<p><span style="color: #000000;"><strong>(ប៉ារីស)៖</strong> កីឡាករខ្សែប្រយុទ្ធជួរមុខ Radamel Falcao បានជួយឲ្យក្រុម AS Monaco ឡើងទៅឈរនៅកំពូលតារាង នៃ Ligue 1 បណ្តោះអាសន្នវិញ តាមរយៈស៊ុតបញ្ចូលបាន១គ្រាប់ ពេលក្រុមភ្ញៀវ Monaco បំបាក់ម្ចាស់ផ្ទះ Lorient ៣-០ យប់មិញនេះ។</span></p>
<p><span style="color: #000000;">តាមរយៈសារព័ត៌មាន BBC បានចេញផ្សាយថា កីឡាករជនជាតិកូឡុំប៊ី វ័យ៣៣ឆ្នាំ Falcao រកបាន៥គ្រាប់ ក្នុងចំណោម៣ប្រកួតចុងក្រោយនេះ ដែលជាការបង្ហាញទម្រង់លេងល្អឡើងវិញ និងបានជួយឲ្យ Monaco ឡើងទៅឈរនៅ កំពូលតារាងនៃលីគកំពូលបារាំងវិញ ដោយរកបាន២៩ពិន្ទុ តាមពីក្រោយដោយ Nice ស្មើពិន្ទុ និងក្រុមការពារតំណែង ជើងឯក Paris Saint-Germain ឈរនៅលេខ៣ រកបាន២៦ពិន្ទុ។</span></p>
<p><span style="color: #000000;">អតីតកីឡាករក្លឹប Atletico Madrid, Manchester United និង Chelsea បានបំបែកពងមាន់ នៅរយៈចម្ងាយ៦យ៉ាត ដែលជាគ្រាប់បាល់បញ្ចូលទីលើកទី៩របស់គេ ក្នុងការបង្ហាញខ្លួនបាន១១ប្រកួត ក្នុងក្លឹប Monaco នារដូវកាលឆ្នាំ២០១៦-២០១៧ នេះ នៅនាទីទី៦៤ មុនពេលមិត្តរួមក្រុម Thomas Lemar រកបានគ្រាប់ទី២ នៅ៣នាទីបន្ទាប់ និង Gabriel Boschilia បន្ថែមគ្រាប់ទី៣ នៅនាទីទី៩០ ដើម្បីយក៣ពិន្ទុត្រឡប់ទៅផ្ទះវិញ ដោយក្តីរីករាយ សម្រាប់សប្តាហ៍ទី១៣ ក្នុងជើងទី១នេះ៕</span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/149B/production/_92557250_falcao.jpg" alt="" width="730" /></span></p>
<p><span style="color: #000000;"><img src="http://static.foot01.com/img/images/650x600/2016/Nov/18/lorient-monaco-0-2-iconsport_vmi_181116_01_06,161302.jpg" alt="" width="730" /></span></p>
<p><span style="color: #000000;"><img src="http://img.20mn.fr/9BGRUYnsTKeVTSWE1-b92w/2048x1536-fit_delecroix-interpose-face-attaque-asm-lors-lorient-monaco-18-novembre-2016-moustoir.jpg" alt="" width="730" /></span></p>
<p><span style="color: #000000;"><img src="http://www.footmercato.net/images/a/fabinho-et-monaco-ont-pris-le-meilleur-sur-le-lorient-de-marveaux_190503.jpg" alt="" width="730" /></span></p>
<p><span style="color: #000000;"><img src="http://www.letelegramme.fr/images/2016/11/18/lorient-monaco-0-3-pas-d-effet-casoni_3177423_652x434p.jpg?v=1" alt="" width="730" /></span></p>
<p><br /><br /></p>
<p><span style="color: #000000;"><iframe src="https://www.youtube.com/embed/GAVSHAboB98" frameborder="0" width="480" height="380"></iframe></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>