<p><span style="color: #000000;"><strong>ភ្នំពេញ៖</strong> តារាសម្តែងខ្ពស់ស្រលះ សម្បូរស្នាមញញឹម លោក ចន អេឡិច ហ្សូរ៉ា ត្រូវបានមហាជន ស្គាល់ស្ទើរគ្រប់គ្នាថា លោកគឺជាតារា ប្រុស របស់ខ្មែរ មួយដួង ដែលពោរពេញទៅដោយទេព្យកោសល្យ និងមន្តស្នេហ៍ទាក់ទាញ ការចាប់អារម្មណ៍ ពីសំណាក់ទស្សនិកជន អ្នកគាំទ្រគ្រប់វ័យ ពិសេសនារីៗសម័យថ្មី មានទាំងជនជាតិបរទេសផងដែរ។</span></p>
<p><span style="color: #000000;">ទន្ទឹមគ្នានេះ លោក អេឡិច ហ្សូរ៉ា ក៏ត្រូវបានគេដឹងដែរថា ជាតារាដែលតែងជួប ជំពប់នូវរឿងរ៉ាវអាស្រូវស្នេហា មិនចេះចប់ ព្រោះតែការផ្លាស់ប្តូរ ដៃគូស្នេហាជាបន្តបន្ទាប់ ពោលបើគិតមកដល់ពេលនេះ គឺលោកបានប្តូរដៃគូរហូតដល់៣ទៅហើយ ដោយបូករួមទាំងនារីបរទេសចុងក្រោយនោះ។</span><br /><span style="color: #000000;">តាមប្រភពពីអ្នករស់ នៅក្បែរនិងជិតដិតបំផុត ជាមួយតារាប្រុសញញឹម ប្រជាប្រិយលោក អេឡិច ហ្សូរ៉ា បានបង្ហើបថា ទំនាក់ទំនងស្នេហា រវាងនារីជនជាតិបរទេស និងតារាសម្តែង លោក អេឡិច ហ្សូរ៉ា ដែលគេដឹងថាសង្សាទី៣របស់ លោកនោះ កំពុងតែបែកប្រេះឆា ឈានដល់ដំណាក់ កាលចែកផ្លូវគ្នាដើររៀងៗខ្លួន ។</span></p>
<p><span style="color: #000000;">ប្រភពបានបញ្ជាក់ថា ភាពផ្អែមល្ហែម ដែលពួកគេទាំងពីរធ្លាប់ មានពីមុនៗមកនោះ បច្ចុប្បន្នបានប្រែក្លាយ ទៅជារឿងធម្មតាវិញហើយ ព្រោះតែការអស់និស្ស័យ និងភាពនឿយណាយ ពីចំណងស្នេហ៍បែរទៅជាមិត្តភាព រាប់អានគ្នា លក្ខណៈធម្មតា។ ម្យ៉ាងទៀត រាល់ការដើរកំសាន្ត ឬចូលរួមកម្មវិធី គេសង្កេតឃើញថា លោក អេឡិច ហ្សូរ៉ា ពុំដែលបណ្តើរនារីសង្សាបរទេសម្នាក់នេះ ទៅជាមួយគ្នា ដូចពេលមុនៗនោះឡើយ។</span></p>
<p><span style="color: #000000;">ប្រាប់គេហទំព័រ LookingTODAY កាលពីរសៀល ថ្ងៃទី២៨ ខែមករា ឆ្នាំ២០១៥ តារាសម្តែងប្រជាប្រិយភាព លោក អេឡិច ហ្សូរ៉ា បាននិយាយថា ចំណងមិត្តស្នេហា រវាងលោកនិងនារីសង្សា ជនជាតិបរទេសម្នាក់នេះ គឺនៅតែធម្មតាដូចមុនអ៊ីចឹង គឺគ្រាន់តែមួយរយៈនេះ អ្នកទាំងពីរមានការងាររវល់រៀងៗខ្លួន ដូច្នេះពុំសូវមានពេលច្រើន ក្នុងការជួបគ្នា ឬ ដើរកំសាន្តស្និទ្ធស្នាល ដូចមុននោះ។</span></p>
<p><span style="color: #000000;">លោក អេឡិច ហ្សូរ៉ា បាននិយាយបន្តទៀតថា "ខ្ញុំមិនដែលមានបញ្ហា អ្វីជាមួយគ្នាផង ! ហេតុអី ត្រូវប្រេះឆាស្នេហានោះ? (សើច)ពីមុនម៉េច ឥឡូវគឺនៅអ៊ីចឹង..! ហើយការដែលពួកយើង ហាក់នៅ ឆ្ងាយពីគ្នា ក្នុងរយៈពេលចុងក្រោយនេះ ព្រោះតែយើងរវល់ការងារ ទាំងសងខាង ទើបរកពេលជួបគ្នា មិនបានច្រើន.."។</span></p>
<p><span style="color: #000000;">យ៉ាងណាមិញ លោក អេឡិច ហ្សូរ៉ា បានបញ្ជាក់ថា មិត្តភាពស្នេហារបស់លោក និងនារីសង្សា ជនជាតិបរទេស គឺនៅតែរក្សាភាពស្និទ្ធស្នាលដូចមុខ គឺពុំមានការបែកបាក់ ឬមួយប្រះឆាស្នេហ៍នោះឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/2/70-02-02-2015--14-26-42.jpg"><img src="/FileManager/Articles/mce/2015/2/2/70-02-02-2015--14-26-42.jpg" alt="" /></a></span></p>
<p><a class="thickbox" title="" href="/FileManager/Commons/2015/2/2/71-02-02-2015--14-26-49.jpg"><img src="/FileManager/Articles/mce/2015/2/2/71-02-02-2015--14-26-49.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/2/2/70-02-02-2015--14-26-42.jpg"></a></span></p>
<p><a class="thickbox" title="" href="/FileManager/Commons/2015/2/2/72-02-02-2015--14-26-57.jpg"><img src="/FileManager/Articles/mce/2015/2/2/72-02-02-2015--14-26-57.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>