<p><span style="color: #000000;"><strong>(កំពង់ឆ្នាំង)៖</strong> ព្រះចៅអធិកាវត្តបឹងខ្នា ព្រះនាម នួន ស៊ីណាត់ រងការចោទថា បានរំលោភយកដីកេរ របស់ប្រជាពលរដ្ឋមួយគ្រួសារ នៅមុខវត្តបឹងខ្នា ស្ថិតក្នុងភូមិបឹងខ្នា ឃុំខ្នាឆ្មា ស្រុកសាមគ្គីមានជ័យ ខេត្តកំពង់ឆ្នាំង។ ក្រោយកើតហេតុពលរដ្ឋរងគ្រោះ បានស្នើឲ្យអាជ្ញាធរឃុំជួយដោះស្រាយបញ្ហាដែរ តែគ្មានអាជ្ញាធរចំណាត់ការអ្វីសោះ។</span></p>
<p><span style="color: #000000;">ពលរដ្ឋរងគ្រោះមានឈ្មោះ ខោល ហៃ ប្រពន្ធឈ្មោះ ជា ស៊ុនលី និងមានកូន៥នាក់នៅក្នុងបន្ទុក បានកើតទុក្ខមិនសុខចិត្ត ដោយសារព្រះសង្ឃមួយអង្គ ព្រះនាម នួន ស៊ីណាត់ ជាព្រះចៅអធិការវត្តបឹងខ្នា បានកាប់ទន្ទ្រានយកដីរបស់គាត់ ដែលជាដីកេរតាំងពីដូនតាយូរមកហើយ ព្រមទាំងបានកាប់បំផ្លាញដើមឈើ និងផលដំណាំរបស់គ្រួសារពលរដ្ឋខាងលើថែមទៀតផង។</span></p>
<p><span style="color: #000000;">កើតមានរឿងហេតុដូចនេះ គ្រួសារពលរដ្ឋរងគ្រោះបានរាយការណ៍ ទៅឲ្យកម្លាំងនគរបាលប៉ុស្តិ៍ខ្នាឆ្មា ហើយនគរបាលក៏ទៅកន្លែងកើតហេតុ ហើយបានឃាត់ ព្រះសង្ឃអង្គនោះ ឲ្យបញ្ឈប់សកម្មភាពកាប់បំផ្លាញផលដំណាំ តែព្រះសង្ឃអង្គនោះនៅតែបន្តកាប់រានគាស់គល់ដើមឈើ និងដករបងបំបាត់ភស្ដុតាងទៀតផង ព្រោះអាងឪពុកមារបស់ខ្លួនជាមេឃុំ ដែលជាអ្នកនៅពីក្រោយខ្នងបញ្ជាឲ្យធ្វើ។</span></p>
<p><span style="color: #000000;">ជុំវិញកាចោទប្រកាន់ខាងលើនេះ អង្គភាពសារព័ត៌មាន Fresh News មិនអាចសុំការបំភ្លឺពីមេឃុំខ្នាឆ្មា លោក ទា កុំ បាននៅឡើយទេ។ ចំណែកព្រះចៅអធិការ វត្តបឹងខ្នាអង្គនោះ មិនបានឆ្លើយតបឱ្យបានក្បោះក្បាយនោះឡើយ គឺមានតែសង្ឃដីកាប្រាប់អ្នកកាសែតថា <strong>«អាត្មាមិនបានយកដីគាត់ឡើយ គ្រាន់តែឱ្យកូននេនកាប់ព្រៃ ដើម្បីយកកន្លែងធ្វើរបងព្រំដីតែប៉ុណ្ណោះ សារព័ត៌មានមិនបាច់សម្ភាសច្រើនទេ ចង់យកទៅផ្សាយអីក៏ផ្សាយទៅ បើចង់ដឹងច្បាស់ទៅសួរ លោក ទា កុំ ជាមេឃុំខ្នាឆ្មា ទៅដឹងហើយ អាត្មាប្រញ៉ាប់ទៅបុណ្យ»</strong>។</span></p>
<p><span style="color: #000000;">គ្រួសារពលរដ្ឋរងគ្រោះលើ បានដាក់ពាក្យបណ្ដឹងទៅសាលាឃុំដែរ ដើម្បីឲ្យអាជ្ញាធរជួយដោះស្រាយ ប៉ុន្តែនៅតែមិនឃើញមានដំណោះស្រាយឡើយ ទើបពួកគាត់ ទទូចសុំឲ្យមន្ទីរធម្មការ និងសាសនាខេត្តកំពង់ឆ្នាំង និងអភិបាលខេត្ត លោក ឈួរ ច័ន្ទឌឿន ជួយរកយុត្តិធម៌ឲ្យក្រុមគ្រួសារគាត់ដែលជាជនរងគ្រោះផង៕</span></p>
<p><span style="color: #000000;"><img src="http://image.freshnewsasia.com/2017/112/fn-2017-02-01-13-50-42-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-01-13-50-42-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-01-13-50-42-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-01-13-50-42-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-01-13-50-42-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-01-13-50-42-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-01-13-50-42-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-01-13-50-42-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-01-13-50-42-8.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>