<p><span style="color: #000000;"><strong>(វ៉ាស៊ីនតោន)៖</strong> តារាសម្តែងដ៏ល្បីឈ្មោះ របស់សហរដ្ឋអាមេរិក អ្នកនាង អេនជីលីណា ចូលី (Angelina Jolie) ទទួលបានសិទ្ធិផ្តាច់មុខ ក្នុងការមើលថែទាំងកូនៗទាំង០៦នាក់ នៅក្នុងកិច្ចព្រមព្រៀងរួមគ្នាមួយ រវាងអ្នកនាង និងអតីតស្វាមីគឺលោក Brad Pitt បន្ទាប់ពីអ្នកនាងបានដាក់ពាក្យបណ្តឹង លែងលះគ្នាកាលពីខែកញ្ញាកន្លងទៅ។ នេះបើតាមសម្តីរបស់អ្នកតំណាងអ្នកនាង អេនជីលីណា ចូលី ដែលដកស្រង់ដោយសារព័ត៌មាន AP នៅមុននេះបន្តិចនាព្រឹកថ្ងៃអង្គារ ទី០៨ ខែវិច្ឆិកា ឆ្នាំ២០១៦។</span></p>
<p><span style="color: #000000;">កិច្ចព្រមព្រៀងខាងលើ បានអនុញ្ញាតឲ្យកូនៗរបស់អតីតប្តីប្រពន្ធមួយគូនេះ អាចជួបសួរទុក្ខជាមួយលោក Pitt បានជាធម្មតា ប៉ុន្តែពួកគេទាំង០៦នាក់ ត្រូវស្ថិតនៅក្រោមការ មើលថែទាំរបស់អ្នកនាង Angelina Jolie ទាំងស្រុង ហើយការសម្រេចចិត្ត ដោយឯកភាពគ្នាខាងលើនេះ ត្រូវបានធ្វើឡើងដោយមានការចូលរួម ពីអ្នកជំនាញខាងថែទាំកុមារតាំងតែ ពីសប្តាហ៍មុនមកម៉្លេះ។</span></p>
<p><span style="color: #000000;">គួរបញ្ជាក់ដែរថា តារាសម្តែងដ៏ល្បីល្បាញលើពិភពលោកទាំងពីររូបនេះ បានចំណាយពេលរស់នៅ ជាមួយគ្នារហូតមកអស់រយៈពេល១២ឆ្នាំហើយ និងបានសម្រេចចិត្តរៀបការ កាលពីឆ្នាំ២០១៤ ប៉ុន្តែមកដល់ខែកញ្ញាកន្លងទៅនេះ អ្នកនាង អេនជីលីណា ចូលី ក៏បានដាក់ពាក្យបណ្តឹងសុំផ្តាច់ចំណង អាពាហ៍ពិពាហ៍ជាមួយនឹងលោក Brad Pitt ដោយបានអះអាងថា ការរស់នៅរបស់អ្នកទាំងពីរពុំមានភាពចុះសម្រុងនឹងគ្នាឡើយ ហើយក៏ស្របនឹងពាក្យចរចាមអារ៉ាមកាលណោះ ដែលថាលោក Pitt បានប្រើហិង្សាលើ Maddox ដែលកូនចិញ្ចឹមជនជាតិខ្មែរនោះ ផងដែរ៕</span></p>
<p><span style="color: #000000;"><img src="http://i2.mirror.co.uk/incoming/article5839228.ece/ALTERNATES/s1023/brangelina.jpg" alt="" width="730" /></span></p>
<p><span style="color: #000000;"><img src="http://images.lollipop.sg/files/article/images/gallery/2016/10/Brad%20Pitt%20misses%20deadline%20to%20answer%20Angelina%20Jolie%20divorce%20petition%20gallery.jpg" alt="" width="730" /></span></p>
<p><span style="color: #000000;"><img src="http://images.lollipop.sg/files/article/images/gallery/2016/09/brad_pitt.jpg" alt="" width="730" /></span></p>
<p><span style="color: #000000;"><img src="http://images.lollipop.sg/files/article/images/gallery/2016/09/getImgIntranet.php__2.jpg" alt="" width="730" /></span></p>
<p><span style="color: #000000;"><img src="http://images.lollipop.sg/files/article/images/gallery/2016/01/getImgIntranet.php2_.jpg" alt="" width="730" /></span></p>
<p><span style="color: #000000;"><img src="http://images.lollipop.sg/files/article/images/gallery/2015/12/getImgIntranet.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>