<p><span style="color: #000000;">ព័ត៌មានកីឡា៖ ថ្នាក់ដឹកនាំក្លឹប Real Madrid បានចេញសេចក្ដីថ្លែងការណ៍ដោយផ្ទាល់ ដើម្បីធ្វើការគាំទ្រកីឡាករខ្សែប្រយុទ្ធរបស់ខ្លួនគឺ Karim Benzema ដែលទទួលរងការចោទប្រកាន់ ថាជាប់ពាក់ព័ន្ធជាមួយ សារពណ៌ខ្មៅ ជាមួយនឹងវីដេអូអាសអាភាស ។ </span></p>
<p><span style="color: #000000;">Karim Benzema ត្រូវបានទទួលការគាំទ្រយ៉ាងពេញទំហឹងពីសំណាក់ ថ្នាក់ដឹកនាំកំពូលក្លឹប Real Madrid គឺលោក Florentino Perez ដោយអះអាងថាកីឡាករពិតជាជន គ្មានកំហុសនិងពាក់ព័ន្ធអ្វីឡើយ លើករណីនេះ ។ ស្រពពេលនោះផងដែរ នៅល្ងាចថ្ងៃសុក្រ ព្រះរាជអាជ្ញាជនជាតិបារាំង បានសម្រេចដោះលែងកីឡាករឲ្យវិលត្រឡប់ទៅវិញ ខណៈដែលមានការគាំទ្រនេះ ។ </span></p>
<p><span style="color: #000000;">ក្នុងសេចក្ដីថ្លែងការណ៍របស់ក្លឹប Real Madrid បានបង្ហាញថា" លោក Florentino Perez បានជួបប្រជុំជាមួយ កីឡាករ ដែលក្នុងគោលបំណងផ្ដល់ការគាំទ្រយ៉ាងពេញលេញ និង បញ្ជាក់ពីទំនុកចិត្ដ ថាកីឡាករពិតជាមិនបានជាប់ពាក់ព័ន្ធនឹងករណីមួយនេះឡើយ។ ក្លឹបបានធ្វើការ វាយតម្លៃ និងទទួលស្គាល់ពីការប្ដេជ្ញាចិត្ដ របស់កីឡាករជាមួយនឹងមិត្ដភាពនៃការសម្ដែងកន្លងមក "។ </span></p>
<p><span style="color: #000000;">គូសបញ្ជាក់ផងដែរថា Karim Benzema ត្រូវបានចៅក្រមសម្រេចចោទប្រកាន់ថាមាន ជាប់ពាក់ព័ន្ធ សារខ្មៅ ដែលបានផ្ញើរទៅកាន់មិត្ដរួមក្រុមជម្រើសជាតិ បារាំងឈ្មោះថា Mathieu Valbuena ដើម្បីជម្រិតទារប្រាក់។ ប៉ុន្ដែកីឡាករបានសារភាពថា រូបគាត់ក៏ទទួលការវាយប្រហាដោយ សារខ្មៅនោះដូចគ្នា ដោយពួកគេក៏បានផ្ញើរមកកីឡាករផងដែរ មុនពេលរឿងរ៉ាវបានបែកធ្លាយយ៉ាងនេះ ។ ហើយមកទល់ពេលនេះ កីឡាករត្រូវបាន ដោះលែង ឲ្យវិលត្រលប់ទៅ កាន់ Real Madrid វិញហើយ ។</span></p>
<p><span style="color: #000000;"><a class="thickbox" title="" href="/FileManager/Commons/2015/11/7/11-7-2015-10-36-12-am-07-11-2015--10-42-43.png"><img src="/FileManager/Articles/mce/2015/11/7/11-7-2015-10-36-12-am-07-11-2015--10-42-43.png" alt="" /></a></span></p>
<p style="text-align: center;"><em><span style="color: #000000;">ថ្នាក់ដឹកនាំក្លឹប Real Madrid លោក Florentino Perez</span></em></p>
<p><a class="thickbox" title="" href="/FileManager/Commons/2015/11/7/11-7-2015-9-48-15-am-07-11-2015--10-41-46.png"><img src="/FileManager/Articles/mce/2015/11/7/11-7-2015-9-48-15-am-07-11-2015--10-41-46.png" alt="" /></a></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ asianage</span></p>