<p>ព័ត៌មានអន្តរជាតិ ៖ ទីភ្នាក់ងារ សារព័ត៌មាន ប៊ីប៊ីស៊ី បានចេញផ្សាយ អោយដឹងថា នៅឯក្រុង Ypres ប្រទេស Belgium កម្មវិធីប្រារព្ធខួប ១០០ ឆ្នាំ នៃការកកើតឡើង សង្គ្រាមលោកលើកទី ១ ត្រូវបានធ្វើ ដោយមានការចូលរួមជាពិសេស ពីបណ្តាមេដឹកនាំ សហភាព អឺរ៉ុប មុននឹងមានកិច្ចប្រជុំកំពូលសហ ភាពអឺរ៉ុប បានចាប់ផ្តើម EU summit ។</p>
<p><a class="thickbox" title="" href="/FileManager/Commons/2014/6/27/75868579022905314-1-27-06-2014--09-18-19.jpg"><img src="/FileManager/Articles/mce/2014/6/27/75868579022905314-1-27-06-2014--09-18-19.jpg" alt="" /></a></p>
<p>គួរបញ្ជាក់ថា កិច្ចប្រជុំកំពូលឡើងនេះ នឹងត្រូវបានគេធ្វើឡើង ក្នុងការតស៊ូមតិ ស្តីអំពី ថាតើបេក្ខភាព ណាមួយគួរធ្វើជា អ្នកដឹកនាំ គណៈកម្មការសហភាព អឺរ៉ុប ដោយនៅក្នុងនោះ បណ្តា មេដឹកនាំ សហ ភាពអឺរ៉ុបទាំងអស់ មានការរំពឹងទុក បានថា ការសម្រេចចិត្ត ត្រូវបាន ប្រកាស ជាផ្លូវការ នៅថ្ងៃសុក្រ</p>
<p>យ៉ាងណាមិញ មានវិនាទី មួយនោះ វិនាទី នៃការស្មឹងស្មាត គេឃើញមានបណ្តាដឹកនាំសហភាពអឺរ៉ុប ទាំងអស់បានចូលរួមកម្មវិធី ប្រារព្ធខួប ១០០ ឆ្នាំនៃសង្គ្រាមលោកលើកទី ១ នៅឯ Menin Gate ក្រុង Ypres ។</p>
<p>គួរបញ្ជាក់ថា ក្រុង Ypres មានទីតាំងកៀកទៅនឹងសមរភូមិ Western Front ដែលជាទីកន្លែង បាន សម្លាប់អាយុជីវិត រាប់ពាន់នាក់ ខណៈជាច្រកទ្វារមួយ មានសេចក្តីរាយការណ៍ អោយដឹងថា មនុស្ស ច្រើនជាង ៥៤,០០០ នាក់ បានបាត់ខ្លួន ។ នៅក្នុងពិធីរំលឹកខួប ១០០ ឆ្នាំ បណ្តាមេដឹកនាំបានធ្វើការ ស្មឹងស្មាត និង ឧទ្ទិសដល់ជនរងគ្រោះ ក្នុងអំឡុងសម័យសង្គ្រាម ខណៈមានពាក្យស្លោកនៅលើស្តូប អោយដឹងថា "សន្តិភាព" ។</p>
<p><a class="thickbox" title="" href="/FileManager/Commons/2014/6/27/11-27-06-2014--09-20-45.jpg"><img src="/FileManager/Articles/mce/2014/6/27/11-27-06-2014--09-20-45.jpg" alt="" /></a></p>
<p>បន្ថែមពីលើនេះ លោក Herman van Rompuy បេក្ខភាព ប្រធានក្រុមប្រឹក្សា អឹរ៉ុប បានអាននូវកំនាព្យ The Fallen ដែលត្រូវបានគេបោះពុម្ពផ្សាយ ជាលើកដំបូង ក្នុងឆ្នាំ ១៩១៤ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី</p>