<p><span style="font-size: 12px; color: #000000;">(ម៉ានីល)៖ ចម្លើយសារភាពរបស់ប្រធានាធិបតីហ្វីលីពីនលោក រ៉ូឌ្រីហ្គោ ឌូតឺតេ អំពីការប្រើប្រាស់ថ្នាំបំបាត់ការឈឺចាប់ ដែលមានកំរិតដ៏ខ្លាំងក្លា បានបង្កឲ្យកើតមានជាក្តីព្រួយបារម្ភខ្លាំង ចំពោះសុខភាពរបស់លោក ស្របពេលដែលអ្នកតំណាងរាស្រ្តហ្វីលីពីនជាច្រើនរូប បានស្នើឲ្យលោកទៅធ្វើការពិនិត្យសុខភាព និងប្រកាសឲ្យដឹងច្បាស់ពីលទ្ធផល។ នេះបើតាមការចេញផ្សាយដោយសារព័ត៌មាន Channel News Asia នៅមុននេះបន្តិចនាព្រឹកថ្ងៃចន្ទ ទី១៩ ខែធ្នូ ឆ្នាំ២០១៦។</span></p>
<p><span style="font-size: 12px; color: #000000;"><br /><a class="thickbox" title="" href="/FileManager/Commons/2016/12/20/11b-20-12-2016--14-58-57.jpg"><img src="/FileManager/Articles/mce/2016/12/20/11b-20-12-2016--14-58-57.jpg" alt="" /></a><br /></span></p>
<p><span style="color: #000000;">លោកប្រធានាធិបតីហ្វីលីពីនបានឲ្យដឹងថា លោកធ្លាប់បានប្រើប្រាស់ថ្នាំហ្វេនតានីល (Fentanyl) ដែលជាទូទៅសម្រាប់បំបាត់ការឈឺចាប់បណ្តាលមកពី ជំងឺមហារីក និងជំងឺរ៉ាំរ៉ៃផ្សេងៗទៀតដោយសារតែរបួសឆ្អឹងខ្នងរបស់លោកកាលពីគ្រោះថ្នាក់ចរាចរណ៍លើកមុនៗ ប៉ុន្តែលោក រ៉ូឌ្រីហ្គោ ឌូតឺតេ បានអះអាងថាវេជ្ជបណ្ឌិតផ្ទាល់ខ្លួន បានឲ្យលោកឈប់ប្រើប្រាស់វាតទៀតហើយ នៅពេលដែលដឹងថាលោកបានប្រើប្រាស់បរិមាណនៃថ្នាំនេះលើសពីអ្វីដែលបានកំណត់។</span></p>
<p><span style="color: #000000;">ជាមួយគ្នានេះដែរ សមាជិកសភាលោក ការឡុស ហ្សារ៉ាត់ (Carlos Zarate) បានថ្លែងថាការគូសបញ្ជាក់របស់លោក ឌូតឺតេ បានធ្វើឲ្យមានការចាប់អារម្មណ៍ជាខ្លាំង ទាក់ទងនឹងបញ្ហាសុខភាពរបស់លោក ដោយរួមទាំងពាក្យចរចាមអារ៉ាមកាលពីអំឡុងពេល នៃយុទ្ធនាការឃោសនបោះឆ្នោត ដែលថាលោកមានជំងឺមហារីកទៀតផង ហើយវាគឺជាការចោទប្រកាន់ដែលលោកប្រធានាធិបតីហ្វីលីពីន បានច្រានចោលជាច្រើនលើកច្រើនសាផងដែរ។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/12/20/04a-20-12-2016--14-59-07.jpg"><img src="/FileManager/Articles/mce/2016/12/20/04a-20-12-2016--14-59-07.jpg" alt="" /></a><br /></span></p>
<p><span style="color: #000000;">ប្រការហេតុនេះលោក ហ្សរ៉ាត់ បានលើកឡើងថា ដើម្បីបញ្ចប់មន្ទិលសង្ស័យទាំងអស់នេះ វាពិតជាប្រសើរខ្លាំងណាស់បើសិនជាវេជ្ជបណ្ឌិតផ្ទាល់ខ្លួន របស់លោក ឌូតឺតេ ចេញមុខបកស្រាយឲ្យបានច្បាស់លាស់អំពីវិធីសាស្រ្តនៃការគ្រប់គ្រងការឈឺចាប់ ដែលលោកប្រធានាធិបតីកំពុងនៅបន្តទទួលរងសព្វថ្ងៃនេះ។</span></p>
<p><span style="color: #000000;">ជុំវិញបញ្ហានេះដែរ សមាជិកសភាមួយរូបទៀតគឺលោកស្រី លៃឡា ដឺ លីម៉ា (Leila de Lima) ដែលជាអ្នករិះគន់លោក ឌូតឺតេ ដោយមិនសំចៃមាត់នោះបានបង្ហាញពីការគាំទ្ររបស់លោកស្រីចំពោះសម្តីរបស់លោក ហ្សារ៉ាត់ ហើយលោកស្រីបានថ្លែងយ៉ាងដូច្នេះថា <strong>«វាមិនត្រឹមតែជំងឺឈឺថ្កាត់ប៉ុណ្ណោះទេ ដែលយើងគ្រប់គ្នាមានការព្រួយបារម្ភនោះ ប៉ុន្តែក៏មានផលប៉ះពាល់អវិជ្ជមាននៃថ្នាំពេទ្យដែលលោក ឌូតឺតេ កំពុងប្រើប្រាស់ផងដែរ ដែលជាពិសេសនោះគឺភាពច្បាស់លាស់ និងសមត្ថភាពរបស់លោក ក្នុងសម្រេចចិត្តដោយស្ថិតនៅក្នុងសតិអារម្មណ៍ល្អ»</strong>។</span></p>
<p><span style="color: #000000;">លើសពីនេះទៅទៀត សមាជិកសភាម្នាក់ទៀតគឺលោក អាន់តូនីញ៉ូ ទ្រីឡានេស (Antonio Trillanes) ក៏បានលើកឡើងដែរថា ចម្លើយសារភាពរបស់លោក ឌូតឺតេ ដែលថាលោកបានប្រើប្រាស់ថ្នាំហ្វេនតានីលហួសកំណត់នោះ បានបញ្ជាក់ថាលោកគឺ «ស្មើនឹងអ្នកញៀនថ្នាំម្នាក់»។</span></p>
<p><span style="color: #000000;">គួរបញ្ជាក់ថា លោក រ៉ូឌ្រីហ្គោ ឌូតឺតេ អាយុ៧១ឆ្នាំ គឺជាប្រធានាធិបតី ដែលមានវ័យចំណាស់ជាងគេបំផុតនៃប្រទេសហ្វីលីពីន ហើយលោកធ្លាប់បាននិយាយថា លោកមានជំងឺប្រចាំកាយជាច្រើន និងតែងតែបានលើកយកបញ្ហាជំងឺឈឺថ្កាត់ជាមកធ្វើជាហេតុផល សម្រាប់ការខកខានមិនបានទៅចូលរួមព្រឹត្តិការណ៍ផ្សេងៗ នៅអំឡុងពេលនៃកិច្ចប្រជុំនៅឯក្រៅប្រទេស។ ដោយឡែកនៅក្នុងប្រទេសកម្ពុជាកាលពីសប្តាហ៍មុន លោក ឌូតឺតេ បានបញ្ជាក់ថា លោកប្រហែលជាមិនអាចបញ្ចប់អាណត្តិរយៈពេល ០៦ឆ្នាំរបស់លោកបានផង៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/12/20/11-20-12-2016--14-57-34.jpg"><img src="/FileManager/Articles/mce/2016/12/20/11-20-12-2016--14-57-34.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ CNA</span></p>
<p> </p>
<p> </p>