<p><span style="color: #000000;">ព័ត៌មានអន្តរជាតិ ៖ បុរសម្នាក់ ដែលត្រូវបានកប់ជាប់នៅពីក្រោយកំទេចថ្ម អស់រយៈពេលច្រើនជាង ៦០ម៉ោង ក្រោយមានការវាយ ប្រហារគ្រោះ ធម្មជាតិ រអិលបាក់ដី នៅខេត្ត Shenzhen ប្រទេសចិន នោះ លោកត្រូវបានគេជួយសង្គ្រោះបានសម្រេចហើយ ទាំងលោកនៅសល់តែដង្ហើមចង្រិត ។</span></p>
<p><span style="color: #000000;"><a class="thickbox" title="" href="/FileManager/Commons/2015/12/23/18-23-12-2015--14-27-38.jpg"><img src="/FileManager/Articles/mce/2015/12/23/18-23-12-2015--14-27-38.jpg" alt="" /></a><br /></span></p>
<p><span style="color: #000000;">គួរបញ្ជាក់ថា គ្រោះធម្មជាតិរអិលបាក់ដីខាងលើ បានកើតឡើង កាល ពីព្រឹកថ្ងៃអាទិត្យ ដោយបាន បណ្តាលអោយសំណង់អាគារពាណិជ្ជកម្ម ច្រើនជាង ៣០ដួលរលំបាក់ខ្ទេចខ្ទីតែម្តង។ របាយការណ៍ បញ្ជាក់អោយដឹងថា ថ្ងៃអង្គារម្សិលមិញនេះ ក្រុមការងារទើបតែបានរក ឃើញ សាកសពមនុស្សម្នាក់ តែប៉ុណ្ណោះ ខណៈច្រើនជាង ៧០ នាក់ផ្សេងទៀត បន្តបាត់ខ្លួននៅឡើយ។ ប្រភពបញ្ជាក់អោយដឹង ថាហេតុការណ៍គ្រោះថ្នាក់ដ៏រន្ធត់នេះ បានកើតឡើង នៅពេលដែល ជញ្ជាំងស្តុកកាកសំនល់សំណង់ បាក់រលំ បន្ទាប់ពីមានភ្លៀងធ្លាក់មួយមេយ៉ាងធំ ។</span></p>
<p><a class="thickbox" title="" href="/FileManager/Commons/2015/12/23/18c-23-12-2015--14-31-12.jpg"><img src="/FileManager/Articles/mce/2015/12/23/18c-23-12-2015--14-31-12.jpg" alt="" /></a></p>
<p><span style="color: #000000;"><a class="thickbox" title="" href="/FileManager/Commons/2015/12/23/18b-23-12-2015--14-27-49.jpg"><img src="/FileManager/Articles/mce/2015/12/23/18b-23-12-2015--14-27-49.jpg" alt="" /></a><br /></span></p>
<p><span style="color: #000000;">ស្ថិតនៅក្នុងវ័យ ១៩ ឆ្នាំ បុរសសល់តែដង្ហើមចង្រិតម្នាក់នេះ ត្រូវបាន ក្រុមការងារ ប្រទះឃើញនៅវេ លាម៉ោង ៤ ទាបភ្លឺ ថ្ងៃពុធនេះ នៅពីក្រោមគំនរថ្មបាក់បែក។ លោកមាន ឈ្មោះថា Tian Zeming ជា កម្មករចំណាកស្រុកមកពីខេត្ត Chongqing ។ អាជ្ញាធរក្នុងស្រុក គូស បញ្ជាក់ តាមរយៈសេចក្តីថ្លែង ការណ៍ក្នុងសន្និសិទសារព័ត៌មានអោយដឹងថា លោកបានប្រទះ ឃើញ Tian Zeming ស្ថិតនៅក្នុង សភាពទន់ខ្សោយជាខ្លាំង ខណៈគាំងជាប់នៅ ក្រោមគំនរថ្ម បាក់បែក ដែលសល់តែប្រហោងសម ល្មមមួយដែលអាចអោយគាត់មានឱកាសរស់រានមានជីវិត ។ ចំណាយរយៈពេលជាង ២ ម៉ោងទម្រាំ តែជួយសង្គ្រោះគាត់បានជោគជ័យ ។ ប្រភពបន្តអោយដឹងថា ៖ អំឡុងពេលដែលចេញប្រតិបត្តិការ ជួយសង្គ្រោះ លោក Tian ក្រុមការងារ បានប្រទះឃើញ បុរសម្នាក់ផ្សេងទៀត នៅក្បែរនោះ ប៉ុន្តែ ជា អកុសលគាត់បានស្លាប់បាត់ទៅហើយ។ គួររំឮកថា ពុំ ទាន់ មានតួរលេខផ្លូវការ បញ្ជាក់ពីចំនួនអ្នក ស្លាប់នៅឡើយទេ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/23/18a-23-12-2015--14-27-58.jpg"><img src="/FileManager/Articles/mce/2015/12/23/18a-23-12-2015--14-27-58.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>