<p>ព័ត៌មានអន្តរជាតិ ៖ ទីភ្នាក់ងារសារព័ត៌មានបរទេស CNN កាលពីប៉ុន្មានម៉ោងមុននេះ បាន<br />ចេញផ្សាយអោយដឹងថា នៅឯប្រទេសឥណ្ឌូនេស៊ីឯណោះវិញ យ៉ាងហោចណាស់មនុស្ស<br />១៧ នាក់បានស្លាប់បាត់បង់ជីវិត នៅក្នុងឧបទ្ទេវហេតុរត់ជាន់គ្នា បន្ទាប់ពីកើតមានជាអំពើ<br />ហឹង្សា កើតជាជម្លោះរវាងអ្នកគាំទ្របេក្ខជនឈ្នះការប្រកួតប្រដាល់ និងអ្នកគាំទ្របេក្ខជន<br />ចាញ់ការប្រកួតប្រដាល់មួយរបស់ប្រទេសនេះ។</p>
<p>គួរបញ្ជាក់ផងដែរថា ករណីរត់ជាន់គ្នា ដែលបានសម្លាប់ជីវិតមនុស្សលើកនេះ បានកើត<br />ឡើងកាលពីរាត្រីថ្ងៃអាទិត្យយប់មិញនេះ បន្ទាប់ពីបណ្តាអ្នកគាំទ្របេក្ខជនឈ្នះការប្រកួត<br />និយាយផាឌឺដង ដល់បណ្តាអ្នកគាំទ្របេក្ខជនចាញ់ការប្រកួតប្រដាល់ រហូតបង្កើតបាន<br />ជាជម្លោះវាយតប់គ្នា គប់កៅអី និងរត់ជាន់គ្នាជាដើម។</p>
<p><a class="thickbox" title="" href="http://camnews.com.kh/FileManager/Commons/2013/7/15/photo1373859166380-3-hd-15-07-2013--16-11-10.jpg"><img src="http://camnews.com.kh/FileManager/Articles/mce/2013/7/15/photo1373859166380-3-hd-15-07-2013--16-11-10.jpg" alt="" width="433" height="242" /></a></p>
<p>យ៉ាងណាមិញ បើយោងតាមសម្តីមន្រ្តីប៉ូលីស លោក Gede Sumerta បានគូសបញ្ជាក់<br />អោយដឹងថា អ្នកសង្កេតការក៏បានព្យាយាមបំបែកក្រុមជម្លោះទាំងពីរ ចេញពីគ្នាផងដែរ <br />នារាត្រីនោះ។</p>
<p>លើសពីនេះ បើយោងតាមសម្តីប្រធានសមាគមប្រដាល់ Nabire Amateur (Nabire Amat-<br />eur Boxing Association) លោក Hendrik Andoi អោយដឹងថា កាលពីរាត្រីថ្ងៃអាទិត្យយប់<br />មិញនេះ វាគឺជារាត្រីចុងក្រោយ ក្នុងការប្រកួតវគ្គផ្តាច់ព្រ័ត្រ បន្ទាប់ពីមានការប្រកួតចម្រុះ<br />ទូទាំងតំបន់ ។ ជាការពិត កន្លែងអង្គុយមានសម្រាប់តែមនុស្ស ១ ពាន់នាក់នោះទេ តែ<br />ដោយសារតែការលក់សំបុត្រលើស មនុស្ស១,៥០០ នាក់បានប្រមូលផ្តុំនៅក្នុងនោះ (are-<br />na) ។</p>
<p>ភ្លាមៗនោះ កាលដែលបានកើតមានឡើង នូវអំពើហឹង្សាវាយតប់គ្នាហើយនោះ ក្រុម<br />មនុស្ស ដែលជាអ្នកទស្សនារាប់ពាន់នាក់នេះ ក៏បានផ្អើលរត់ចេញក្រៅ ដែលជាហេតុធ្វើ<br />អោយកើតមានឡើងនូវសោកនាដកម្មរត់ជាន់គ្នាតែម្តង៕</p>
<p style="text-align: right;">ដោយ ៖ រិទ្ធី<br />ប្រភព ៖ CNN</p>