉ោងនៅទីក្រុងកាត្មាន់ឌូ។</span></p>
<p><span style="color: #000000;">គួរបញ្ជាក់ថា អ្នកស្លាប់ត្រូវបានក្រុមសង្គ្រោះស្រង់ចេញពីក្នុងទន្លេជាបណ្តើរៗ ហើយដោយឡែកអ្នករងរបួសធ្ងន់និង ស្រាល ១៧នាក់ត្រូវបានបញ្ជូនទៅធ្វើការសង្គ្រោះ នៅឯមន្ទីរពេទ្យក្នុងស្រុក Bharatpur ដែលនៅក្បែរនោះ។ សម្រាប់ អ្នកបាត់ខ្លួនពីរនាក់ គឺតៃកុងឡាន និងព្រូ ពេលនេះអាជ្ញាធរកំពុងបន្តធ្វើការស្វែងរកក្នុងទន្លេ៕</span></p>
<p><span style="color: #000000;"><a class="thickbox" title="" href="/FileManager/Commons/2016/8/26/95a-26-08-2016--11-32-31.jpg"><img src="/FileManager/Articles/mce/2016/8/26/95a-26-08-2016--11-32-31.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>