<p><span style="color: #000000;"><strong>(បាងកក)៖</strong> ព្រះអង្គម្ចាស់ មហា វ៉ាចរ៉ាឡុងកន ដែលត្រូវបានតែងតាំងជាព្រះបុត្រាស្នងរាជ្យ តាំងពីទ្រង់ទើបមានព្រះជន្ម១៨វស្សានោះ ពេលនេះបាន «យល់ព្រមទទួល ការយាងពីរដ្ឋសភា ឲ្យព្រះអង្គឡើងគ្រងរាជ្យសម្បត្តិជាព្រះមហាក្សត្រថ្មី នៃប្រទេសថៃហើយ» ខណៈដែលព្រះអង្គក៏ទំនងជាកំពុងរៀបចំយាងត្រឡប់ពីប្រទេសអាល្លឺម៉ង់ មកកាន់ប្រទេសថៃវិញផងដែរ, នេះបើតាមទីភ្នាក់ងារព័ត៌មានចិនស៊ិនហួរ ចេញផ្សាយនៅមុននេះបន្តិច ដោយដកស្រង់សម្តីរបស់លោក ប្រាវិត វង់សូវ៉ាន់ ឧបនាយករដ្ឋមន្ត្រីថៃ នារសៀលថ្ងៃពុធ ទី៣០ ខែវិច្ឆិកា ឆ្នាំ២០១៦។</span></p>
<p><br /><a class="thickbox" title="" href="/FileManager/Commons/2016/11/30/16-30-11-2016--15-53-43.jpg"><img src="/FileManager/Articles/mce/2016/11/30/16-30-11-2016--15-53-43.jpg" alt="" /></a></p>
<p><br /><a class="thickbox" title="" href="/FileManager/Commons/2016/11/30/16a-30-11-2016--15-53-51.jpg"><img src="/FileManager/Articles/mce/2016/11/30/16a-30-11-2016--15-53-51.jpg" alt="" /></a><a class="thickbox" title="" href="/FileManager/Commons/2016/11/30/16-30-11-2016--15-53-43.jpg"></a></p>
<p><span style="color: #000000;">ថ្លែងប្រាប់អ្នកសារព័ត៌មាននានា ឧបនាយករដ្ឋមន្ត្រីថៃ លោក ប្រាវិត វង់សូវ៉ាន់ បានឱ្យដឹងថា «ព្រះអង្គម្ចាស់ បានទទួលយកការយាងមកគ្រងរាជ្យសម្បត្តិ ហើយអី្វៗគ្រប់យ៉ាងបាននិងកំពុងដំណើរការទៅយ៉ាងល្អ ស្របតាមនីតិវិធីតែងតាំង»។ ព្រមពេលជាមួយគ្នានោះ ឧបនាយករដ្ឋមន្ត្រីថៃរូបនេះមិនបានបញ្ជាក់ឡើយថា ទ្រង់ មហា វ៉ាចរ៉ាឡុងកន នឹងយាងមកកាន់ប្រទេសថៃវិញនៅពេលណានោះទេ ប៉ុន្តែសម្រាប់កាលកំណត់កន្លងមកសម្រាប់ការឡើងគ្រងរាជ្យនោះ គឺនៅថ្ងៃទិ០១ ខែធ្នូ ខាងមុខនេះហើយ។</span></p>
<p><span style="color: #000000;">គួរបញ្ជាក់ថា គណៈរដ្ឋមន្រ្តីបានដាក់បញ្ជូនព្រះនាមរបស់ព្រះអង្គម្ចាស់ វ៉ាចរ៉ាឡុងកន ទៅកាន់រដ្ឋសភាជាតិ កាលពីថ្ងៃអង្គារ បន្ទាប់ពីបានជំនុំគ្នាអស់មួយរយៈពេលខ្លីមក ហើយប្រធានរដ្ឋសភាជាតិថៃលោក Pornpetch Wichitcholchai បានប្រកាសថា ព្រះអង្គម្ចាស់ វ៉ាចរ៉ាឡុងកន ដែលត្រូវបានតែងតាំដោយ ព្រះបិតាជាព្រះរាជទាយាទនោះ នឹងត្រូវយាងឲ្យមកឡើងគ្រងរាជ្យសម្បត្តិ ប៉ុន្តែដោយសារតែទ្រង់ កំពុងស្ថិតនៅប្រទេសអាល្លឺម៉ង់នៅឡើយ ពិធីនៃការឡើងសោយរាជ្យមិនទាន់ត្រូវបានបញ្ជាក់ថា នៅពេលណាឲ្យប្រាកដនោះទេ៕</span></p>
<p><span style="color: #000000;"><a class="thickbox" title="" href="/FileManager/Commons/2016/11/30/15d-30-11-2016--15-19-36.jpg"><img src="/FileManager/Articles/mce/2016/11/30/15d-30-11-2016--15-19-36.jpg" alt="" /></a><br /><br /></span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>