<div class="article-content">
<p>យោងតាម ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃអាទិត្យទី០៨ ខែមិថុនានេះ បានឲ្យដឹងថា ការសាង សង់ស្ពានមិត្តភាពកម្ពុជាចិនទី៦ ដែលជាស្ពានឆ្លងកាត់ទន្លេមេគង្គនៅខេត្តស្ទឹងត្រែង ដែលស្ថិតនៅភាគខាងជើង ប្រទេសកម្ពុជានោះកំពុងជិតត្រូវបានបញ្ជប់ជាស្ថាពរ បន្ទាប់ពីការសាងសង់អស់រយៈពេល ២៥ខែមក នេះបើ យោងតាមមន្រ្តីដែលបាននិយាយកាលពីថ្ងៃអាទិត្យ។</p>
<p>លោក ត្រាំ អ៊ីវតឹក ដែលជារដ្ឋមន្រ្តីក្រសួងសាធារណការ និងដឹកជញ្ជូនកម្ពុជា បានឲ្យដឹងថា ស្ពានដែលមាន ប្រវែង១,៧៣១ម៉ែត្រដែលត្រូវបានសាងសង់ឡើង ដោយ Shanghai Construction (Group) General Company នឹងត្រូវបញ្ចប់នៅចុងខែសីហាឆ្នាំនេះ។</p>
<p>លោកបានថ្លែងទៀតថា ការងារដែលនៅសល់សម្រាប់ស្ពាននេះ មានតែការក្រាលកៅស៊ូ និងដាក់បង្កាន់ដៃស្ពាន ប៉ុណ្ណោះ។<br /> រួមជាមួយការសាងសង់ស្ពាននេះដែរ នៅមានការសាងសង់ផ្លូវជាតិលេខជាតិ៩មួយទៀត ដែលមានប្រវែង ១៤៤ គីឡូម៉ែត្រ ចាប់តាំងពីខេត្តស្ទឹងត្រែងរហូតទៅដល់ខេត្តព្រះវិហារ។</p>
<p>គម្រោងទាំងមូលនឹងត្រូវបញ្ចប់នៅចុងឆ្នាំក្រោយនេះ ជាមួយនឹងការចំណាយសរុបចំនួន ១១៦លានដុល្លារ អាមេរិក ដែលជាហិរញ្ញប្បទានពីរដ្ឋាភិបាលចិន៕</p>
<p style="text-align: center;"><img src="http://image.dap-news.com:81/dap-news/dap-images/2014/June/id-010/chanroth014-june-54.jpg" alt="" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/88074-2014-06-08-07-15-35.html" target="_blank">ផ្តល់សិទ្ធដោយ ៖ ដើមអម្ពិល</a></p>