<p>ភពព្រះគ្រោះមួយដែលត្រូវបានគេដាក់ឈ្មោះថា 2013 TV135 ដែលទើបត្រូវបានអ្នកវិទ្យាសាស្ដ្ររកឃើញ នឹងអាចធ្លាក់មកបុកនឹងផែនដី នៅប៉ុន្មានឆ្នាំខាងមុខ ហើយអាចបង្កឱ្យមានមហារលកយក្ស ឬកំទេចទីក្រុងដ៏ធំណាមួយក្នុងពិភពលោក។</p>
<p style="text-align: center;"><a class="thickbox" title="" href="/FileManager/Commons/2013/10/20/asteroidbeltaroundsunsizedstar1-20-10-2013--17-11-59.jpg"><img src="/FileManager/Articles/mce/2013/10/20/asteroidbeltaroundsunsizedstar1-20-10-2013--17-11-59.jpg" alt="" /></a></p>
<p>ភពព្រះគ្រោះដែលត្រូវបានក្រុមអ្នកវិទ្យាសាស្ដ្រជនជាតិ អ៊ុយក្រែន រកឃើញនេះ គឺជាអាចម៍ផ្កាយលោហធាតុ ហោះហើរនៅក្នុងលំហអាកាស។ វាអាចនឹង ហោះមកបុកផែនដី ក្នុងថ្ងៃទី ២៦សីហា ឆ្នាំ ២០៣២ បង្កការផ្ទុះដ៏ធំ គ្រោះថ្នាក់ដល់មនុស្សលោក។<br /><br />ភពព្រះគ្រោះនេះ មានទទឹង ៤១០ម៉ែត្រ ត្រូវបានរកឃើញជាលើកដំបូង កាលពីថ្ងៃទី ១៣តុលា ឆ្នាំ ២០១៣ ដោយស្ថានិយត្រួតមើលអវកាស Crimean Astrophysical Observatory នៅភាគខាងត្បូង អ៊ុយក្រែន ។ ព័ត៌មាននេះ ត្រូវបានទទួលស្គាល់ដោយមន្ទីរភពព្រះគ្រោះ(MPC) និងសមាគមន៍អវកាសអន្ដរជាតិ។ មកដល់ថ្ងៃទី ១៧តុលា ការរកឃើញខាងលើ ក៏ត្រូវបានផ្ទៀងផ្ទាត់ដោយក្រុមតារាវិទូចំនួន ៥ក្រុម មកពី អ៊ីតាលី អេស្ប៉ាញ អង់គ្លេស និងសាធារណរដ្ឋ ប៊ូរីយ៉ាទី (Buryatia) ។<br /><br />គំលាតអប្បបរមារវាងគន្លងគោចររបស់ផែនដី និង 2013 TV135 គឺ ១,៧លានគីឡូម៉ែត្រ។ តាមការគន់គូររបស់អ្នកវិទ្យាសាស្ដ្រ លទ្ធភាពនៃការប៉ះទង្គិចរបស់ 2013 TV135 មកលើផែនដី នៅថ្ងៃទី ២៦សីហា ឆ្នាំ ២០៣២ គឺ ១/៦៣០០០ ។ ដល់ឆ្នាំ ២០២៨ ក្រុមអ្នកវិទ្យាសាស្ដ្រនឹងអាចបង្ហាញការសន្និដ្ឋានច្បាស់ជាងនេះ អំពីផលប៉ះពាល់របស់ភពព្រះគ្រោះនេះ ចំពោះផែនដី។ <br /><br />យោងទៅលើវិធីសាស្ដ្រ Torino Scale ដែលកំណត់អំពីគ្រោះថ្នាក់របស់ភពព្រះគ្រោះ និងផ្កាយដុះកន្ទុយ ចំពោះផែនដី នោះ 2013 TV135 ត្រូវបានគេវាយតម្លៃថា មានគ្រោះថ្នាក់ កម្រិត ១/១។ ទន្ទឺមនឹងនេះ មានតែអាចម៍ផ្កាយមួយទៀត ដែលត្រូវបានវាយតម្លៃប្រហាក់ប្រហែល 2013 TV135 ចំណែកអាចម៍ផ្កាយដទៃ ក្រៅពីនេះ សុទ្ធតែមិនមានគ្រោះថ្នាក់ដល់ពិភពលោក។</p>
<p style="text-align: center;"><a class="thickbox" title="" href="/FileManager/Commons/2013/10/20/asteroid20131017-full1-20-10-2013--17-12-31.jpg"><img src="/FileManager/Articles/mce/2013/10/20/asteroid20131017-full1-20-10-2013--17-12-31.jpg" alt="" /></a></p>
<p>ក្រុមអ្នកវិទ្យាសាស្ដ្របានសិន្និដ្ឋានថា នៅពេលភពព្រះគ្រោះ 2013 TV135 ហោះមកប៉ះនឹងផែនដី វានឹងអាចបង្កជាការផ្ទុះដ៏កក្រើកមួយ ស្មើនឹងការផ្ទុះរំសេវ TNT ២,៥០០ mega តោន គឺខ្លាំងជាង ៥០ដង ធៀបនឹងគ្រាប់បែក Tsar Bomba ដែលធំបំផុតក្នុងប្រវត្តិសាស្ដ្រមនុស្សជាតិ ។</p>
<p> </p>
<p><strong>ព័ត៌មានសំខាន់ផ្សេងៗគួរឱ្យចាប់អារម្មណ៍</strong></p>
<p><span style="color: #3366ff;"><a href="/News/Detail/41972/voyager-1-really-is-in-interstellar-space-how-nasa-knows"><span style="color: #3366ff;">ឧបករណ៍សិប្បនិមិត្ត របស់មនុស្សដំបូង បានហោះផុតពី ឥទ្ធិពលព្រះអាទិត្យ</span></a></span></p>
<p><span style="color: #3366ff;"><a href="/news/detail/72031/nasa-08"><span style="color: #3366ff;">NASA ប្រកាសជ្រើសរើស អ្នកអវកាសយានិក ៨រូប ដើម្បីបំពេញបេសកកម្ម នៅទីលំហ</span></a><a href="/News/Detail/63250/international-news-218"></a></span></p>
<p><span style="color: #3366ff;"><a href="/News/Detail/63250/international-news-218"><span style="color: #3366ff;">កោះថ្មីនៅប៉ាគីស្ថាន គឺជាកោះថ្មភក់, មនុស្សស្លាប់ដោយ សាររញ្ជួយដីកើនដល់ ៣២៨នាក់</span></a></span> </p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ spaceanswers<br /><br /></p>