<p><span style="color: #000000;"><strong>ភ្នំពេញ៖</strong> ក្រុមហ៊ុនឧកញ៉ាទ្រីភាព បានប្រកាសឲ្យអាជ្ញាធរមានសមត្ថកិច្ច ចាត់វិធានការទៅក្រុមឈ្មួញរកស៊ីឈើ មួយចំនួន ដែលបានប្រើប្រាស់ឈ្មោះរបស់ឧកញ៉ា ទ្រី ភាព និង ក្រុមហ៊ុនទ្រីភាពគ្រុប ដើម្បីបិទបាំងការកស៊ីខុសច្បាប់គេចវេសពីការតាមច្បាប់របស់សមត្ថកិច្ច និង អាជ្ញាធរ។ ក្រុមហ៊ុនទ្រីភាពគ្រុបស្នើឲ្យអាជ្ញាធរចាប់បញ្ជូនជន ខិលខូចទៅកាន់តុលាការ និង រឹបអូសយកមធ្យោបាយដឹកជញ្ជូនឈើទៅធ្វើជាសម្បត្តិរដ្ឋ។</span></p>
<p><span style="color: #000000;">ក្រុមហ៊ុនទ្រីភាពគ្រុប ដែលជាក្រុមហ៊ុនទទួលបានសិទ្ធិធ្វើអាជីវកម្មប្រមូលទិញឈើនៅកម្ពុជា នៅថ្ងៃទី២៦ ខែ កុម្ភៈ ឆ្នាំ២០១៥នេះ បានប្រកាសថា នាពេលកន្លងមកមានក្រុមឈ្មួញរកស៊ីឈើ និង ប្រើប្រាស់មធ្យោបាយដឹក ជញ្ជូនខុសច្បាប់ បានយកឈ្មោះក្រុមហ៊ុនទ្រីភាព ទៅបម្រើសកម្មភាពរកស៊ី និងការដឹកជញ្ជូនឈើខុសច្បាប់ ជា ពិសេសនៅពេលដែលសមត្ថកិច្ចរបស់រាជរដ្ឋាភិបាលបង្រ្កាបទៅលើសកម្មភាពរបស់ពួកគេ។</span></p>
<p><span style="color: #000000;">ក្រុមហ៊ុនទ្រីភាព បានប្រកាសថា រថយន្តដឹកជញ្ជូនរបស់ខ្លួនមានពណ៌ទឹកប៊ិច និងសម្គាល់ដោយលេខ ១១៦៨។ ក្រុមហ៊ុនទ្រីភាព ក៏បានអំពាវនាវ និងប្រកាសឲ្យអាជ្ញាធរមានសមត្ថកិច្ចរបស់រាជរដ្ឋាភិបាលកម្ពុជា ចាត់វិធានការ ផ្តន្ទាទោសទៅតាមផ្លូវច្បាប់ ដែលមានជាធរមាន ចំពោះឈ្មួញខិលខូចទាំងនោះ និង ស្នើឲ្យរឹបអូសយកមធ្យោ បាយដឹកជញ្ជូនខុសច្បាប់ទៅទុកជាសម្បត្តិរដ្ឋ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/26/st-125-26-02-2015--15-03-55.jpg"><img src="/FileManager/Articles/mce/2015/2/26/st-125-26-02-2015--15-03-55.jpg" alt="" /></a></span></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>