<div class="article-content">
<p><strong>ភ្នំពេញ ៖</strong> ផ្ទះរបស់លោក មុំ សារ៉េត ជា មន្ដ្រីអាកាសចរណ៍ស៊ីវិល ស្ថិតនៅផ្ទះលេខ ៥៣ ផ្លូវ<br />លេខ ១៩៧៤ ក្នុងសង្កាត់ភ្នំពេញថ្មី ខណ្ឌសែនសុខ ត្រូវបានចោរចូលគាស់ដោយ កាត់ចមរឹង<br />ទ្វារបង្អួច វាយទូយកលុយអស់ចំនួន ៥០០០ដុល្លារ និងគ្រឿងអលង្កាជាច្រើន រួមមាន ចិញ្ចៀន<br /> ខ្សែក និងខ្សែដៃ ជាដើម កាលពីវេលាម៉ោង ១០ព្រឹក ថ្ងៃទី ០៩ ខែកក្កដា ឆ្នាំ ២០១៣ នេះ ។</p>
<p>កូនស្រីម្ចាស់ផ្ទះបាននិយាយថា នៅវេលា ម៉ោងកើតហេតុខាងលើស្រាប់តែ មានការភ្ញាក់ផ្អើល<br /> ក្រោយពីប្រទះឃើញ របស់របរ និងឥវ៉ាន់នៅក្នុងបន្ទប់ដេករបស់ ខ្លួនរប៉ាត់រប៉ាយ ហើយពេល<br />ចូលទៅមើលទូ ក៏ឃើញរបើកទ្វារ នាំឱ្យមានការសង្ស័យ លុះពេលស្វែងរកលុយ និងគ្រឿង<br />អលង្កា មិនឃើញ ទើបដឹងថា ជាករណីគាស់ផ្ទះពិត ប្រាកដ នាំឱ្យបាត់បង់ប្រាក់ ៥០០០ដុល្លារ<br /> និងគ្រឿងអលង្កាជាច្រើន ។</p>
<p>កូនស្រីម្ចាស់ផ្ទះរូបនេះ បានបញ្ជាក់ទៀតថា ក្រុមចោរទំនងជាចូលតាមដីឡូត៍ នៅក្បែរផ្ទះរបស់<br />ខ្លួន ហើយឡើងតាម បង្អួច កាត់ចមរឹងបង្អួចចូលទៅក្នុងបន្ទប់ វាយទូយកទ្រព្យសម្បត្ដិទាំងនេះ។<br /> ក្រោយ កើតហេតុភ្លាមៗ គេសង្កេតឃើញវត្ដមាន អភិបាលខណ្ឌសែនសុខ លោក លី សាវេត <br />និងអភិបាលរងខណ្ឌ លោក ម៉ូវ ម៉ានិត និង មន្ដ្រីសាលាខណ្ឌមួយចំនួនទៀត ខណៈដែល វត្ដ-<br />មានសមត្ថកិច្ចមិនទាន់ទៅដល់ ។</p>
<p>តាមការពិនិត្យជាក់ស្ដែង លោក អភិបាល ខណ្ឌ លី សាវេត មានការខឹង សម្បារយ៉ាងខ្លាំង <br />ចំពោះករណីចោរគាស់ ផ្ទះយកទ្រព្យសម្បត្ដិ របស់ប្រជាពលរដ្ឋក្នុង មូលដ្ឋាន ដែលបញ្ហា<br />ទាំងនេះដោយសារតែ មានការខ្វះខាត ក្នុងការបំពេញភារកិច្ច របស់សមត្ថកិច្ចមូលដ្ឋាន ដូច្នេះ<br />លោកសូម អំពាវនាវ និងជំរុញបន្ថែមសមត្ថកិច្ចទាំងអស់ ត្រូវបង្កើនសន្ដិសុខជូនប្រជាពលរដ្ឋ<br />ឱ្យ ខ្លាំងមែនទែន ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0363.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0364.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0365.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0366.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0367.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0368.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0369.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>