<p><span style="color: #000000;"><strong>(ភ្នំពេញ)៖</strong> សំណុំរឿងគ្រឿងញៀន ម៉ាទឹកកកប្រមាណ៣គីឡូក្រាម និងថ្នាំប្រភេទ WY ជាង១០ម៉ឺនគ្រាប់ ដែលមានមេក្លោង និងបក្ខពួកសរុប៧នាក់ (ជនជាតិបរទេស និងខែ្មរ) នឹងត្រូវតុលាការប្រកាសសាលក្រម នៅដើមខែមីនា ឆ្នាំ២០១៧ បន្ទាប់ពីបញ្ចប់សវនាការ កាលពីល្ងាចថ្ងៃទី២ ខែកុម្ភៈ ឆ្នាំ២០១៧។</span></p>
<p><span style="color: #000000;">កាលពីល្ងាចម្សិលមិញ ចៅក្រមសាលាដំបូងរាជធានីភ្នំពេញ លោក អ៊ី ឋាវរៈ ប្រធានក្រុមប្រឹក្សាជំនុំជម្រះ បានលើកយកសំណុំរឿងជួញដូរសារធាតុញៀន ដ៏ធំមួយនេះ យកមកជំនុំជម្រះដោយមានជនជាប់ចោទ ជាជនបរទេស និងខ្មែរសរុប៧នាក់ ក្នុងនោះក៏មានឈ្មោះ ថាវ ថាវី អតីតមេក្លោងលក់គ្រឿងញៀន ដ៏ល្បីដែលនាំឲ្យអតីតប្រធានសាលាដំបូងរាជធានីភ្នំពេញ លោក អាំង មាលតី ធ្លាក់ពីតំណែងនៅក្នុងសំណុំរឿងនេះផងដែរ។</span></p>
<p><span style="color: #000000;">មន្រ្តីតុលាការបានប្រាប់ភ្នាក់ងារ Fresh News ថា ជនជាប់ចោទទាំង៦នាក់ទៀត រួមមាន៖ ទី១-ឈ្មោះ ឌី ធូរ៉ា អាយុ៣២ឆ្នាំ ទី២-ឈ្មោះ ស៊ិន រដ្ឋា អាយុ៣៧ឆ្នាំ ទី៣-ឈ្មោះ សួន សៅ អាយុ៤៥ឆ្នាំ ទី៤-ឈ្មោះ យ៉ាំង លាង អាយុ៣៧ឆ្នាំ ជនជាតិវៀតណាម ទី៥-ឈ្មោះ SERGIO BANTO អាយុ៤១ឆ្នាំ ជនជាតិនីហ្សេរីយ៉ា និងទី៦-ឈ្មោះ OKEKEAMAE CHISEMUEL អាយុ៣៧ឆ្នាំ ជនជាតិនីហ្សេរីយ៉ា។</span></p>
<p><span style="color: #000000;">ប៉ុន្តែអ្វីដែលធ្វើឲ្យមានចាប់អារម្មណ៍នោះ នៅក្នុងសវនាការ តុលាការបានបង្ហាញលិខិតមួយចំនួន ពីសមត្ថកិច្ចដែលស្នើឲ្យបញ្ឈប់ដីកាចាប់ខ្លួនឈ្មោះ ថាវ ថាវី ព្រោះអះអាងថាឈ្មោះនេះ ជាភ្នាក់ងាររបស់សមត្ថកិច្ច ក្នុងការស្រាវជ្រាវបទល្មើសគ្រឿងញៀនទៅវិញ។</span></p>
<p><span style="color: #000000;">តំណាងអយ្យការ លោក គុច គឹមឡុង បានសន្និដ្ឋាន និងសូមឲ្យតុលាការផ្តល់ស្ថានសំរាល ដល់បរុសខ្មែរ៣នាក់នេះ ដែលបានសហការ ជាមួយសមត្ថកិច្ច និងតុលាការ។ ចំណែកបុរស នីហ្សេរីយ៉ាពីរនាក់ និងវៀតណាមម្នាក់ សូមឲ្យតុលាការផ្តន្ទាទោសតាមផ្លូវច្បាប់។</span></p>
<p><span style="color: #000000;">ទោះជាយ៉ាងណា លោកចៅក្រម អ៊ី ឋាវរៈ បានសម្រេចលើកពេលប្រកាសសាលក្រម នៅព្រឹកថ្ងៃទី២ ខែមិនា ឆ្នាំ២០១៧ខាងមុខនេះ៕</span></p>
<p><span style="color: #000000;"><img src="http://image.freshnewsasia.com/2017/fn-2017-02-03-14-19-29-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-03-14-19-35-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-03-14-19-35-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>