<p><span style="color: #000000;"><strong>បន្ទាយមានជ័យ ៖</strong> កម្លាំងកងរាជអាវុធហត្ថ ស្រុកអូរជ្រៅ ជាច្រើនាក់ បានតាមប្រមាញ់ ជនសង្ស័យម្នាក់ បានធ្វើ សកម្មភាព បង្ខំរំលោភសេពសន្ថវៈ បានសម្រេច ប៉ុន្តែមិនអាច រត់គេចពី សំណាញ់ច្បាប់មិនបាន ពោលត្រូវកម្លាំង អ.ហ ឃាត់ខ្លួននៅវេលាម៉ោង៩ និង៣០នាទី ព្រឹកថ្ងៃទី៣០ ខែមីនា ឆ្នាំ ២០១៥ ត្រង់ចំណុចយាងថ្មី ឃុំកូប ស្រុកអូរជ្រៅ ខេត្តបន្ទាយមានជ័យ។</span></p>
<p><span style="color: #000000;">លោកឧត្តមសេនីយ៍ត្រី ឱ បូរិន្ទ មេបញ្ជាការ អ.ហ ខេត្ត បានថ្លែងឲ្យដឹងនៅល្ងាចថ្ងៃនេះថា ក្រោយពីបានទទួលពាក្យ បណ្តឹងថា មានករណី រំលោភសេពសន្ថវៈ នៅលើផ្ទះនារីរងគ្រោះ លោកក៏បានបញ្ជាឲ្យ លោក ជា ពិសី មេបញ្ជាការ អ.ហ ស្រុកអូរជ្រៅ ធ្វើការតាមដាន និងស្រាវជ្រាវរកជនល្មើស រហូត ឈានមកការឃាត់ខ្លួន ជនសង្ស័យ បានសម្រេចតែម្តង។</span></p>
<p><span style="color: #000000;">លោកមេបញ្ជាការបានបន្តថា បើតាមការឆ្លើយសារភាព របស់ជនល្មើសថា ខ្លួនពិតជាបានធ្វើសកម្មភាព ចាប់រំលោភលើ នារីរងគ្រោះ មាន ឈ្មោះ ខ.ល អាយុ២២ឆ្នាំ រស់នៅ ភូមិខាងលើខាងនេះ ខណះពេលឪពុកម្តាយនាងមិននៅផ្ទះ រវល់តែ ធ្វើចំការ ឯស្រុកសំពៅលូន ដោយបានប្រើល្បិចថា ឪពុកម្តាយ ខលទូរស័ព្ទមកលេង ភ្លាមនោះ នារីរងគ្រោះក៏បានបើក ទ្វារផ្ទះ ភ្លាមនោះខ្លួន (ជនល្មើស) បានធ្វើសកម្មភាព ចាប់បង្ខំរំលោភតែម្តង រហូតបានសម្រេច ។</span></p>
<p><span style="color: #000000;">ហេតុការណ៍ រំលោភសេពសន្ថវៈនេះ នៅវេលាម៉ោង ប្រមាណជា២០យប់ កាលពីថ្ងៃទី២៥ ខែមីនា ឆ្នាំ២០១៥ កន្លងមកនេះ ។</span></p>
<p><span style="color: #000000;">លោកមេបញ្ជាការបន្ថែមថា ជនល្មើសមានឈ្មោះ ម៉ាន ហ៊ន អាយុ៣៨ឆ្នាំ រស់ភូមិកើត ហេតុខាងលើនេះ ។ បច្ចុប្បន្នសមត្ថកិច្ច បានសាងសំណំរឿងជនល្មើស និងតាមការឆ្លើយសារភាព បញ្ជូនទៅសាលាដំបូង ខេត្តបន្ទាយមានជ័យ ដើម្បីចាត់ការតាមនិតិវិធីច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/31/3-31-2015-8-48-04-am-31-03-2015--08-56-55.png"><img src="/FileManager/Articles/mce/2015/3/31/3-31-2015-8-48-04-am-31-03-2015--08-56-55.png" alt="" /></a></span></p>
<p><a class="thickbox" title="" href="/FileManager/Commons/2015/3/31/3-31-2015-8-48-23-am-31-03-2015--08-57-08.png"><img src="/FileManager/Articles/mce/2015/3/31/3-31-2015-8-48-23-am-31-03-2015--08-57-08.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>