<p><span style="color: #000000;"><strong>(ក្រចេះ)៖</strong> សត្វផ្សោតញី រស់នៅទន្លេមេគង្គខេត្តក្រចេះ ត្រូវបានគេប្រទះឃេីញងាប់ជាថ្មី១ក្បាលទៀត នៅច្រាំងទន្លេ នាវេលាម៉ោងទៀបភ្លីថ្ងៃទី៣១ ខែកក្ដដា ឆ្នាំ២០១៦ នៅចំណុចភូមិបុសលាវ ឃុំថ្មបុសលាវ ស្រុកចិត្របុរីខេត្តក្រចេះ បង្កឲ្យមានការភ្ញាក់ផ្អេីលដល់ប្រជាពលរដ្ឋ។</span></p>
<p><span style="color: #000000;">ការប្រទះឃើញ សត្វផ្សោតងាប់អណ្តែតទឹក នៅខេត្តក្រចេះខាងលើនេះ គេនៅពុំទាន់មានការបញ្ជាក់ពីជំនាញរដ្ឋបាលជលផល ឬមន្រ្តីអភិរក្សសត្វផ្សោតទន្លេមេគង្គ ចំពោះមូលហេតុនោះឡើយ។</span></p>
<p><span style="color: #000000;">ប៉ុន្តែបើតាមការអះអាងរបស់ពលរដ្ឋ បានឃេីញហេតុការណ៍សត្វផ្សោត១ក្បាលនេះ មានប្រវែងបជាង១ម៉ែត្រ និងមានទំងន់ជិត១០០គីឡូក្រាម ស្ថិតក្នុងវ័យបន្តពូជ ថែមទាំងមានកូនតូចមួយងាប់អណ្ដែត នៅជិតទៀតផង។</span></p>
<p><span style="color: #000000;">ប្រជាពលរដ្ឋបានសន្និដ្ឋានថា សត្វផ្សោត១ក្បាលនេះ បានងាប់រយៈពេលប្រហែលជិត២ថ្ងៃមកហេីយ រួចបានហូរអណ្ដែតចុះមកក្រោម នៅទីតាំងដែលគេប្រទះឃេីញខាងលេី ដែលករណីនេះគេសង្ស័យបណ្ដាលមកពីត្រូវដែកឆក់ ឫមានជម្ងឺទេីបបណ្ដាលឲ្យងាប់។</span></p>
<p><span style="color: #000000;">ក្រោយពីពលរដ្ឋប្រទះឃេីញបង្កឲ្យមានការភ្ញាក់ផ្អេីល ទេីបគេឃេីញវត្តមាន របស់មន្រ្តីអង្កការ WWF មកនាំទៅទីស្នាក់ការដេីម្បីត្រួតពិនិត្យរកមូលហេតុ។</span></p>
<p><span style="color: #000000;">លោកឡោ គឹមសានមន្រ្តីអង្គការ WWF ខេត្តក្រចេះបានបញ្ជាក់ឲ្យដឹងថា សត្វផ្សោតងាប់នេះ នៅមិនទាន់ដឹងពីមូលហេតុនោះទេ ខណ:កម្លាំងរបស់លោក កំពុងយកទៅស្នាក់ការរអង្គការ WWF ដេីម្បីធ្វេីការពិសោធន៍។</span></p>
<p><span style="color: #000000;">ជាជំហ៊ានដំបូងនោះ លោកដាក់សង្ស័យថាផ្សោតមួយនេះ អាចងាប់ដោយសាររលូតកូន ព្រោះនៅជិតផ្សោតងាប់នេះ មានកូនផ្សោតមួយក្បាលងាប់នៅក្បែរហេីយ កូនផ្សោតនោះនៅតូចណាស់ គឺមិនទាន់គ្រប់ខែនោះទេ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-31-11-23-25-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-31-11-23-25-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-31-11-23-25-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>