<p><span style="color: #000000;"><strong>ភ្នំពេញ៖</strong> អាជ្ញាធរអប្សរា នឹងផ្អាកឲ្យភ្ញៀវទេសចរណ៍ជាតិ និងអន្តរជាតិទាំងអស់ កុំឲ្យឡើងទៅទស្សនានៅ លើកំពូលប្រាសាទ ភិមានអាកាស ជាបណ្ដោះអាសន្ន ព្រោះអាជ្ញាធរត្រូវការជួសជុលឲ្យមានសុវត្ថិភាពសិន។ នេះបើយោងតាមសេចក្តីជូន ដំណឹងរបស់អាជ្ញាធរអប្សរា កាលពីថ្ងៃទី១៥ ខែមិថុនា ឆ្នាំ២០១៥។</span></p>
<p><span style="color: #000000;"> តាមសេចក្តីជូនដំណឹងខាងលើក ដែលមជ្ឈមណ្ឌលព័ត៌មានដើមអម្ពិល ទទួលបាននៅថ្ងៃអង្គារ៍ ទី១៦ ខែមិថុនា ឆ្នាំ២០១៥នេះ បានឲ្យដឹងថា ដោយសារជណ្ដើរឡើង ទៅកាន់កំពូលប្រាសាទភិមានអាកាស មុខខាងលិចមាន សភាពចាស់ទ្រុឌទ្រោម រង្គើ និងយោលយោកខ្លាំង ដូច្នេះដើម្បីជៀសវាងការគ្រោះថ្នាក់ដល់ភ្ញៀវទេសចរ អាជ្ញាធរជាតិអប្សរា សូមផ្អាកការឡើងទៅទស្សនាជាបណ្តោះអាសន្ន។</span></p>
<p><span style="color: #000000;"> សេចក្តីជូនដំណឹងបានបន្តថា ការផ្អាកជាបណ្ដោះអាសន្ននេះ នឹងត្រូវចាប់ផ្តើមចាប់ពីថ្ងៃទី១៧ ខែមិថុនា ឆ្នាំ២០១៥តទៅ រហូតដល់ជួសជុលជណ្តើរឡើងបានរឹងមាំ និងមានសុវត្ថិភាព ទើបបើកជូនភ្ញៀវទេសចរ ឡើងទៅទស្សនាដូចប្រក្រតីវិញ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/16/6-16-2015-11-23-41-am-16-06-2015--11-28-59.png"><span style="color: #000000;"><img src="/FileManager/Articles/mce/2015/6/16/6-16-2015-11-23-41-am-16-06-2015--11-28-59.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>