<p>វីដេអូបង្ហាញពីការបាត់ខ្លួនភ្លាមៗរបស់ស្រីម្នាក់ ដែលត្រូវបានថតដោយកាមេរ៉ាសន្ដិសុខនៃចំណតរថយន្ដក្រោមដីមួយកន្លែង នៅប្រទេសចិន បានធ្វើឱ្យមនុស្សរាប់មិនអស់បះសក់ នៅពេលបានទស្សនា។</p>
<p style="text-align: center;"><a class="thickbox" title="" href="/FileManager/Commons/2013/10/28/ddd-28-10-2013--23-17-49.jpg"><img src="/FileManager/Articles/mce/2013/10/28/ddd-28-10-2013--23-17-49.jpg" alt="" /></a></p>
<p>បង្ហាញខ្លួននៅលើកទំព័រសង្គមនានារបស់ចិន កាលពីអំឡុងពាក់កណ្ដាលឆ្នាំ ២០១២ វីដេអូដែលថតបានសកម្មភាពបាត់ខ្លួនភ្លាមៗរបស់ស្រីស្អាតមានរូបរាងដូចតារាម៉ូដែលម្នាក់ក្នុងចំណតរថយន្ដនៅជាន់ក្រោមដី បណ្ដាលឱ្យអ្នកដែលបានចូលមើល ភ័យបះសក់ ប៉ុន្ដែ ទន្ទឹមនឹងនេះ វាក៏បង្កឱ្យមានសំណួរជាច្រើនស្ដីអំពីភាពពិតរបស់វា។<br /><br />ការបង្ហាញខ្លួនរបស់ស្រីស្អាតម្នាក់ ដែលពាក់ឈុតខ្មៅ ដើរតម្រង់មកចូលមក ធ្វើឱ្យបុរសម្នាក់ដែលកំពុងបើកបរត្រូវឈប់រថយន្ដរបស់ខ្លួន។ នាងឈរសម្លឹងបុរសនោះបានប៉ុន្មានវិនាទី ក៏ស្រាប់តែបាត់ខ្លួនមួយរំពេច នាំឱ្យបុរសម្នាក់នេះ ត្រូវចុះពីលើរថយន្ដ ដើម្បីបញ្ជាក់ថា តើវាជាការព្រិលភ្នែករបស់គាត់ដែរ ឬអត់។ នៅពេលចុះពីរថយន្ដ និងរកមើល បុរសនេះ ហាក់ដូចជាមានការភ័យខ្លាច ព្រោះមិនបានឃើញអ្វីសោះ។<br /><br />ដោយសារតែគិតថា ខ្លួនប្រហែលជាបានជួបនឹងខ្មោចស្រីម្នាក់ ទើបបុរសនេះ ក៏បានប្រញាប់ឡើងរថយន្ដ និងបើកចេញទៅយ៉ាងលឿន ដោយភាពតក់ស្លុត។<br /><br />ក្រៅពីវីដេអីខ្លីនេះ គេមិនបានឃើញមានព័ត៌មានលំអិតស្ដីអំពីករណីចម្លែកនេះនោះទេ។ ដូច្នេះហើយ បានជាអ្នកលេងអ៊ីនធើរណិត ពិសេសគឺក្រុមអ្នកឯកទេសខាងកាត់តវីដេអូ មានការសង្ស័យថា វាមិនមែនជាការពិត។ អ្នកខ្លះនិយាយថា វាគ្រាន់តែជាលទ្ធផលនៃការប្រើប្រាស់កម្មវិធីកាត់តវីដេអូតែប៉ុណ្ណោះ។</p>
<p><object style="display: block; margin-left: auto; margin-right: auto;" width="493" height="422" data="http://www.youtube.com/v/_3EcXPZfOZk&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/_3EcXPZfOZk&rel=1" /></object></p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/13794/stunt-with-scenes-of-death"><span style="color: #3366ff;">ភ័យស្ទើរស្លាប់ សុខៗស្រាប់តែស្តេចខ្មោច ហោះមកដេញតាមប្រកិតខ្លួន</span></a></span></p>
<p><span style="color: #3366ff;"><a href="/News/Detail/90352/coolest-zombie-wedding-cakes"><span style="color: #3366ff;">តោះទៅមើល កំពូលបេក្ខភាព នំអាពាហ៍ពិពាហ៍ ខ្មោច Zombie ឆ្គួតបំផុត លើលោក</span></a></span></p>
<p><span style="color: #3366ff;"><a href="/News/Detail/74102/mystery-car-ghost-suddenly-disappeared-between-lanes"><span style="color: #3366ff;">រថយន្ត"ខ្មោច" សុខៗបាត់ស្រមោលពីលើដងផ្លូវ ពេលកំពុងបើកបរ (មានវីដេអូ)</span></a></span></p>
<p> </p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Youtube/k14<br /><br /><br /></p>