<p>ព័ត៌មានអន្តរជាតិ ៖ ត្រីចម្លែកដ៏ធំមួយ មានប្រវែងដល់ទៅ ២ ម៉ែត្រ ត្រូវបានក្រុមមនុស្ស<br />មួយក្រុមប្រមាញ់បាន នៅក្នុងដែនទឹកប្រទេសសឹង្ហបុរី នោះគឺ ប្រមាញ់បាននៅឯ Pedra<br /> Branca នេះបើយោងតាមការដកស្រង់ អត្ថបទផ្សាយ ពីគេហទំព័រសារព័ត៌មានបរទេស<br />សឹង្ហបុរី singaporeseen ដែលទើបតែបានចេញផ្សាយកាលពីប៉ុន្មានម៉ោងមុននេះបន្តិច។</p>
<p><a class="thickbox" title="" href="/FileManager/Commons/2013/6/13/270-13-06-2013--10-46-39.jpg"><img src="/FileManager/Articles/mce/2013/6/13/270-13-06-2013--10-46-39.jpg" alt="" width="432" height="492" /></a></p>
<p>អ្វីដែលជាភាពភ្ញាក់ផ្អើលនោះគឺថា មិនត្រឹមតែមានប្រវែងវែងនោះទេ តែវាក៏មានគីឡូធ្ងន់<br />ផងដែរ នោះគឺ មានទម្ងន់ដល់ទៅ ២៧០ គក ឯណោះ ។ យ៉ាងណាមិញ បើតាមប្រភព<br />សារព័ត៌មានដដែលក៏បានគូសបញ្ជាក់បន្ថែមអោយដឹងផងដែរថា ត្រីចម្លែកគីឡូធ្ងន់មួយ<br />នេះ ត្រូវបានហាងម្ហូបសមុទ្រមួយកន្លែងទទួលទិញ ក្នុងតម្លៃ ៦,០០០ ដុល្លារ ខណៈ<br />ពេលដែលវាអាចបម្រើជូនភ្ញៀវដល់ទៅ ៧០០ នាក់ នេះបើតាមការរំពឹងទុក។</p>
<p><a class="thickbox" title="" href="/FileManager/Commons/2013/6/13/seafoodrestaurantpays6000-thumbnail-13-06-2013--10-48-18.jpg"><img src="/FileManager/Articles/mce/2013/6/13/seafoodrestaurantpays6000-thumbnail-13-06-2013--10-48-18.jpg" alt="" width="430" height="257" /></a></p>
<p>លោក Johnny Tan វ័យ ៥២ ឆ្នាំ ដែលត្រូវជាម្ចាស់ហាងម្ហូបសមុទ្រ Grouper King បាន<br />គូសបញ្ជាក់អោយដឹងថា មុននឹងឈានដល់ ការចំអិនវា បម្រើជូនភ្ញៀវកាលពីម្សិលមិញ<br />នេះ ពួកយើងបានចំណាយពេលដល់ទៅ ១០ ម៉ោង ដើម្បីធ្វើការសម្អាតវា ស្របពេល<br />ដែលបានប្រើកម្លាំងមនុស្សប្រុស ដល់ទៅ ៧ រូប ដើម្បីយកវាទៅបន្ទប់ចំអិនផងដែរ។</p>
<p><a class="thickbox" title="" href="/FileManager/Commons/2013/6/13/big-fish-13-06-2013--10-48-35.jpg"><img src="/FileManager/Articles/mce/2013/6/13/big-fish-13-06-2013--10-48-35.jpg" alt="" width="429" height="798" /></a></p>
<p>លើសពីនេះ គាត់ក៏បានបញ្ជាក់បន្ថែម អោយដឹងផងដែរថា ខណៈពេលដែលគាត់បាន<br />ទទួលទូរស័ព្ទពីសំណាក់ក្រុមអ្នកនេសាទ និងបានទៅដល់កំពង់ផែស្ទួចត្រីSenoko គាត់<br />ពិតជាមានភាពភ្ញាក់ផ្អើលជាខ្លាំង ខណៈពេលដែលបានឃើញ ក្រុមអ្នកនេសាទប្រមាញ់<br />បានត្រីដ៏ធំបែបនេះ ស្របពេលដែលគាត់មិនដែលធ្លាប់បានឃើញ ក្នុងរយៈពេល ២០ <br />ឆ្នាំចុងក្រោយនេះ ចាប់តាំងពីគាត់ដំណើរការនូវមុខជំនួញបើហាងម្ហូបសមុទ្រមួយនេះ៕</p>
<p style="text-align: right;">ដោយ ៖ រិទ្ធី<br />ប្រភព ៖ singaporeseen </p>