<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានព្រមាន Block ចំពោះ Account Facebook ទាំងឡាយណា ដែលបានបញ្ចូលរូបភាព និងពាក្យសម្តីជេរប្រមាថ នៅលើទំព័រ Facebook របស់សម្តេច។</span></p>
<p><span style="color: #000000;">ជាមួយនឹងការ Comment ទៅលើខ្លឹមសារដែលសម្តេចបានសរសេរអបអរសាទរដល់កីឡាការិនី ស៊ន សៀវម៉ី ដែលបានឆ្លងផុតការប្រកួតជម្រុះកីឡាអូឡាំពិក នៅប្រទេសហ្វីលីពីន កាលពីម្សិលមិញ សម្តេចតេជោ ហ៊ុន សែន ក៏បានព្រមានដល់បុគ្គលមួយចំនួន ដែលចូលចិត្តផុសរូបភាព និងពាក្យសម្តេចជេរប្រមាថ នៅលើទំព័រ Facebook របស់សម្តេច។</span></p>
<p><span style="color: #000000;">សម្តេចបានព្រមានយ៉ាងដូច្នេះថា <strong>«ចំពោះការផូសរូប និងពាក្យសំដីប្រមាថលើទំព័នេះ គឺនឹងត្រូវ Ban /Block ចោលដោយគ្មានឱកាសលើកក្រោយទៀតទេ»</strong>។</span></p>
<p><span style="color: #000000;">បន្ទាប់ពីមានការបញ្ជាក់យ៉ាងដូច្នេះ អ្នកគាំទ្រជាច្រើន នៅលើទំព័រ Facebook សម្តេចតេជោ បានបង្ហាញការគាំទ្រឱ្យសម្តេច Block អ្នកដែលចូលចិត្តផុសរូបភាព និងពាក្យសម្តីជេរប្រមាថទាំងនោះ។ អ្នកគាំទ្រចាត់ទុកថា អ្នកបង្ហោះរូបភាព ឬសម្តីជេរប្រមាថ គឺជាមនុស្សគ្មានសីលធម៌។</span></p>
<p><span style="color: #000000;">សូមជំរាបថា ទំព័រ Facebook របស់សម្តេចតេជោ ហ៊ុន សែន ពេលនេះមានអ្នក Like ជាង៣,៨លាននាក់ហើយ ដែលជាគេហទំព័រមានអ្នក Like ច្រើនជាងគេនៅកម្ពុជា បន្ទាប់ពីប្រកាសជាផ្លូវការនៅថ្ងៃទី២០ ខែកញ្ញា ឆ្នាំ២០១៥៕</span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/13006635_1589056344742064_6373320011898291322_n.jpg?oh=9fbba474306a8b7d4d5e387433f67553&oe=57BDAF67" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>
</div>