<p><span style="color: #000000;"><strong>(រីយ៉ូ)៖</strong> ទណ្ឌិតយ៉ាងហោចណាស់ ១៥០នាក់បានរត់គេចខ្លួនចេញពីពន្ធនាគារមួយកន្លែងនៅប្រទេសប្រេស៊ីល នាថ្ងៃអង្គារ (ពេលវេលាក្នុងទីក្រុងរីយ៉ូ) នៅក្រោយពេលការប៉ះទង្គិចគ្នាដោយអំពើហិង្សាទ្រង់ទ្រាយធំថ្មីមួយផ្សេងទៀតបានផ្ទុះឡើង។ នេះបើតាមការដកស្រង់ការផ្សាយចេញពីសារព័ត៌មាន Euro News នៅមុននេះបន្តិចនាព្រឹកថ្ងៃពុធ ទី២៥ ខែមករា ឆ្នាំ២០១៧។</span></p>
<p><span style="color: #000000;">ខែ្សវីដេអូដែលផ្តិតយករូបភាពពីលើឧទ្ធម្ភាគចក្របានបង្ហាញឲ្យឃើញថា មានផ្សែងខ្មៅអួរអាប់បានហុយចេញពីពន្ធនាគារកើតហេតុខាងលើដែលស្ថិតក្នុងក្រុង Bauru ចម្ងាយប្រមាណ ៣៥០គីឡូម៉ែត្រភាគខាងលិចទីក្រុង Sao Paulo បន្ទាប់ពីវាត្រូវបានក្រុមអ្នកទោសដុតបំផ្លាញ។ ជាមួយគ្នានេះអាជ្ញាធរប្រេស៊ីលបានឲ្យដឹងថា អ្នកទោសចំនួន៩០នាក់ដែលបានហែកគុក ត្រូវបានចាប់ខ្លួនយកមកវិញហើយ រីឯពន្ធនាគារវិញក៏វិលមកស្ថិតក្រោមការគ្រប់គ្រងជាធម្មតាវិញផងដែរ។</span></p>
<p><span style="color: #000000;">គួរបញ្ជាក់ថាការប៉ះទង្គិចគ្នាខាងលើគឺជាករណីថ្មីចុងក្រោយក្នុងចំណោមការផ្ទុះអំពើហិង្សាក្នុងពន្ធនាគារនៃប្រទេសប្រេស៊ីល ហើយគិតចាប់តាំងពីដើមឆ្នាំ២០១៧នេះមក មនុស្សចំនួនប្រហែល១៤០នាក់បានស្លាប់នៅពន្ធនាគារនានាទូទាំងប្រទេសប្រេស៊ីល៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-01-25-09-35-47-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-25-09-35-47-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-25-09-35-47-2.jpg" alt="" width="730" /></span></p>
<p><span style="color: #000000;"><br /><object width="480" height="380" data="http://www.youtube.com/v/QwAA7eBK9dw&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/QwAA7eBK9dw&rel=1" /></object></span></p>
<p><br /><a class="thickbox" title="" href="/FileManager/Commons/2017/1/25/13a-25-01-2017--11-17-04.jpg"><img src="/FileManager/Articles/mce/2017/1/25/13a-25-01-2017--11-17-04.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ប្រភព ៖ អឺរ៉ូញូវ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>