<p><span style="font-size: 12px; color: #000000;">មេការបាញ់ថ្នាំរថយន្ដក្រុងម្នាក់ បានសារភាពថា ខ្លួនបានកាត់ប្រដាប់ភេទកូនជាងរបស់ខ្លួន ដើម្បីការពារប្រពន្ធ ក្រោយពីពួកគេបានបបួលគ្នាផឹកស្រា នៅថ្ងៃចុងសប្ដាហ៍។</span></p>
<p><span style="color: #000000;">ជនសង្ស័យឈ្មោះ Permsak Petprasert អាយុ ៥០ ឆ្នាំ ត្រូវបានចាប់ខ្លួននៅផ្ទះជួលរបស់គាត់ នៅក្នុងតំបន់ Soi Bang Tan ស្រុក Ban Pong កាលពីថ្ងៃចន្ទ និងត្រូវបានចោទប្រកាន់ពីបទវាយប្រហារទាំងកំរោល។ ជនរងគ្រោះត្រូវគេស្គាល់ថា មានឈ្មោះ Suwith Thipjantha អាយុ ៣៩ ឆ្នាំ។</span></p>
<p><span style="color: #000000;"><a class="thickbox" title="" href="/FileManager/Commons/2018/7/24/15-24-07-2018--14-56-10.PNG"><img src="/FileManager/Articles/mce/2018/7/24/15-24-07-2018--14-56-10.PNG" alt="" /></a><br /></span></p>
<p><span style="color: #000000;">ជនដៃដល់ឈ្មោះ Permsak បានប្រាប់ប៉ូលីសថា គាត់ទើបស្គាល់លោក Suwit បានប្រហែលមួយខែប៉ុណ្ណោះ នៅពេលគាត់ព្រមព្រៀងធ្វើជាកូនជាងរបស់ខ្លួនលើការបំពេញការងារបាញ់ថ្នាំរថយន្ដក្រុង នៅរោងចក្រដំឡើងរថយន្ដ ក្នុងស្រុក Ban Pong។ គាត់បានអនុញ្ញាតឱ្យលោក Suwit ស្នាក់នៅផ្ទះជួលរួមជាមួយដោយសារតែអ្នកទាំងពីជាអ្នកមកពីខេត្ដ Trang ដូចគ្នា។</span></p>
<p><span style="color: #000000;">នៅវេលាអាធ្រាតថ្ងៃសៅរ៍ លោក Permsak លោក Suwit និងអ្នកធ្វើការងារជាមួយគ្នាម្នាក់ទៀត បានបបួលគ្នាផឹកស្រា នៅផ្ទះជួល។ ក្រោយមកនៅពេលស្រាអស់ ខ្លួន និងបុរសទី ៣ បាននាំគ្នាទៅទិញស្រាបន្ថែម ដោយទុកឱ្យលោក Suwit ដែលកំពុងស្រវឹងស្រាឱ្យនៅផ្ទះ ខណៈដែលប្រពន្ធរបស់គាត់គឺអ្នកស្រី Tin អាយុ ៥២ ឆ្នាំកំពុងតែដេកលង់លក់។</span></p>
<p><span style="color: #000000;">លោក Permsak បន្ថែមថា នៅពេលគាត់ត្រឡប់មកដល់ផ្ទះវិញ គាត់បានឃើញប្រពន្ធគាត់រត់ចេញពីផ្ទះដោយអាការៈភ័យស្លន់ស្លោ ព្រមទាំងបានឃើញលោក Suwith ដើរចេញពីបន្ទប់ដេករបស់ប្រពន្ធគាត់ ដោយស្លៀកតែខោខ្លី។ លោក Permsak បានវាយលោក Suwit នឹងឧបករណ៍ជាងឱ្យដួលសន្លប់ទៅនឹងដី រួចយកកាំបិតចិតផ្លែឈើកាត់ប្រដាប់ភេទកូនជាងរបស់ខ្លួនដាច់ថ្មិល បន្ទាប់មកគ្រវែងចូលទៅក្នុងគុម្ភឈើក្បែរនោះ។</span></p>
<p><span style="color: #000000;">លោក Permsak និយាយថា ក្រោយមកគាត់បានសុំឱ្យអ្នកជិតខាងជូនលោក Suwit ទៅមន្ទីរពេទ្យដើម្បីព្យាបាល។ អ្នកស្រី Tin បានប្រាប់ប៉ូលីសថា លោក Suwit ស្រវឹងស្រា ហើយបានចូលបន្ទប់គេងរបស់អ្នកស្រី ព្រមទាំងបានចាប់ស្ទាបដៃអ្នកស្រី។ អ្នកស្រី បានរត់ចេញពីគាត់ ទន្ទឹមពេលដែលប្ដីរបស់អ្នកស្រី បានមកដល់ផ្ទះល្មម។</span></p>
<p><span style="color: #000000;">ប៉ូលីស បានបញ្ជាឱ្យលោក Permsak នាំទៅកន្លែង ដែលគាត់បានបោះលិង្គចោល ប៉ុន្ដែប៉ូលិសមិនអាចរកឃើញនោះទេ។ ប៉ូលីសជឿថា ឆ្កែបានស៊ីលិង្គនោះ ឬពាំយកទៅឆ្ងាយបាត់ហើយ ៕ </span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/7/24/mekongnet-24-07-2018--14-56-20.PNG" alt="" /></a></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ បាងកកប៉ុស្ដិ៍</span></p>