<p><span style="color: #000000;">ព័ត៌មានអន្តរជាតិ ៖ វីដេអូ របស់ ក្រុមឧទ្ទាម រដ្ឋអ៊ីស្លាមជ្រុលនិយម ត្រូវ បានបង្ហាញឡើង ជាមួយការ បញ្ជាក់អះអាងថា មានការសម្លាប់ ដោយកាត់ក្បាល លោក Steven Sotloff ជាអ្នកកាសែតអាមេរិក មួយ រូប ដែលត្រូវបានចាប់ធ្វើជា ចំណាប់ខ្មាំង ដោយក្រុមសកម្មប្រយុទ្ធ នេះ បើ តាមការអោយដឹងពីទំព័រសារ ព័ត៌មានប៊ីប៊ីស៊ី ។ </span></p>
<p><span style="color: #000000;"><a class="thickbox" title="" href="/FileManager/Commons/2014/9/3/0-03-09-2014--09-25-15.jpg"><img src="/FileManager/Articles/mce/2014/9/3/0-03-09-2014--09-25-15.jpg" alt="" /></a><br /></span></p>
<p><span style="color: #000000;">ស្ថិតនៅក្នុងវ័យ ៣១ ឆ្នាំ លោក Sotloff ត្រូវបានក្រុមឧទ្ទាម ចាប់ឃាត់ខ្លួនបាន កាលពីអំឡុងឆ្នាំ ២០១៣ នៅក្នុងប្រទេស ស៊ីរី ។ គាត់បានបង្ហាញខ្លួន នៅចុងបញ្ចប់នៃវីដេអូមួយ កាលពីខែមុន ក្រោយពីមានការ បង្ហាញជាវីដេអូ ស្តីពីការសម្លាប់ ដោយកាត់ក្បាល អ្នក កា សែតអាមេរិក មួយ រូប ផ្សេងទៀត គឺលោក James Foley ។ គួរបញ្ជាក់ថា ជាមួយនឹងខ្សែអាថ៍វីដេអូចុងក្រោយ ក្រុមសកម្មប្រយុទ្ធបានធ្វើការគម្រាម ថានឹងមានការសម្លាប់ ចំណាប់ខ្មាំង អង់គ្លេស ផ្សេងៗទៀត ។ </span></p>
<p><span style="color: #000000;"><a class="thickbox" title="" href="/FileManager/Commons/2014/9/3/06-03-09-2014--09-25-47.jpg"><img src="/FileManager/Articles/mce/2014/9/3/06-03-09-2014--09-25-47.jpg" alt="" /></a><br /></span></p>
<p><span style="color: #000000;">ដោយឡែក សម្តីគូសបញ្ជាក់អោយដឹង ពីសមាជិក ក្រុមគ្រួសារ របស់លោក Sotloff អោយដឹងថា ស្រប ពេលដែលពួកគេបានទទួលព័ត៌មានចុងក្រោយ ទាក់ទិន នឹង លោក Sotloff ហើយនោះ ពួកគេ ពិតជា មានភាពសោកស្តាយ និង សោកសង្រេង ជាខ្លាំង ។ គួររំឭកថា ក្រោយពី លោក Foley បានស្លាប់បាត់ បង់ជីវិត ស្រ្តីជាម្តាយរបស់លោក Sotloff បានធ្វើការអំពាវនាវ ដល់មេ ដឹកនាំ ក្រុមឧទ្ទាម IS លោក Abu Bakr al-Baghdadi អោយធ្វើការជួយសង្គ្រោះអាយុជីវិត កូនរបស់គាត់ ។ </span></p>
<p><span style="color: #000000;">ដោយឡែក លោក Josh Earnest អ្នកនាំពាក្យ អោយសេតវិមាន អោយដឹងថា មន្រ្តីជាន់ខ្ពស់ សហរដ្ឋអា មេរិក ក៏កំពុងតែត្រួតពិនិត្យមើល របាយការណ៍ ។ សេច ក្តីរាយការណ៍ បញ្ជាក់ អោយដឹងថា ក្នុងរយៈ ពេលប៉ុន្មានសប្តាហ៍ចុងក្រោយនេះ អាមេរិក បានធ្វើការវាយប្រហារ តាមអាកាស យ៉ាងចាស់ដៃ ទៅលើ ក្រុមសកម្មប្រយុទ្ធ IS នៅក្នុងប្រទេស អ៊ីរ៉ាក់ ដើម្បីជាបទអន្តរាគមន៍ ក៏ដូចជា កង កម្លាំងជំនួយ ដល់ប្រ ទេសមួយនេះ ។ </span></p>
<p><span style="color: #000000;">ប្រភពពីសេតវិមានអោយដឹងថា ចំណាត់ការណ៍ ពីរដ្ឋាភិបាល លោក អូបាម៉ា បានបញ្ជា អោយមានការ ដាក់ពង្រាយកងកម្លាំងបន្ថែម ជាង ៣៥០ នាក់ នៅក្នុងទីក្រុង បាដាដ ក្នុងគោលបំណង ការពារសម្បទា មួយចំនួន របស់សហរដ្ឋអាមេរិក ៕</span></p>
<p><span style="color: #000000;"><object width="491" height="421" data="http://www.youtube.com/v/F6OCUeifB0Y&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/F6OCUeifB0Y&rel=1" /></object></span></p>
<p><object width="490" height="420" data="http://www.youtube.com/v/MM1IC6p3wWA&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/MM1IC6p3wWA&rel=1" /></object><span style="color: #000000;"><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី </span></p>