<p><span style="color: #000000;">ព័ត៌មានអន្តរជាតិ ៖ មនុស្សរាប់រយនាក់ ត្រូវបានជម្លៀសខ្លួនចេញពី អាកាសយានដ្ឋានអន្តរជាតិ LaGaurdia Airport ប្រចាំទីក្រុង ញូវយ៉ក សហរដ្ឋអាមេរិក ខណៈរាប់សិបនាក់ផ្សេង បានកកកុញនៅក្នុងយន្តហោះ ស្របពេលដែលប៉ូលីស កំពុងតែធ្វើការស៊ើបអង្កេត ទៅលើរថយន្ត មួយគ្រឿងដែលត្រូវបានគេយកមកផ្លុងចោល នៅ Terminal B នាអាកាសយានដ្ឋាន ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2016/9/23/20-23-09-2016--15-37-16.jpg"><img src="/FileManager/Articles/mce/2016/9/23/20-23-09-2016--15-37-16.jpg" alt="" /></a><br /></span></p>
<p><span style="color: #000000;">សេចក្តីរាយការណ៍ ពីក្រុមអ្នកធ្វើដំណើរ គូសបញ្ជាក់ឲ្យដឹងថា មានវត្តមានកម្លាំងយោធា ច្រើន សន្ធឹក បានបង្ហាញខ្លួននៅបរិវេណអាកាសយានដ្ឋានខាងលើ ខណៈ Terminal B ត្រូវបានបិទជា បណ្តោះអាសន្ន ។ មន្រ្តីផ្លូវការ ពីអាជ្ញាធរកំពង់ផែ អះអាងអោយដឹង ពីហេតុផលដែលនាំអោយ មានការស៊ើបអង្កេត តែទោះជាយ៉ាងណាក៏ដោយចុះ ព័ត៌មានលម្អិតពុំទាន់ត្រូវបានស្រាយបំភ្លឺនៅ ឡើយទេ ។ ជាលទ្ធផល របាយការណ៍ ពីប្រភពច្បាស់ការណ៍ឲ្យដឹងថា Terminal B ដែលត្រូវបាន បិទទ្វារខាងលើនោះ ត្រូវបានបើកសាជាថ្មី បន្ទាប់ពីការស៊ើបអង្កេតនិងពុំបានរកឃើញនូវសារជាតិ បំផ្ទុះអ្វីនោះទេ នៅលើរថយន្តដែលត្រូវបានគេយកមកផ្លុងចោល។ ករណីកម្រលើកនេះ បានកើត ឡើងកាលពីយប់ថ្ងៃព្រហស្បត្តិ៍ ម្សិលមិញនេះ ៕</span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អ័រតេ </span></p>