<p><span style="color: #000000;"><strong>ភ្នំពេញៈ</strong> បន្ទាប់ពីមានបណ្តាញ សារព័ត៌មានក្នុងស្រុកមួយ បានធ្វើការ ចុះផ្សាយអត្ថបទមួយ មានចំណងជើងថា «ចា រិទ្ធី និង ខាត់ សុឃីម បន្ទោសគ្នារឿងកូន» មិនទាន់បានមួយថ្ងៃស្រួលបួលផង តារាចម្រៀង ពហុជំនាញ អ្នកនាង ខាត់ សុឃីម ក៏បានប្រញាប់ប្រញាល់ ចេញមុខប្រតិកម្មយ៉ាងដាច់ខាត ថាកូនប្រុសរបស់នាង មានឪពុកផ្តល់ភាពកក់ក្តៅហើយ ក៏មិនចាំបាច់ជីកកកាយ រឿងចាស់ មកនិយាយទៀតដែរ គ្រប់យ៉ាងវាបានបញ្ចប់ទៅ ហើយនាងក៏សុំចិត្តអ្នកសារព័ត៌មាន ឈប់ចុះផ្សាយរឿងនេះទៀត។</span></p>
<p><span style="color: #000000;">នៅក្នុងឃ្លីបវីដេអូ ដែលមានរយៈពេលប្រមាណ២៖១២នាទី ដែលតារាចម្រៀង និងកំប្លែង អ្នកនាង ខាត់ សុឃីម ថតបង្ហោះពី ស្រុកកំណើតមកបានរៀបរាប់ ឲ្យដឹងពីអារម្មណ៍ផ្ទាល់ខ្លួនរបស់នាងថា នាងមិនសប្បាយចិត្តទេ ដែលឃើញព័ត៌មានចុះផ្សាយ បើកកកាយពីជីវិតផ្ទាល់ខ្លួន របស់នាងបែបនេះ នាងគ្មានអាថ៌កំបាំងទេ ហើយនាងក៏ចង់ប្រាប់ថា រឿងនោះ វាបានបញ្ចប់គ្រប់យ៉ាងជាច្រើនឆ្នាំមកហើយ គ្មានអ្វីត្រូវលាតត្រដាង ឬគាស់កកាយវាមកវិញទេ ។</span></p>
<p><span style="color: #000000;">តារាចម្រៀង ដែលមានទេពកោសល្យ ទាំងចម្រៀងបុរាណ និងសម័យរូបនេះ បានប្រាប់ទៀតថា «ខ្ញុំដឹងថាការសរសេរព័ត៌មាន ខ្ញុំបែបនេះ ប្រាកដជាមានទស្សនិកជន ចាប់អារម្មណ៍ច្រើន ដើម្បីប្រយោជន៍របស់អ្នក តែខ្ញុំក៏មិនសុខចិត្ត ឲ្យអ្នកយកជីវិត គ្រួសារខ្ញុំទៅធ្វើបែបនោះទេ ខ្ញុំមិនព្រម ឲ្យគេបំផ្លាញជីវិត មានក្តីសុខសុភមង្គល ក្នុងគ្រួសារខ្ញុំទេ ខ្ញុំសូមចិត្តអ្នកសារព័ត៌មានទាំងអស់ បញ្ឈប់ការសរសេរព័ត៌មាន បែបនោះទៀតទៅ ខ្ញុំសុំរឿងនេះមួយ…» ។</span></p>
<p><span style="color: #000000;">នៅក្នុងឃ្លីបវីដេអូនោះ តារាចម្រៀង និងជាម្ចាស់សំអាងការល្បីឈ្មោះរូបនេះ បានសង្កត់ធ្ងន់ច្បាស់ៗថា «កូនខ្ញុំស្កាយល្អ គេមានឪពុកដ៏ល្អគេ ប្តីខ្ញុំ អ៊ិន សុបញ្ញា ដែលគាត់មានតួនាទីសំខាន់ ការពារខ្ញុំ និងកូនៗរបស់ខ្ញុំ…»៕</span></p>
<p><a class="thickbox" title="" href="/FileManager/Commons/2015/8/22/31-22-08-2015--09-56-15.jpg"><img src="/FileManager/Articles/mce/2015/8/22/31-22-08-2015--09-56-15.jpg" alt="" /></a></p>
<p><a class="thickbox" title="" href="/FileManager/Commons/2015/8/22/32-22-08-2015--09-56-24.jpg"><img src="/FileManager/Articles/mce/2015/8/22/32-22-08-2015--09-56-24.jpg" alt="" /></a></p>
<p><a class="thickbox" title="" href="/FileManager/Commons/2015/8/22/33-22-08-2015--09-56-35.jpg"><img src="/FileManager/Articles/mce/2015/8/22/33-22-08-2015--09-56-35.jpg" alt="" /></a></p>
<p><object width="494" height="423" data="http://www.youtube.com/v/C6KWgYMtmII&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/C6KWgYMtmII&rel=1" /></object><a class="thickbox" title="" href="/FileManager/Commons/2015/8/22/33-22-08-2015--09-56-35.jpg"></a><a class="thickbox" title="" href="/FileManager/Commons/2015/8/22/32-22-08-2015--09-56-24.jpg"></a><a class="thickbox" title="" href="/FileManager/Commons/2015/8/22/31-22-08-2015--09-56-15.jpg"></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>