<p><span style="color: #000000;"><strong>ភ្នំពេញ៖</strong> តារាចម្រៀងស្រី កំពុងសាងឈ្មោះល្បី នៅក្នុងផលិតកម្ម ថោន កញ្ញា សុគន្ធ នីសា បានចេញមុខបដិសេធដោយមិនទទួលស្គាល់ ចំពោះPage Facebook ក្លែងក្លាយ ដែលបានបង្កើតឡើង និងយកឈ្មោះនាងទៅប្រើ ដោយបានបង្ហោះរឿងរ៉ាវ ពាក់ព័ន្ធនឹងស្ថានភាពនយោបាយ នៅក្នុងប្រទេសកម្ពុជា ដោយនាងមិនទទួលស្គាល់ថា មិនមែនជាPageពិតប្រាកដរបស់នាង ឡើយ។</span></p>
<p><span style="color: #000000;">ការចេញមុខប្រតិកម្ម បដិសេធពីសំណាក់តារាចម្រៀងស្រី កញ្ញា សុគន្ធ នីសា នៅពេលនេះ បានធ្វើឡើងភ្លាមៗបន្ទាប់ពីមានជនអនាមិកម្នាក់ បានប្រើអត្តសញ្ញាណ ដោយបង្កើត Page ដែលមានឈ្មោះ និងដាក់រូបថត របស់តារាចម្រៀងល្បី សុគន្ធ នីសា ហើយបានប្រើ Page មួយនេះ ធ្វើសកម្មភាពមួយចំនួន ទាក់ទងទៅនឹងរឿងនយោបាយ ដែលកញ្ញាគិតថា មិនអាចទទួលយកបាន។ ក្នុងនោះ កញ្ញា សុគន្ធ នីសា បានប្រមានឲ្យបុគ្គលរូបនេះ ឈប់ប្រើប្រាស់សកម្មភាព នេះទៀតទៅ ជៀសវាងការចាត់វិធានការតាមច្បាប់។</span></p>
<p><span style="color: #000000;">តាមរយៈខ្លឹមសារ ដែលត្រូវបានកញ្ញា សុគន្ធ នីសា សរសេរបង្ហោះ នៅលើបណ្តាញសង្គមហ្វេសប៊ុកផ្ទាល់ខ្លួន សាធារណៈកាលពីថ្មីៗនេះ បានលើកឡើងថា «សួស្តីអ្នកទាំងអស់គ្នា នាងខ្ញុំនីសា សូមជម្រាប ដល់ទស្សនិកជន អ្នកគាំទ្រទាំងអស់ កុំឲ្យមានការភ័ន្តច្រឡំ ព្រោះថ្មីៗនេះ មាន Page មួយបានយកឈ្មោះ និងរូបរបស់នាងខ្ញុំ ទៅបង្ហោះ និងប្រើពាក្យពេចន៍បន្លំ ទស្សនិកជនថា ជា Page ផ្លូវការ របស់នាងខ្ញុំ ព្រមទាំងមានបង្ហោះ ព័ត៌មានដែលពាក់ព័ន្ធនឹងនយោបាយទៀតផង..» ។</span></p>
<p><span style="color: #000000;">នៅក្នុងសារដដែល សុគន្ធ នីសា បានបញ្ជាក់ទៀតថា «នាងខ្ញុំសូមជម្រាបទស្សនិកជន ថា Page មួយនោះជា Page ក្លែងក្លាយទេ ហើយនាងខ្ញុំ មិនសប្បាយចិត្ត នៅពេលដែលមានជនណាម្នាក់ បោកប្រាស់ទស្សនិកជនរបស់នាងខ្ញុំ ដើម្បីទៅប្រើប្រាស់ ក្នុងគោលបំណង ណាមួយឡើយ ។ នាងខ្ញុំសូមបញ្ជាក់ថា Page របស់នាងខ្ញុំពិតគឺ Page ដែលកំពុងបង្ហោះនេះ និងមានអ្នកគាំទ្រជិត ៣សែននាក់ មានតំណភ្ជាប់ www.facebook.com/sokunnisamusic តែមួយនេះប៉ុណ្ណោះ ហើយ Page របស់នាងខ្ញុំ ពុំដែលបង្ហោះព័ត៌មានទាក់ទងនឹងនយោបាយឡើយ បើទស្សនិកជន ឃើញមានឈ្មោះរបស់នាងខ្ញុំ បង្ហោះសារ ឬព័ត៌មានទាក់ទងនឹងនយោបាយនោះ មិនមែនជា Page ពិតទេ.»។</span><br /><span style="color: #000000;">កញ្ញា សុគន្ធ និសា បានបន្ថែមថា «នាងខ្ញុំសូមបញ្ជាក់ម្តងទៀតថា Page ដែលនាងខ្ញុំបង្ហោះ នៅក្នុងរូបនេះ ជាPage ក្លែងក្លាយ សូមទស្សនិកជន កុំយល់ច្រឡំ ...!»។</span></p>
<p><span style="color: #000000;">គេហទំព័រ LookingTODAY នៅរសៀល ថ្ងៃទី១៧ ខែសីហា នេះមិនអាចសុំការបំភ្លឺបន្ថែម ពីកញ្ញា សុគន្ធ នីសា បានទេខណៈបច្ចុប្បន្ន នាងកំពុងស្នាក់នៅ និងដើរកំសាន្តលំហែកាយនៅប្រទេសថៃ ជាមួយក្រុមគ្រួសារ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/18/30-18-08-2015--09-40-25.jpg"><img src="/FileManager/Articles/mce/2015/8/18/30-18-08-2015--09-40-25.jpg" alt="" /></a></span></p>
<p><a class="thickbox" title="" href="/FileManager/Commons/2015/8/18/31-18-08-2015--09-40-50.jpg"><img src="/FileManager/Articles/mce/2015/8/18/31-18-08-2015--09-40-50.jpg" alt="" /></a></p>
<p><a class="thickbox" title="" href="/FileManager/Commons/2015/8/18/32-18-08-2015--09-40-59.jpg"><img src="/FileManager/Articles/mce/2015/8/18/32-18-08-2015--09-40-59.jpg" alt="" /></a></p>
<p><a class="thickbox" title="" href="/FileManager/Commons/2015/8/18/33-18-08-2015--09-41-07.jpg"><img src="/FileManager/Articles/mce/2015/8/18/33-18-08-2015--09-41-07.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>