<p><span style="color: #000000;"><strong>(វ៉ាស៊ីនតោន)៖</strong> ប្រធានាធិបតីសហរដ្ឋអាមេរិក លោកបារ៉ាក់ អូបាម៉ា បានចុះហត្ថលេខាក្នុងការឲ្យអនុវត្តន៍ទណ្ឌកម្មថ្មី បន្ថែមទៀតលើប្រទេសកូរ៉េខាងជើង ជាការឆ្លើយតប ដែលរបបដឹកនាំរដ្ឋកុម្មុយនិស្តមួយនេះ បាញ់សាកល្បង គ្រាប់បែកអ៊ីដ្រូសែន និងបាញ់បង្ហោះផ្កាយរណប ដោយប្រើប្រាស់គ្រាប់រ៉ុក្កែត ដែលជាការរំលោភលើដំណោះស្រាយរបស់អន្តរជាតិ។ នេះបើតាមការផ្សាយរបស់សារព័ត៌មាន ប៊ីប៊ីស៊ី នៅថ្ងៃសុក្រ ទី១៩ ខែកុម្ភៈ ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/2/19/50-19-02-2016--10-32-15.jpg"><img src="/FileManager/Articles/mce/2016/2/19/50-19-02-2016--10-32-15.jpg" alt="" /></a><br /></span></p>
<p><span style="color: #000000;">ចំពោះទណ្ឌកម្មដែលត្រូវបានអនុម័តងាយៗ ដោយសភាអាមេរិកនោះ គឺ ហិរញ្ញវត្ថុទាំងអស់ ដែលជាប់ពាក់ព័ន្ធនឹងកូរ៉េខាងជើង ត្រូវតែកាត់ផ្តាច់ ដើម្បីរារាំងប្រទេសនេះមិនឲ្យមានលទ្ធភាព ក្នុងការអភិវឌ្ឍក្បាលគ្រាប់នុយក្លេអ៊ែរ និងគ្រាប់មីស៊ីលរយៈចម្ងាយឆ្ងាយបន្តទៀត។</span></p>
<p><span style="color: #000000;"><a class="thickbox" title="" href="/FileManager/Commons/2016/2/19/50a-19-02-2016--10-32-30.jpg"><img src="/FileManager/Articles/mce/2016/2/19/50a-19-02-2016--10-32-30.jpg" alt="" /></a><br /></span></p>
<p><span style="color: #000000;">ដោយឡែកសម្រាប់ទណ្ឌកម្មជាលក្ខណៈអន្តរជាតិវិញ គឺសហរដ្ឋអាមេរិក និងប្រទេសចិន កំពុងតែចរចាគ្នា នៅក្នុងក្រុមប្រឹក្សាសន្តិសុខនៃអង្គការសហប្រជាជាតិនៅឡើយ។ ប្រទេសចិន មិនបានបង្ហាញការយល់ស្របចំពោះទណ្ឌកម្មមួយចំនួន ដែលនឹងធ្វើឲ្យសេដ្ឋកិច្ចកូរ៉េខាងជើង ដួលរលំនោះឡើយ។ ប៉ុន្តែសម្រាប់ជំនួយមនុស្សធម៌ ៥០លានដុល្លារអាមេរិក នៅតែអនុញ្ញាត ឲ្យធ្វើតាមផែនការ ដែលតម្រូវឲ្យមានការផ្សព្វផ្សាយជាសាធារណៈ៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/19/50b-19-02-2016--10-32-42.jpg"><img src="/FileManager/Articles/mce/2016/2/19/50b-19-02-2016--10-32-42.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>