<p><span style="color: #000000;"><strong>កំពង់ធំ ៖</strong> កម្លាំងនគរបាល មូលដ្ឋាន ស្រុកសន្ទុក ខេត្តកំពង់ធំ បានចុះទៅ ជួយអន្តរាគមន៍ ដោយឃាត់ព្រះកាយ ព្រះសង្ឃមួយអង្គ ក្រោយពី បាន យកពូថៅ ទៅកាប់ព្រះកេះ ព្រះចៅអធិការ វត្តទួលចាន់ កាល ពីរសៀល ថ្ងៃទី២០ ខែធ្នូ ឆ្នាំ២០១៤ ស្ថិតនៅក្នុងវត្ត ឃុំតាំងក្រសាំង ស្រុកសន្ទុក ។</span></p>
<p><span style="color: #000000;">ករណីព្រះសង្ឃយកពូថៅ កាប់ព្រះកេះ ព្រះចៅអធិការវត្ត ខាងលើនេះ បានកើតឡើង ដោយផ្តើមចេញ ពីជម្លោះ និងខឹងព្រះចៅអធិការវត្ត ស្តី បន្ទោស កាលពីប៉ុន្មានថ្ងៃមុន ។ សេចក្តីរាយការណ៍ ពីមន្រ្តីនគរបាល ស្រុកសន្ទុក បានបញ្ជាក់ថា ព្រះសង្ឃដែលជាជនបង្ក ត្រូវបានឃាត់ព្រះកាយ ភ្លាមៗ ហើយត្រូវបានថ្នាក់ ដឹកនាំសង្ឃ និងថ្នាក់ដឹកនាំ មន្ទីរធម្មការ និង សាសនាខេត្ត ចាប់ផ្សឹកដើម្បីមានវិធានការណ៍តាមផ្លូវច្បាប់ ។</span></p>
<p><span style="color: #000000;">មន្រ្តីនគរបាល បានបន្តទៀតថា ជនរងគ្រោះ ជាព្រះចៅអធិការ វត្តទួលចាន់ ព្រះនាម ឡាច មិ ព្រះជន្ម៦២ព្រះវស្សា រីឯព្រះសង្ឃបង្ក ឱក សុផល អាយុ២៥ឆ្នាំ ។</span></p>
<p><span style="color: #000000;">ស្នងការ នគរបាល ខេត្តកំពង់ធំ លោកឧត្តមសេនីយ៍ ជូ សំអាន បានថ្លែងឲ្យដឹងថា ក្រោយ ទទួលព័ត៌មាន នៃការប្រើអំពើហិង្សា នៅក្នុងវត្តរួចមក លោកបានបញ្ជាឲ្យ នគរបាលជំនាញ និងនគរបាលស្រុក ចុះទៅ ជួយអន្តរាគមន៍ និងឃាត់ខ្លួនព្រះសង្ឃបង្កហេតុ យកទៅ ប្រគល់ជូនថ្នាក់ដឹក នាំសង្ឃ និងមន្ទីរធម្មកា និងសាសនា ដើម្បីចាប់ផ្សឹក ហើយមានវិធានការណ៍ តាមផ្លូវច្បាប់ជាធរមាន ។</span></p>
<p><span style="color: #000000;">ក្រោយការសួរនាំ ត្រូវបានលោកស្នងការអះអាងថា ព្រះសង្ឃបង្កហេតុ ធ្លាប់កើតជំងឺ សសៃប្រាសាទផងដែរ ។ យ៉ាងណាក៏ដោយ ជននេះត្រូវ បាននគរបាល រៀបចំសំណុំរឿងបញ្ជូនទៅកាន់តុលាការចាត់ការ តាមផ្លូវច្បាប់ មិនលើកលែងឲ្យនោះទេ៕</span></p>
<p><span style="color: #000000;"><a class="thickbox" title="" href="/FileManager/Commons/2014/12/21/63-21-12-2014--10-54-35.jpg"><img src="/FileManager/Articles/mce/2014/12/21/63-21-12-2014--10-54-35.jpg" alt="" /></a></span></p>
<p><a class="thickbox" title="" href="/FileManager/Commons/2014/12/21/60-21-12-2014--10-54-43.jpg"><img src="/FileManager/Articles/mce/2014/12/21/60-21-12-2014--10-54-43.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/12/21/63-21-12-2014--10-54-35.jpg"></a></span></p>
<p><a class="thickbox" title="" href="/FileManager/Commons/2014/12/21/61-21-12-2014--10-54-51.jpg"><img src="/FileManager/Articles/mce/2014/12/21/61-21-12-2014--10-54-51.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>