<p><span style="color: #000000;"><strong>(ភ្នំពេញ)៖</strong> បុរសជាកូនមិនដើរតាមគន្លងធម៌ចិត្តខ្មៅម្នាក់ បានសងគុណអ្នកម្តាយរបស់ខ្លួន ដោយប្រើហិង្សា វាយម្ដាយខ្លួនឯងទាល់តែសន្លប់ ព្រមទាំងវាយបំផ្លិចបំផ្លាញទ្រព្យសម្បត្តិផ្សេងៗ នៅក្នុងផ្ទះយ៉ាងច្រើនទៀតផង ប៉ុន្តែលទ្ធផលត្រូវជាប់ខ្នោះរបស់នគរបាលខណ្ឌឫស្សីកែវ នៅរសៀលថ្ងៃថ្ងៃទី ១៦ ខែ កុម្ភៈ ឆ្នាំ ២០១៦ នៅចំណុចផ្ទះលេខ២៤៨១ ផ្លូវជាតិលេខ៥ ក្រុម៣ ភូមិក សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ ។</span></p>
<p><span style="color: #000000;">លោក អ៉ីវ ឈុនភេង អធិការរងនគរបាលខណ្ឌឫស្សីកែវ បានបញ្ជាក់ថា បុរសជាកូនឈ្មោះ ឯក វ៉ាន់ដា អាយុ ៣១ឆ្នាំ ចំណែកម្តាយនិងជាជនរងគ្រោះឈ្មោះ ឈឹម សារឿន អាយុ ៦៧ឆ្នាំ ស្នាក់នៅចំណុចកើតហេតុ ខាងលើ ត្រូវរងរបួសយ៉ាងធ្ងន់ធ្ងរដោយជាំភ្នែក បែកចិញ្ចើម ហូរឈាមដេរជិត១០ថ្នេរ ។</span></p>
<p><span style="color: #000000;">ក្រុមគ្រួសារជនរងគ្រោះបានបង្ហើបថា ការបោក វាយកម្ទេចកម្ទី និងវាយបំផ្លិចបំផ្លាញ ទ្រព្យសម្បត្តិផ្សេងៗនៅក្នុងផ្ទះ ព្រមទាំងការជេរប្រមាថអ្នកផ្ទះបានក្លាយទៅជាប្រពៃណីរបស់ជនសង្ស័យរូបនេះ ទៅហើយ ។</span></p>
<p><span style="color: #000000;">សូមបញ្ជាក់ថា បុរសជាកូននិងជាជនដៃដល់បាន និងកំពុងឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីរៀបចំ កសាងសំណុំរឿងបញ្ជូនខ្លួនទៅកាន់សាលាដំបូងរាជធានីភ្នំពេញ ចាត់ការតាមច្បាប់ដោយចោទប្រកាន់ពីបទហិង្សាដោយចេតនា ៕</span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xlt1/v/t1.0-9/12744692_1558967194417646_7766347360705201533_n.jpg?oh=7783d42ed457587c74d3b3f349de698b&oe=57718EC0&__gda__=1466126564_dc6b67ec1d5b5afb6ac4df7a81896950" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlt1/v/t1.0-9/12717638_1558967187750980_6690044142989828728_n.jpg?oh=43a6586721196893bc268e7d738d9233&oe=57674AF0" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xlt1/v/t1.0-9/12744436_1558967184417647_4798699805099753046_n.jpg?oh=3bddfc702a9c57e562ad9c06afde563d&oe=5727986D&__gda__=1466535241_4b8b63e5af62d818e6148cb160438b69" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>