<p><span style="color: #000000;"><strong>(ភ្នំពេញ)៖</strong> តារាសម្តែង និងកំប្លែងជើងចាស់ ដែលកំពុងមានជំងឺស្ពាយជាប់ខ្លួន រស់នៅដោយកំសត់ តែលតោលម្នាក់ឯង លោកយាយ ណយ សំណាង កាលពីថ្ងៃទី០៥ ខែកញ្ញា ឆ្នាំ២០១៦ម្សិលមិញនេះ ស្រាប់អាការៈជំងឺបេះដូង បានផ្តើមធ្វើទុក្ខជាថ្មី ខណៈកំពុងតថសម្តែងខ្សែភាពយន្ត បង្កការភ្ញាក់ផ្អើល ដល់តារាសម្តែងផ្សេងៗទៀត នាំគ្នារត់ខ្វែងដៃខ្វែងជើង ដើម្បីជួយសង្គ្រោះគាត់យកទៅកាន់មន្ទីរពេទ្យ។</span></p>
<p><span style="color: #000000;">តាមការបញ្ជាក់ នៅលើបណ្តាញសង្គមហ្វេសប៊ុក របស់តារាសម្តែងប្រុសល្បីឈ្មោះ និងលេចធ្លោលើសកម្មភាពមនុស្សធម៌ លោក សាវិន ហ្វីលីព បានបញ្ជាក់ថា «ម្សិលមិញជួយយាយ ណាង ពេលបេះដូងគាត់ធ្វើទុក្ខខ្លាំង ថប់ដង្ហើមបាត់មាត់ បាត់ក ពេលកំពុងថត ជាមួយខ្ញុំ។ អាណិតគាត់ណាស់ ម៉ែយើងម៉ែគេ គាត់អាយុ៧៣ឆ្នាំហើយ នៅមកខំថត ដើម្បីកម្រៃចិញ្ចឹមជីវិតចុងក្រោយទៀត!»។</span></p>
<p><span style="color: #000000;">តារាសម្តែងលោក សាវិន ហ្វីលីព បានបន្ថែមថា «ជូនពរឲ្យម៉ែ ណយ សំណាង ឆាប់ជា និងមានអាយុយឺនយូរ។ សូមសមាគមសិល្បៈ និងសប្បុរសជនក្នុងនិងក្រៅប្រទេស មេត្តាជួយបរិច្ចាគថវិកាខ្លះៗ ជួយដល់គាត់យកបុណ្យផង សុខភាពគាត់យ៉ាប់ខ្លាំងណាស់ បើលោកអ្នកបានឃើញញផ្ទាល់ភ្នែក ដូចខ្ញុំ!»។</span></p>
<p><span style="color: #000000;">សូមបញ្ជាក់ថា តារាពហុជំនាញ លោកយាយ ណយ សំណាង បច្ចុប្បន្ននៅក្នុងខ្លួនគាត់ គឺកំពុងពោពេញការញាំញី ដោយជំងឺជាច្រើនមុខ ដូចជា៖ លើសឈាម ខ្វះជាតិស្ករ ខ្សោយបេះដូង ហើយមិនតែប៉ុណ្ណោះ យាយ ណាង នៅប្រឹងសម្តែងទាំងដង្ហើម ត្រដរខ្យល់ ព្រោះដើម្បីជីវិតរស់ចុងក្រោយ។ ខ្សែជីវិតរបស់យាយ ណយ សំណាង ពេលនេះត្រូវបានគេកត់សម្គាល់ថា កាន់តែកម្សត់ជីវភាព រស់នៅប្រចាំថ្ងៃ ក៏កាន់តែធ្លាក់ដុនដាប់ វេចបង្វេចដើរជួលតែផ្ទះគេ ជ្រកកោនហើយរហូតធ្លាក់ខ្លួន ទៅរស់នៅវត្តទៀតផង។</span></p>
<p><span style="color: #000000;">នេះដូចពាក្យគេថា សំណាងតែឈ្មោះ ពីរោះទាំងសំឡេង និងមានសមត្ថភាព កំប្លែង ច្រៀងអាយ៉ៃ មហោរី និងថែមទាំងមានងារពីប្រជាប្រិយភាព លើវិថីសិល្បៈតារាជើងចាស់ ពហុជំនាញទៀត តែវាសនាចារមិនដូចឈ្មោះនោះឡើយ ពិតជាអាណិតលោកយាយណាស់៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14224776_10202387365400805_4376510555260816271_n.jpg?oh=332468a8ec90cc7240f53c9bbb104d3b&oe=587EB446" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpf1/v/t1.0-9/14212804_10202387364880792_1969161458029303481_n.jpg?oh=7906f64bcd9fc5fddddbfb7e2ab13d0c&oe=588086F4&__gda__=1481074827_3d26ac16a8d42a7f2ceda127c8bd0829" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14212170_10202387369080897_8624134561651700624_n.jpg?oh=6074c2d7ced2c521ff48da4931a50969&oe=587D262E" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/l/t1.0-9/14232464_10202387372480982_1641954720223330327_n.jpg?oh=7c2c32c0ffcd251862da2ba133125cf3&oe=5879A013" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>