<p><span style="color: #000000;"><strong>កំពង់ស្ពឺ ៖</strong> ពេទ្យស្ទើរជំនាញ ប្រចាំភូមិម្នាក់ បានចាក់ថ្នាំខុស បច្ចេកទេស បណ្ដាលឲ្យ អ្នកជំងឺម្នាក់ស្លាប់ កាលពីវេលា ម៉ោង៤ទៀបភ្លឺថ្ងៃទី២៨ ខែវិច្ឆិកា ឆ្នាំ២០១៥ នៅចំណុចភូមិជម្ពូព្រឹក ឃុំជុំពូព្រឹក ស្រុកឧដុង្គ ខេត្តកំពង់ស្ពឺ ។</span></p>
<p><span style="color: #000000;">សមត្ថកិច្ចបានឲ្យដឹងថា ជនរងគ្រោះមានឈ្មោះពន ធា ភេទប្រុស អាយុ៣៣ឆ្នាំ មានទីលំនៅភូមិ ឃុំកើតហេតុ ខាងលើ ។ ចំណែកពេទ្យស្ទើរជំនាញមាន ឈ្មោះភឺន វណ្ណគា ភេទប្រុស អាយុ៣៣ឆ្នាំ រស់នៅ ភូមិជាមួយគ្នា បានរត់គេចខ្លួនបាត់ស្រមោល ក្រោយជនរងគ្រោះស្លាប់ ។</span></p>
<p><span style="color: #000000;">តាមក្រុមគ្រួសារជនរងគ្រោះ បានរៀបរាប់ថា កាលពីយប់ទី២៧ ខែវិច្ឆិកា ឆ្នាំ២០១៥ ជនរងគ្រោះបានត្រឡប់មកពីស្រែ ហើយមានអាការៈអស់កម្លាំង រួចក៏ឲ្យប្រពន្ធកោសខ្យល់ឲ្យ ។ ក្រោយពីកោសខ្យល់រួច អាការៈរបស់ ជនរងគ្រោះ នៅមិនស្រួលទៀត ទើបនៅវេលាម៉ោងប្រមាណ ២រំលងអធ្រាត្រឈាន ចូលថ្ងៃទី២៨ ខែវិច្ឆិកា ក្រុមគ្រួសារបានដឹក យកទៅពេទ្យឯកជន ដែលគ្មានសញ្ញាប័ត្រ ពីក្រសួងសុខាភិបាល ។ ក្រោយពីគ្រូពេទ្យ ចាក់ថ្នាំរួច និងសម្រាកនៅទីនោះបានបន្តិច ក្រុមគ្រួសារក៏យកជ នរងគ្រោះត្រឡប់មកផ្ទះវិញ បានប្រមាណ ២០នាទីក៏មានការប្រតិកម្ម ។ ពេលនោះក្រុមគ្រួសារ ក៏បានហៅពេទ្យនោះឲ្យមកមើល លុះពេលគ្រូពេទ្យ មកមើលប្រាប់ថា បេះដូងជនរងគ្រោះខ្សោយ ហើយយកលេសប្រាប់ក្រុមគ្រួសារ ជនរងគ្រោះថា ទៅយកសេរ៉ូម ហើយគេចខ្លួនបាត់តែម្ដង ។ លុះនៅវេលាម៉ោងប្រមាណ៤ទៀបភ្លឺ ជនរងគ្រោះក៏ដាច់ខ្យល់ស្លាប់ ។</span></p>
<p><span style="color: #000000;">ក្រោយជនរងគ្រោះស្លាប់ ក្រុមគ្រូពេទ្យ នៃមន្ទីរពេទ្យខេត្ត និងព្រះរាជអាជ្ញាអមសាលាដំបូងខេត្តកំពង់ស្ពឺ បាន ចុះមកពិនិត្យសាកសព ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/30/11-30-2015-8-28-53-am-30-11-2015--08-35-37.png"><img src="/FileManager/Articles/mce/2015/11/30/11-30-2015-8-28-53-am-30-11-2015--08-35-37.png" alt="" /></a></span></p>
<p><a class="thickbox" title="" href="/FileManager/Commons/2015/11/30/11-30-2015-8-28-36-am-30-11-2015--08-35-45.png"><img src="/FileManager/Articles/mce/2015/11/30/11-30-2015-8-28-36-am-30-11-2015--08-35-45.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>