<p><strong>ភ្នំពេញ :</strong> នារីវ័យក្មេងម្នាក់ បានបញ្ចេញកំហឹង វាយកំទេចកញ្ចក់រថយន្ត កាមរីបាឡែន ទាំងមុខទាំងក្រោយ និង ស្រែកជេរខ្លាំងៗ អមដោយកាយវិការច្រងេងច្រងាង នៅតាមផ្លូវនុខណាហ្កាវើល ធ្វើឲ្យផ្អើលដល់ប្រជាពលរដ្ឋ តាមផ្លូវនាំគ្នាចោមរោមមើល កាលវេលាម៉ោងជាង៩យប់ ថ្ងៃទី១០ ខែឧសភា ឆ្នាំ២០១៤ ។</p>
<p>ក្រោយការសួរនាំ និងស្តាប់ នូវការស្រែកចំទាលខ្លាំងៗ របស់នារីវ័យក្មេងរូបនេះ ទើបដឹងថា នាងខឹងសម្បា ដោយសារតែតាមទាន់ និងឃើញប្តីរបស់ខ្លួន ដែលដេកអោបរាល់យប់ កំពុងជិះរថយន្តជាមួយ ស្រីក្មេងម្នាក់ ដោយនាងចោទថា ស្រីក្មេងម្នាក់ បានដណ្តើមប្តី របស់នាង ខណ:ដែលនាងទើបប្រសូត្របុត្រ បានរយ:ពេល ៤ខែប៉ុណ្ណោះ ។</p>
<p>សាក្សីនៅកន្លែងកើតហេតុ ដែលសួរនាំ និងដឹងរឿងរ៉ាវ ខាងលើនេះ បាននិយាយថា នារីវ័យក្មេង ដែលស្រែកជេរ និងវាយបំបែកកញ្ចក់រថយន្ត កាមរីបាឡែនពណ៌ស ព្រោះតែមិត្តស្រីរបស់ខ្លួន បានទៅដណ្តើមប្តីនាង ហើយនារី រូបនេះ ថែមទាំងទិញរថយន្តថ្មីខាងលើនេះ ឲ្យប្តីរបស់ខ្លួនជិះទៀតផង ។<br /> សាក្សីបានបន្តថា រថយន្តដែលត្រូវនារីវ័យក្មេងរូបនេះ វាយបំផ្លាញបណ្តាល ឲ្យបែកកញ្ចក់មុខក្រោយ ទើបនឹង ទិញបាន ២ថ្ងៃប៉ុណ្ណោះ ។</p>
<p>យ៉ាងណាណាក៏ដោយ ក្នុងហេតុការណផ្ទុះជម្លោះ ផ្អើលគេផ្អើលឯងខាងលើនេះបុរសជាប្តីបានរត់គេចខ្លួន បាត់ មិនទទួលខុសត្រូវ និងចេញមុខបកស្រាយនោះឡើយ ។</p>
<p>អធិការនគរបាលខណ្ឌ ចំការមន លោក យិន សាន បាននិយាយថា ករណីនេះ ក្រោយកើតហេតុ ភាគីទាំងខាង បានសម្របសម្រួលគ្នាចប់ ហើយត្រឡប់ទៅផ្ទះរៀងៗខ្លួន។ បើតាមសាក្សី ការខូចខាត ទាំងរថយន្តនេះ គឺប្រពន្ឋដើម ជាអ្នកចេញសង ។ យ៉ាងណាក៏ដោយគ្មាននរណាម្នាក់ ស្គាល់អត្តសញ្ញាណពួកគេទាំង៣នាក់នេះឡើយ ៕</p>
<p><object style="display: block; margin-left: auto; margin-right: auto;" width="514" height="440" data="http://www.youtube.com/v/6Xx10KFkkXo&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/6Xx10KFkkXo&rel=1" /></object></p>
<p style="text-align: center;"><img src="http://image.dap-news.com:81/dap-news/dap-images/2014/May/id-010/chanroth014-may-34.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/May/id-010/chanroth014-may-35.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/May/id-010/chanroth014-may-36.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/May/id-010/chanroth014-may-37.jpg" alt="" width="500" /></p>
<p style="text-align: right;"><a href="http://lookingtoday.com/index.php/entertainment-general-news/30250-2014-05-11-06-54-24.html" target="_blank">ផ្តល់សិទ្ធដោយ ៖ ដើមអម្ពិល</a></p>