<div>
<p><span style="color: #000000;"><strong>(ភ្នំពេញ)៖</strong> នៅព្រឹកថ្ងៃទី២៩ ខែកុម្ភៈ ឆ្នាំ២០១៦ អនុប្រធានសាលាឧទ្ធរណ៍ លោក ប្លង់ សំណាង បានសម្រេចកែប្រែបទ ចោទប្រកាន់ និងសម្រេចផ្តន្ទាទោស អតីតតារាចម្រៀង អ៊ូ រស្មី ច្រៀងប្រចាំផលិតកម្ម ឆ្លងដែន និងរៃមាស ដាក់ពន្ធនាគារ៥ឆ្នាំ និងពិន័យ១០លានរៀល ពីបទអូសទាញពេស្យាចារកុមារ ។</span></p>
<p><span style="color: #000000;">លោកចៅក្រម ប្លង់ សំណាង ថ្លែងក្នុងសវនាការ ថា មានភស្តុតាងគ្រប់គ្រាន់ទៅលើជនជាប់ចោទឈ្មោះ អូ រស្មី ពីបទអូសទាញពេស្យាចារកុមារ តាមបញ្ញត្តិមាត្រា៣៥ ច្បាប់ ស្ដីពីការបង្ក្រាបអំពើ ជួញដូរមនុស្ស និងអំពើធ្វើអាជីវកម្មផ្លូវភេទ។</span></p>
<p><span style="color: #000000;">នាពេលសវនាការកន្លងទៅ ជនរងគ្រោះអាយុ១៤ឆ្នាំ បានឆ្លើយទទួលស្គាល់ថា ការរួមភេទជាមួយតាតា គឺកើតចេញពីការស្ម័គ្រចិត្ត ព្រោះជនរងគ្រោះចង់ក្លាយជាតារា ពោលគឺគ្មានការបង្ខិតបង្ខំនោះទេ។</span></p>
<p><span style="color: #000000;">តារាចម្រៀង អូ រស្មី អាយុ៣៦ឆ្នាំ ស្នាក់នៅក្នុងបុរីពិភពថ្មី សង្កាត់ចោមចៅ ខណ្ឌ ពោធិ៍សែនជ័យ បានត្រូវសមត្ថកិច្ច នគរបាលការិយាល័យប្រឆាំង ការជួញដូរ មនុស្ស និងការពារ អនីតិជន រាជធានីភ្នំពេញ ឃាត់ខ្លួន កាលពីរសៀលថ្ងៃទី១៨ ខែមករា ឆ្នាំ ២០១៤ យោងតាមពាក្យបណ្តឹង របស់ម្តាយ ក្មេងស្រី រងគ្រោះអាយុ១៤ឆ្នាំ៕</span></p>
<p style="text-align: center;"><span style="color: #000000;"><img src="https://fbcdn-photos-d-a.akamaihd.net/hphotos-ak-xfl1/v/t1.0-0/p480x480/12743653_1562030844111281_4139071590853535709_n.jpg?oh=e1f6c442ca6856ceec370d4c2b45d024&oe=5765514E&__gda__=1466383013_97c79d0b41a6ae6b1e73130610fb979a" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12742294_1562030840777948_2046754759989364947_n.jpg?oh=1e62bc12cb3a77594a7807efb21ea56d&oe=576643CA" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>