<p><span style="color: #000000;"><strong>(ភ្នំពេញ)៖</strong> ស្ត្រីជនជាតិអូស្រ្តាលីម្នាក់ ត្រូវបានអនុរក្សពន្ធនាគារ បញ្ជូនមកតុលាការ នៅថ្ងៃទី៣ ខែមករា ឆ្នាំ២០១៧ ដើម្បីបន្តការសាកសួរ ករណីជាឈ្មួញកណ្ដាល ជួលឲ្យស្ត្រីខ្មែរពពោះកូនជំនួស។</span></p>
<p><span style="color: #000000;">សំណុំរឿងនេះស្ថិតក្រោមចំណាត់ការរបស់លោក រស់ ពិសិដ្ឋ ចៅក្រមស៊ើបសួរសាលាដំបូងរាជធានីភ្នំពេញ។</span></p>
<p><span style="color: #000000;">ស្ត្រីរូបនេះ ត្រូវបានចោទប្រកាន់ជនសង្ស័យទាំងបីនាក់ពីបទ<strong> «អន្តរការរវាងអ្នកសុំ និងស្ត្រីពរពោះ និងបទការសុំឲ្យផ្តល់ឯកសារ ដោយទុច្ចរិតតាមមាត្រា៣៣២ និងមាត្រា៦៣២ នៃក្រមព្រហ្មទណ្ឌ»</strong>។</span></p>
<p><span style="color: #000000;">របាយការណ៍សមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជន បង្ហាញថា ជនសង្ស័យទាំងបីនាក់ឈ្មោះ CHALES TAMMY ALAYNE ភេទស្រី អាយុ៤៩ឆ្នាំ ជនជាតិអូស្ត្រាលី កាន់លិខិតឆ្លងដែនលេខ PE-0402481 ឈ្មោះ ពេញ រិទ្ធី ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅសង្កាត់ទឹកល្អក់៣ ខណ្ឌទួលគោក និង ឈ្មោះ សំរិទ្ធ ចាន់ចរិយា ភេទស្រី អាយុ៣០ឆ្នាំ មុខរបរឆ្មប ស្នាក់នៅសង្កាត់ វាលវង់ ខណ្ឌ៧មករា។</span></p>
<p><span style="color: #000000;">ក្រុមជនសង្ស័យត្រូវបានសមត្ថកិច្ច ការិយាល័យប្រឆាំងការជួញដូរមនុស្ស និងការពារអនីតិជន សហការជាមួយ អធិការដ្ឋាននគរបាល ខណ្ឌសែនសុខ និងខណ្ឌដូនពេញឃាត់ខ្លួន កាលពីល្ងាចថ្ងៃទី១៨ ខែវិច្ឆិកា ឆ្នាំ២០១៦។</span></p>
<p><span style="color: #000000;">សមត្ថកិច្ច បញ្ជាក់ថា នៅពេលដែលបណ្តាប្រទេសដទៃ ចេញច្បាប់បិទមិនឲ្យមានការជួលស្រី្តពរពោះ ដើម្បីកើតកូនជំនួស បណ្តាញជំនួញនេះ បានហូរចូលកម្ពុជា ហើយបង្កើតមេខ្យល់ឲ្យដើរលួងលោម អូសទាញ ស្ត្រីឲ្យរកស៊ីឈ្នួល ពរពោះជំនួសអ្នក ដែលចង់បានកូន ហើយរហូតដល់ក្រុមមនុស្សប្រុសស្រលាញ់ប្រុសដូចគ្នាចង់បានកូន ក៏មកកម្ពុជារកកូនដែរ។ ជំនួញមួយនេះ ធ្វើឲ្យពួកឈ្មួញចំណេញកប់ពពក អ្នកចង់បានកូនត្រូវចំណាយ ៥ម៉ឺនដុល្លារអាមេរិក៕</span></p>
<p><span style="color: #000000;"><img src="http://image.freshnewsasia.com/2017/028/fn-2017-01-03-15-07-30-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-01-03-15-07-30-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-01-03-15-07-30-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>