<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា មានប្រសាសន៍ឲ្យដឹងថា សម្តេចពេញចិត្តយ៉ាងខ្លាំង ដែលបានឃើញ យុវជន យុវនារីសព្វថ្ងៃ ស្រេកឃ្លានចំណះដឹង។ សម្តេចតេជោ ទទួលស្គាល់នូវដំណាក់កាលនីមួយៗ នៃការកសាងប្រទេសដែលអម្រែក បញ្ហាដ៏ធ្ងន់ទាំងនេះគឺបាន បន្សល់ទុកពីអតីតកាល ដែលយើងត្រូវខិតខំធ្វើជាបន្ត ជាពិសេសជំរុញ ការអភិវឌ្ឍធនធានមនុស្សព្រោះ ធនធានមនុស្សនៅកម្ពុជាត្រូវបានបំផ្លាញចោលស្ទីរផុតរលត់ទាំងស្រុងនៅក្នុងរបបប៉ុលពត។ ទោះបី ជាមានគម្រោងការល្អយ៉ាងណា ក៏ដោយ បើគ្មានធនធានមនុស្សទេនោះ គឺមិនអាចអនុវត្តផែនការដ៏ល្អបានឡើយ។ សម្តេចតេជោ មានប្រសាសន៍បែបនេះ ខណៈសម្តេច បានជួបពិភាក្សាការងារជាមួយលោក Joa Chim Baron Von Marschall ឯកអគ្គរដ្ឋទូតសាធារណៈរដ្ឋសហព័ន្ធអាល្លឺម៉ង់នៅវិមានសន្តិភាព រាជាធានីភ្នំពេញ នៅថ្ងៃទី០៤ ខែកក្កដា ឆ្នាំ២០១៦នេះ។</span></p>
<p><span style="color: #000000;">លោក Joa Chim Baron Von Marschall បានគោរពថ្លែងអំណរគុណជូនចំពោះ សម្តេចតេជោ ដែលបានគាំទ្រ និងសហការជាមួយ លោកក្នុងពេលបំពេញ បេសកកម្មការទូតនៅកម្ពុជា រយៈពេល៣ឆ្នាំ ដែលទទួលបានជោគជ័យជាបន្តបន្ទាប់។ ទន្ទឹមនឹងនោះ អគ្គរដ្ឋទូត ក៏បានថ្លែងអំណរគុណដល់រាជរដ្ឋាភិបាលកម្ពុជាដែលតែងតែយកចិត្តទុកដាក់ផ្លាស់ប្តូទស្សនកិច្ចមន្រ្តី ជាន់ខ្ពស់រវាងប្រទេសទាំងពីរនិងផ្តល់ នូវការទទួលរាក់ទាក់ស្និទ្ធស្នាលជាមួយមន្ត្រីថ្នាក់ដឹកនាំអាល្លឺម៉ង់ដែលបានមកបំពេញទស្សនកិច្ចនៅកម្ពុជា។</span></p>
<p><span style="color: #000000;">លោក អគ្គរដ្ឋទូត បានសង្កេតឃើញមានចំណុចមួយចំនួន ដែលប្រទេសទាំងពីរមានស្ថានភាពដូចគ្នាក្នុងដំណាក់កាល កសាងនិងស្ថាបនា ប្រទេសជាតិ ដូចជា ទី១.ប្រទេសទាំងពីរក្រោយ ពីបានបញ្ចប់សង្រ្គាមគឺបន្ទាប់មកយើងបានធ្វើការបង្រួបបង្រួមជាតិ ដូចកាលពីជាង ២៥ឆ្នាំកន្លងមកនេះ។ ទី២ គឺប្រទេស បានឆ្លងកាត់នូវសោកនាដ្ឋកម្មពីអតីតកាលដូចក្នុងជំនាន់ខ្មែរក្រហម និងទី៣ ការខិតខំប្រឹងប្រែង យកចិត្ត ទុកដាក់ទៅលើយុវជន និងការបណ្តុះបណ្តាលអប់រំធនធានជាយុវជនជាដើម។</span></p>
<p><span style="color: #000000;">សម្តេចតេជោ ហ៊ុន សែន បានថ្លែងអំណរគុណចំពោះរដ្ឋាភិបាលអាល្លឺម៉ង់ និង លោក Joa Chim Baron Von Marschall ដែលតែងតែ យកចិត្តទុកដាក់ជួយដល់កម្ពុជាក្នុងការអភិវឌ្ឍ សេដ្ឋកិច្ចសង្គម ហើយបានជំរុញទំនាក់ទំនង និងសហប្រិត្តិការរវាងប្រទេសទាំងពីរឱ្យកាន់ តែប្រសើរឡើង។ សម្តេចតេជោ សង្ឃឹមថាការចាកចេញនៃចក្រភពអង់គ្លេសពីសហគមអឺរ៉ុប គឺនឹងមិនប៉ះពាល់ដល់កម្ពុជាឡើយ៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xtp1/t31.0-8/13580560_1045500168831813_3871176152753029639_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/l/t1.0-9/s851x315/13615279_1045499995498497_3461014421622760786_n.jpg?oh=6e5a07bb17931821ea322899aa96bccd&oe=57F5C712" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13558904_1045500052165158_5770540127976909733_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13582047_1045500165498480_32948551545512110_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xap1/t31.0-8/13603338_1045500158831814_7907664267079256095_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>