<p><span style="color: #000000;">ព័ត៌មានអន្តរជាតិ ៖ បុគ្គលិកចុះជួយការងារស្ម័គ្រចិត្ត រួមទាំងមន្រ្តីក្នុងស្រុកអះអាងអោយដឹងថាហោច ណាស់ កម្មករ យកថ្ម ៣៦ នាក់ ត្រូវបានឧក្រិដ្ឋជនសម្លាប់ ភាគខាងជើងជិតទីក្រុង Manderaប្រទេស កេនយ៉ា ។</span></p>
<p><span style="color: #000000;">បន្ថែមពីលើនេះ ប្រភពសារព័ត៌មានប៊ីប៊ីស៊ី បន្តអោយដឹងថា ការវាយប្រហារពីក្រុម ផ្តាច់ខ្លួន មូស្លឹម តួ យ៉ាងជាក្រុមសកម្មប្រយុទ្ធពុំមែនមូស្លឹម បានធ្វើការវាយប្រហារ ដោយ បាញ់សម្លាប់ ជនរងគ្រោះជា អ្នកកាន់សាសនាកាតូលិក ។ ក្រុមសកម្មប្រយុទ្ធ ឥស្លាមជ្រុលនិយម មក ពីមូលដ្ឋានសូម៉ាលី ជាក្រុម al-Shabab បានសម្លាប់មនុស្ស ហោចណាស់ ២៨ នាក់ ដោយមានការវាយប្រហារទៅលើរថយន្តក្រុង គោលបំណង វាយប្រហារទៅលើ ក្រុមផ្តាច់ខ្លួនចេញពី សាសនាមូស្លឹម កាល ពីសប្តាហ៍កន្លងទៅនេះ ដូចគ្នាដែរ ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/2/20-02-12-2014--14-11-35.jpg"><img src="/FileManager/Articles/mce/2014/12/2/20-02-12-2014--14-11-35.jpg" alt="" /></a><br /></span></p>
<p><span style="color: #000000;">ដោយឡែក ករណីលើកនេះ មានជាការវាយប្រហារសម្លាប់ក្រុមកម្មករ យកថ្ម បាន កើតឡើងកាលពី វេលាព្រឹកថ្ងៃអង្គារនេះ ក្នុងនោះ សាក្សីឃើញហេតុការណ៍ បញ្ជាក់ថា ជនរងគ្រោះ ត្រូវ បានក្រុមឧក្រិដ្ឋ ជនចាប់យកទៅ នាយប់រំលងអាធា្រត្រ ខណៈពេលដែលពួកគេកំពុងលង់ លក់ក្នុងសុបន្តិ នៅក្នុងជុំរុំ នាកន្លែងធ្វើការយកថ្ម របស់ពួកគេ ។ </span></p>
<p><span style="color: #000000;">មេបញ្ជាការប៉ូលីសក្នុងស្រុកអោយដឹងថា ក្រុមឧក្រិដ្ឋ ធ្វើការវាយប្រហារ ទៅ លើគោលដៅ រាល់ក្រុមកម្មករយកថ្មទាំងឡាយណា ដែលមិនមែន កាន់សាសនា មូស្លឹម នៅឯ កន្លែងយកថ្ម ក្រុង Kormey រយៈចម្ងាយប្រមាណ ១៥ គ.ម ពីទីក្រុង Mandera ។ យ៉ាង ណា មិញ ភ្នាក់ងារ សារព័ត៌មាន Reuters បានដកស្រង់ សាក្សី និយាយអោយដឹងថា ជនរង គ្រោះ ភាគច្រើន ត្រូវបានគេបាញ់សម្លាប់ ចំក្បាល ខណៈ ជនរងគ្រោះ ៤ នាក់ ត្រូវបាន ក្រុម ឧក្រិដ្ឋជន កាត់ក្បាល សម្លាប់ ។ យប់ថ្ងៃច័ន្ទ កន្លងទៅនេះ ហោចណាស់ មនុស្ស ម្នាក់ ស្លាប់ បាត់បង់ជីវិត ខណៈ ១២ នាក់ផ្សេងទៀត បានរងរបួស ធ្ងន់ ស្រាល ក្រោយពីខ្មាន់កាំភ្លើង បើកការវាយប្រហារ បាញ់ បោះគ្រាប់ពិត និង បំផ្ទុះសារជាតិផ្ទុះ ចូលទៅក្នុងបារ មួយកន្លែង ក្នុងក្រុង Wajir ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/2/79194468kenyamandera112014-02-12-2014--14-11-46.png"><img src="/FileManager/Articles/mce/2014/12/2/79194468kenyamandera112014-02-12-2014--14-11-46.png" alt="" width="493" height="277" /></a><br /></span></p>
<p><span style="color: #000000;">យ៉ាងណាមិញ ពុំទាន់មានក្រុមណាមួយ ចេញមុខមក ទទួល ស្គាល់ថាជាការវាយប្រហាររបស់ខ្លួននៅ ឡើយទេ ខណៈការវាយប្រហារទាំងពីរលើក គឹបានកើតឡើង ជិត ព្រំ ប្រទល់ដែន ប្រទេស សូមាលី ជាខ្លាំង ។ គួររំឮកថា ក្រុម Al-Shabab បានឈានជើងចេញយុទ្ធនាការរបស់ខ្លួន នៅក្នុងប្រទេស កេន យ៉ាងចាប់តាំងពីឆ្នាំ ២០១១ នៅពេលដែល ប្រទេស កេនយ៉ា បាន សម្រេច ចិត្ត ប្រើពលទាហាន ប្រ ឆាំងតបជាមួយនឹងក្រុមសកម្មប្រយុទ្ធ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>